MZP Lunglei President-in Chakma zirlaite chu State pawn aṭanga dik lo taka Mizote rawn bei tawh lo turin hrilh

Aizawl | Sept 1, 2026: Mizo Zirlai Pawl (MZP) Headquarters, Lunglei hruaitute leh Mizoram Chakma Students' Union (MCSU) hruaitute chu vawiin khan MZP Pisa-ah an meeting a, he meetingah hian ni 31 August, 2026-a All India Chakma Students Union (AICSU)-in India Today NE a ‘AICSU cites historical records on Chittagong Hill tracts, Demagiri amid social media debate’ tih thuziak an chhuah chungchang leh tunhnaia Lungleia Chakma buaina siam leh Chakma zu tawlh chungchangte an sawi ho a ni.

He meeting hi MZP Lunglei President H Lalhmingmawia'n kaihruaiin tun hnaia Tlabung chungchanga thuthang dik lo theh darh AICSU-in an rawn thar thawh leh chu pawi a tih thu a sawi.

H Lalhmingmawia chuan, MCSU hruaitute chu AICSU thuchhuah siam diklo chu chhang let turin MZP Hqrs, Lungleiin a hriattir thu hrilhin, State pawn aṭanga dik lo taka Mizote rawn bei tawh lo tur leh Mizoram chhunga Chakmate’n an tuar phah theih thu a sawi a. Tun hnaia Lungleia Chakma buaina siam an awm chu ṭha a tih loh thu sawiin, a bul tumtu chhui chhuaka a ṭul anga a chunga hma la turin a ngen bawk a ni.

MZP Hqrs, Lunglei President chuan, Lungleia zu tawlh luh za a sawmsarih chu Chakma tawlh luh a nih thu leh a ram leilung fate ruihhlo hmanga hrai tawh lo tura hma la turin MCSU hruaitute chu a ngen nghal bawk a ni.

MCSU President Rajib Chandro Chakma pawhin thusawiin, AICSU thuchhuah chu an hriatpui loh thu leh pawi an tih thu a sawi a, tun hnuah hetiang thil thleng tawh lo tura theihtawp an chhuah tur thu a sawi a ni.

Buaina siam ching Chakmate chu an zawn thu leh an hmuh zawh loh thu tarlangin, an zawn chhunzawm tur thu a sawi a, Lungleia Chakma zu tawlh lut tute chu an theih ang tawkin an ven ve thu leh an enzui ve reng a ni tih a sawi bawk a ni.

MZP Hqrs Lunglei chuan MCSU hruaitute chu AICSU thuchhuah chungchanga hma la ngei turin an hrilh a, Tlabung chungchanga thu dik lo theh darh a awm leh anih chuan a ṭul angin MZP in hma a lak tur thu MCSU hruaitute hi an hrilh nghal bawk a ni.

Mizo Zirlai Pawl Headquarters, Lunglei chuan Mizo ṭhailate leh zirlaite chu kan ram leh kan hnam history-te hre chianga zir chiang turin a ngen a, kan ram leh hnam chungchanga diklo taka thu chhuah siamtute chu dik tak leh huaisen taka kan hmachhawn zel theihna atan ram leh hnam tana inpe turin a ngen nghal bawk a ni.

*NEWS ITEM*

*MIZO ZIRLAI PAWL HEADQUARTERS:LUNGLEI LEH MIZORAM CHAKMA STUDENTS UNION MEETING*

Vawiin ni 1 September, 2026 (Thawhlehni) hian MZP Hqrs.: Lunglei hruaitute leh MCSU hruaitute meeting MZP Pisa, Venglaiah an nei a, he meetingah hian ni 31 August, 2026-a All India Chakma Students Union in India Today NE a ‘AICSU cites historical records on Chittagong Hill tracts, Demagiri amid social media debate’ tih thuziak an chhuah chungchang leh tunhnaia Lungleia Chakma buaina siam leh Chakma zu tawlh chungchangte an sawi ho a ni.

He meeting hi Pu H. Lalhmingmawia President MZP Hqrs.:Lunglei chuan kaihruaiin tun hnaia Tlabung chungchanga thuthang dik lo theh darh AICSU-in an rawn thar thawh leh chu pawi a tih thu a sawi a. Pu H. Lalhmingmawia chuan MCSU hruaitute chu AICSU thuchhuah siam diklo chu chhang let turin MZP Hqrs.:Lungleiin a hriattir thu hrilhin, State pawn aṭanga dik lo taka Mizote rawn bei tawh lo tur leh Mizoram chhunga Chakmate’n an tuar phah theih thu a sawi a. Tun hnaia Lungleia Chakma buaina siam an awm chu ṭha a tih loh thu sawiin, a bul tumtu chhui chhuaka a ṭul anga a chunga hma la turin a ngen bawk a ni. MZP Hqrs.:Lunglei President chuan Lungleia zu tawlh luh za a sawmsarih chu Chakma tawlh luh anih thu leh a ram leilung fate ruihhlo hmanga hrai tawh lo tura hma la turin MCSU hruaitute chu a ngen nghal bawk a ni.

MCSU President Rajib Chandro Chakma pawhin thusawiin AICSU thuchhuah chu an hriatpui loh thu leh pawi an tih thu a sawi a, tun hnuah hetiang thil thleng tawh lo tura theihtawp an chhuah tur thu a sawi a ni. Buaina siam ching Chakmate chu an zawn thu leh an hmuh zawh loh thu tarlangin, an zawn chhunzawm tur thu a sawi a, Lungleia Chakma zu tawlh lut tute chu an theih ang tawkin an ven ve thu leh an enzui ve reng a ni tih a sawi bawk a ni.

MZP Hqrs.:Lunglei chuan MCSU hruaitute chu AICSU thuchhuah chungchanga hma la ngei turin an hrilh a, Tlabung chungchanga thu dik lo theh darh a awm leh anih chuan a ṭul angin MZP in hma a lak tur thu MCSU hruaitute hi an hrilh nghal bawk a ni.

Mizo Zirlai Pawl Headquarters: Lunglei chuan Mizo ṭhailate leh zirlaite chu kan ram leh kan hnam history-te hre chianga zir chiang turin a ngen a, kan ram leh hnam chungchanga diklo taka thu chhuah siamtute chu dik tak leh huaisen taka kan hmachhawn zel theihna atan ram leh hnam tana inpe turin a ngen nghal bawk a ni.

*Dated Lunglei the 1st September, 2026*

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]