Vaṭhuampui leh a chhehvêlah zirtirtu aikal la leh aikal pawh la lo, an thawhna sikula vawikhat mah la kal lo an awm; PZP-in karkhat chhûnga mahni thawhnaa awm ṭheuh tùrin ngen!

Aizawl | August 21, 2026: Pang Zirlai Pawl, General Headquarters' vawiin khan thuchhuah siamin, Vaṭhuampui leh a chhehvêlah zirtirtu aikal la leh aikal pawh la lo, an thawhna sikula vawikhat mah la kal lo an awm thu an tarlang a, PZP-in karkhat chhûnga mahni thawhnaa awm ṭheuh tùrin ngen!

"PZP chuan, zirtîrtu aikal la te leh sawrkar thu zawm duh lohte chu a dap chhuak zêl dâwn a, a tawp thlengin hma a la zêl dâwn a ni," an ti a.

An thuchhuah chuan, "Zirtîrtu aikal lâk chungchang hi PZP, General Headquarters' chuan Vaṭhuampui leh a chhehvêl chu ngun takin a thlithlai reng a, mi ṭhenkhat sawrkar thu zawm duh lova aikal la chhunzawm leh aikal pawh la lova vawikhat mah an thawhna sikula la kal lo an awm tih hriat a ni. Hei hi PZP, General Headquarters' chuan pawi a tiin a ngai thutak hle a, zirtîrtu aikal la te leh, vawikhatmah sikul la rap lo te chu karkhat chhûnga mahni thawhna (post)-a awm ṭheuh tùrin a ngen tak meuh meuh a ni," an tarlang.

"PZP chuan Mizoram sawrkar leh Autonomous council hnuaia thawk tùra a lâk zirtîrtute hian, lâk an nih ang ngeiin an mahni ngeiin thawk se a duh a. Hlawh ṭha tak sawrkar-in a pêk, training engkim a buatsaih sakte ngeiin Pathian rawngbawlnaah ngaiin ṭhahnemngai takin thawk se, zirna pawhin hma a sâwn pui ngei a ring a. Mahni eizawnna leh hlawh tam tak la chunga rinawm lo taka mahni hna thawk ṭha duh lote hi Mizoram sawrkar mai bâkah Autonomous Council hnuaia thuneihtute hian an chungah action la tùrin PZP chuan sawrkar a ngen a ni.

Zirtîrtu aikal la te leh mahni post-a vawikhat mah kal lo te chu karkhat chhûnga an thawhna hmunah an awm lo a nih chuan PZP chuan nâ takin a umzui dâwn a, an thawhna sikul thlengin khar sak an ni ang. Hetiang a nih avâng hian zirtîrtu transfer dil leh Office danga attach tùra dil te an awm ṭhin a, hemi kawngah hian Politician tumah inhnamhnawih loh tùrin kan ngen a, a rûka inhnamhnawih an awma hriat a nih chuan a mimal takin PZP chuan a dodal zêl bawk ang," an ti a.

"Pang Zirlai Pawl, General Headquarters' chuan Mizoram sawrkar-in sawrkar hnathawkte aikal la lo tùra hmalâk a intiamna chu a takin kan hmu zêl hi lâwmawm kan ti takzet a, a tawp thlengin kan thlâwp tlat dâwn a ni," tiin an tarlang bawk.

PRESS RELEASE

Pang Zirlai Pawl, General Headquarters' chuan Mizoram sawrkar-in sawrkar hnathawkte aikal la lo tùra hmalâk a intiamna chu a takin kan hmu zêl hi lâwmawm kan ti takzet a, a tawp thlengin kan thlâwp tlat dâwn a ni.

Zirtîrtu aikal lâk chungchang hi PZP, General Headquarters' chuan Vaṭhuampui leh a chhehvêl chu ngun takin a thlithlai reng a, mi ṭhenkhat sawrkar thu zawm duh lova aikal la chhunzawm leh aikal pawh la lova vawikhat mah an thawhna sikula la kal lo an awm tih hriat a ni. Hei hi PZP, General Headquarters' chuan pawi a tiin a ngai thutak hle a, zirtîrtu aikal la te leh, vawikhatmah sikul la rap lo te chu karkhat chhûnga mahni thawhna (post)-a awm ṭheuh tùrin a ngen tak meuh meuh a ni.

PZP chuan Mizoram sawrkar leh Autonomous council hnuaia thawk tùra a lâk zirtîrtute hian, lâk an nih ang ngeiin an mahni ngeiin thawk se a duh a. Hlawh ṭha tak sawrkar-in a pêk, training engkim a buatsaih sakte ngeiin Pathian rawngbawlnaah ngaiin ṭhahnemngai takin thawk se, zirna pawhin hma a sâwn pui ngei a ring a. Mahni eizawnna leh hlawh tam tak la chunga rinawm lo taka mahni hna thawk ṭha duh lote hi Mizoram sawrkar mai bâkah Autonomous Council hnuaia thuneihtute hian an chungah action la tùrin PZP chuan sawrkar a ngen a ni.

PZP chuan, zirtîrtu aikal la te leh sawrkar thu zawm duh lohte chu a dap chhuak zêl dâwn a, a tawp thlengin hma a la zêl dâwn a ni.

Issued by: Pang Zirlai Pawl, General Headquarters: Vaṭhuampui

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]