"ZPM chhungah inteitetna a thleng mek niin a lang a. CMO-ah Adviser te aiin pension rawih nawn leh pakhat chu a thu zawk avangin an pheikhai a rual thei lo niin an sawi,"

"BJP peng te nih leh BJP hlau reng reng te hian kan ram tan malsawmna an thlen ka ring lo," - Lal Thanzara

Aizawl | August 21, 2026: Mizoram Pradesh Congress Committee Political Session vawiina neiha thusawitu MPCC President Lal Thanzara chuan, "Kan hotuten MPCC a mawhphurhna neitute tunhnaiah insiam tharin, kan insiamṭha a. Hei hian Zoram puma Congress party mipui te a tilawmin kan phur phah hle niin ka hria a, lawmawm ka ti hle' a ti.

Pathian Thu in 'Hnunglama thilawm te chu theihnghilha, hmalama thilawm te chu banin' a tih ang khan inlungrual takin, kum 2028 inthlanpui lo awm tur atan theihtawp i chhuahho ang u, tiin ka sawm che u a ni" a ti.

Politician intite hian chunglam hriatpui tlak leh malsawm tlaka hma kan laka kan nun a ngai a ni.

Politics avanga nihna kan neihte hi intih milenna, intihlarna leh intihhausakna chi a ni lova. Chhiahhlawh hna, thuhnuairawlh leh inngaitlawma Bible-a kan hmuh angin Nazareth Manifesto rethei avanga saltang te chhuaha, duhamna avanga mitdelte tivar a, mi thiltithei ten an rahbehna atanga tichhuak tura ke pen tur kan nih inhriat a ngai a ni.

NLUP pawh kha Nazareth Manifesto hmangin eng emaw chenah chuan Pathian khawngaihna in kan lo tihlawhtling tawh a. Kum 2028 ah kan sorkar anih chuan NLUP hmang bawk hian kut hnathawk te leh thalai hna nei lote malsawmna thlentu nih leh kan tum dawn a ni.

Kan elpui party te hi BJP hlau em em, inthlan laia BJP sum tam tak lo hmang tawh tute niin BJP tih lawmloh hlau reng rengin an kal mek a ni.

Kan opposition pui MNF te hi an hotupa in BJP note an nihzia leh a bultumtu an nihzia chu hmanni lawkah pawh a sawi chungchang chanchinbu-ah kan hmuh kha.

BJP peng te nih leh BJP hlau reng reng te hian kan ram tan malsawmna an thlen ka ring lo. A chhan chu BJP te chu India atanga Kristian te nuaibo tum tute, India danpuia secular nuai bo a, chanchintha hriltute tiduhdahtute, Hindu lal rama India siam tumtu te, zirlai pawisawi lo nghaisa tute, India mihausa tawntaw te vulh ngar ngara mipui vantlang chan aia vulhtu an ni a, FCRA hmanga kohhran leh hnam hnufualte hamthatna tihdanglam tumtute an ni.

Ni 100 inhlawhna an pawngsuala, vai pathian hming lam ziahin inhlawhna min siam a. Tun hnaiah vai pathian fakna 'vande mataram' min sak luihtir an tum bawk a ni.

Vande mataram hi India ram hruaitu hmasa te khan chang khatna leh chang hnihna chauh a ni an pawm ni. A dang chu Hindu pathian nu fakna lam a awm tak avanga Congress kan hotu hmasa te, Kristian ni miah lo zawkte khan thutlukna siamin an lo hnawl a ni.

Kum 1937 khan Congress Working Committee te chuan Kolkata a inhmuhkhawmna an neihah Nehru, Patel, Subhas Bose, Maulana Azad leh Rajendra Prasad te pawh telna chuan Vande Mataram a tir chang hnih chu National Song atan an thlang a, RSS emaw Hindu Mahasabha te inrawlhna a awm ngai lo.

ZPM chhungah intentawnna ni lovin, inteitetna an zingah a thleng mek niin a lang a. CMO ah Adviser te aiin pension rawih nawn leh pakhat chu a thu zawk avangin an pheikhai a rual thei lo niin an sawi.

An term an hman zawh hram hi i duhsakpui ila. Sawhthing man an ba te hi pe zo phawt se, banakaih te hi thalai tam takin chhawr phawt se chumi hma chuan la inpumkhat hram hram se a duhawm a ni.

India ram pumah Congress kaihhruai opposition a lian mek a, kum 2029 Lok Sabha inthlanah chuan India ramah Congress kaihhruai sorkar a din ngei a rinawm hle a. Pu Rahul Gandhi a Prime Minister ngei tura rinkai ber a ni.

Kan College leh University mithiam te, NGO a inhmang mi tha tak tak te, thalai fel leh duhawm tak tak te, kan ram thatna duhtute, kan ram tungdinga siam tha leh tura lo penchhuaka Congress a awm turin ka sawmin ka ngen che u a ni, tiin Lal Thanzara chuan a sawi bawk.

MPCC/Media/PR-2026/60

Dated: Aizawl, August 21, 2026

PRESS RELEASE

Vawiin August 21, 2026 Zirtawp hian Mizoram Pradesh Congress Committee chuan Political Session kan nei a, he hunah hian Lal Thanzara, President, MPCC chuan thu a sawi.

Lal Thanzara chuan, "Kan hotuten MPCC a mawhphurhna neitute tunhnaiah insiam tharin, kan insiamṭha a. Hei hian Zoram puma Congress party mipui te a tilawmin kan phur phah hle niin ka hria a, lawmawm ka ti hle' a ti.

Politician intite hian chunglam hriatpui tlak leh malsawm tlaka hma kan laka kan nun a ngai a ni.

Kan elpui party te hi BJP hlau em em, inthlan laia BJP sum tam tak lo hmang tawh tute niin BJP tih lawmloh hlau reng rengin an kal mek a ni.

Kan opposition pui MNF te hi an hotupa in BJP note an nihzia leh a bultumtu an nihzia chu hmanni lawkah pawh a sawi chungchang chanchinbu-ah kan hmuh kha.

Ni 100 inhlawhna an pawngsuala, vai pathian hming lam ziahin inhlawhna min siam a. Tun hnaiah vai pathian fakna 'vande mataram' min sak luihtir an tum bawk a ni.

ZPM chhungah intentawnna ni lovin, inteitetna an zingah a thleng mek niin a lang a. CMO ah Adviser te aiin pension rawih nawn leh pakhat chu a thu zawk avangin an pheikhai a rual thei lo niin an sawi.

An term an hman zawh hram hi i duhsakpui ila. Sawhthing man an ba te hi pe zo phawt se, banakaih te hi thalai tam takin chhawr phawt se chumi hma chuan la inpumkhat hram hram se a duhawm a ni.

Friday Political Session hi Pu R. Lalrinawma, Ex-MLA, GS, MPCC chuan a kaihruai a. Pu Lalthankhuma, Secy, MPCC bakah Pu Lalroenga, President, ADCC leh Pu Lalremruata Renthlei, Media Chairman chuan report an pe bawk.

Sd/-

(LALFELA)

Media Department

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]