YWCA leh Aizawl Area TKP tangkawpin HIV / AIDS dona tura trainer training buatsaih

Aizawl | August 22, 2026: Young Women's Christian Association (YWCA) of Aizawl leh Aizawl Area Thalai Kristian Pawl Committee (AATKP) chuann vawiin khan HIV / AIDS dona tura trainer training an buatsaih .

"Faith Based Organisations Response to HIV/AIDS in Mizoram" thupui hmanga training-ah hian Aizawl khawchhunga Bial ṬKP aiawh pathum zel kalin Training of trainers programme pawimawh tak Baptist Centre, Falkland ah neih a ni.

Programme hi hun hnih ah ṭhen niin hun khatna hi Aizawl Area ṬKP Chairman Rawngbawltu Lalhmunsiama Pautu in a kaihhruai a, YWCA President Dr A Lalchhandami;n Introduction Speech neiin, Mizoram AIDS Control Society (MSACS) Joint Director Dr Lalnunhlima Khiangte-in Power Point Presentation hmangin zirtirna a pe a, YWCA atangin Lalremruati Tlau chuan Training Manual Orientation chungchang sawina huna nei a, Activity chungchang Zirtirna YWCA atangin Lalmuanpuii hnen atangin ngaihthlak a ni bawk.

Second Session ah hian Aizawl Area ṬKP Vice Chairman Rawngbawltu V Vanlalropuia'n kaihruaiin Academy Of Integrated Christian Studies (AICS) Asst. Professor Rev Dr Joe Laldinpuia'n Compassionate Church chungchang a sawi a, YWCA atangin Christina Malsawmkimi hnen aṭangin "Training Manual Action Plan, Commitment and Evaluation" thupui hmangin zirtirna neiin Discussion hun hman a ni chhunzawm a ni a, Bial hruaitu kalkhawm aṭanga zawhna an neih te hmalak dan turte YWCA aṭanga lo kal te nen sawiho a ni.

Christina Malsawmkimi

Aizawl Area ṬKP Secretary C Lalbiakkima'n lawmthu sawina hun neiin YWCA te nena hun ṭha tak mai an hman ah lawmawm a tih thu sawiin Bial leh Unit atanga Hruaitu kal te pawn kan Bial leh Unit theuh ah a tam thei ang bera zirtirna nei theuh turin a chah a ni.

He hunah hian Aizawl khawpui chhunga TKP Bial Hruaitu an kal tha hle a ni.