October 20-ah MSU General Headquarters inthlang dawn

Aizawl | August 21, 2026: Mizo Students' Union (MSU) General Headquarters, Aizawl chu October 30-ah an inthlang dawn.

Hemi chungchang hi nimina MSU General Conference Organising Committee 2026 leh MSU Election Commission 2026 Joint Meeting chuan an ngaihtuahho a, MSU General Conference & General Election 2026 chu October 30, 2026 (Zirtawpni) hian Vanapa Hall, Aizawl ah neih ni se tiin a rel a, Vanapa Hall pawh an be fel nghal a ni.

Tlang hrang hranga MSU hruaitu leh Hnampual hruaitu te leh College SU Leader-te pawh he hun pawimawh tak hmang tura lo kal vek turin MSU General Conference Organising Committee 2026 leh Election Commission 2026, joint meeting chuan an sawm nghal a ni.

MSU General Headquarters, Aizawl term khat hi kum hnih nin, kumin hi an inthlan kum a ni a, tuna Office Bearer (OB) term kal mekte hi Kum 2024 khan thlan an ni.

No.A.1013/MSU-GHQ/2024–2026/40

Dated Aizawl the 20th August, 2026

CIRCULAR

Dated 20 August 2026 a MSU General Conference Organising Committee 2026 leh MSU Election Commission 2026 Joint Meeting chuan MSU General Conference Cum General Election 2026 chu 30 October 2026 (Zirtawpni) hian Vanapa Hall, Aizawl ah neih ni se tiin a rel a, Vanapa Hall pawh hi biak fel nghal a ni. Tlang hrang hranga MSU hruaitu leh Hnampual hruaitu te leh College SU Leader-te pawh he hun pawimawh tak hmang tura lo kal vek turin MSU General Conference Organising Committee 2026 leh Election Commission 2026, joint meeting chuan a sawm nghal bawk a ni.

MSU General Election 2026 chungchanga hriat tur leh pawimawh dang, Election Code of Conduct siam leh kenkawh leh inthlan buatsaih etc., te chu Election Commission in tul atih angin a puangin, thuchhuah a nei ang.

Sd/-

VICTOR RAMTHANMAWIA)

Organising Secretary

MSU General Confrence 2026

MSU General Headquarters,

Aizawl, Mizoram

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]