"YMA in zilhhau fo tawh ang a thu leng hi thu dik ziktluak lo a ni,"

Aizawl | August 18, 2026: Isaac Chawngthu chuan YMA Tuikual North branch thuchhuah-a an dawr, 'Kan In chung Cafe' chungchang an atrlan danah vawiin khan thuchhuah siamin, "YMA in zilhhau fo tawh ang a thu leng hi thu dik ziktluak lo a ni, dawr kan siam atang hian YMA te nen hian tun a kan issue Runmawi TV a ka thu sawi avang bakin kar kan neih awm ka hre lo a ni," a ti a.

"Kan veng YMA thuchhuahah khan zanrei a bengchhengte, zu kawl chungchang a zilhna te, motor kawng tichep te a ngaihtheih turin thu ziah a ni a. Kan dawr hi 2025 kum a hawn chauh a ni a, kan hawn atanga tun thleng hian dawrah hian keimahni zawrh tih theih tur zu YMA emaw Excise man ala awm lo, date.09.05.2026 khan kan customer te rawn ken luh erawh kan YMA Duty ten dawr chhungah rawn kalin rawn check-in an man sak ngei a ni," a ti a.

YMA Tuikual North thuchhuah: HETAH

"Social media lama beih leh tawngka na tak tak ka tawh nasat em avangin keimah bakah chhungkua in a tawrh phah em em a hei chiah ka rawn sawi leh ani e," tiin Instagram-ah caption a dah bawk a a ni.

A thuchhuah kimchang:

FOR YOUR INFORMATION

RunmawiTV-ten min kawmnaa ka thusawi avanga kan veng YMA-ten ngaihdam dilna video, social media a post tura min tih chu beisei loh dana darhin, sawizuina tam tak a lo awm a. Hetianga kan rin loh anga boruak a kal tak si ah chuan, ngawih chuh kan tum zet nain, social media lamah kan chanchin dik tawk lote a darh mai bakah, pawl thuchhuah te alo awm tak avangin thudik kan hriat tlan theih nan he thuchhuah hi siam ve ngai niin ka hria a ni. Mimal emaw pawl emaw pawisawi leh rilru tihnat tumna kan neilo tih erawh min lo hriatsak hram dawn nia.

Runmawi TV lama ka thu sawi lo darh ta hluai vang hian Tuikual North Branch YMA Committee in date . 28.07.2026 ah committee a ko a. Runmawi TV lama ka thu sawi "YMA an hnawk" ka tihnaah khan veng bil emaw sawi bik ka nei lo tiin kan han sawi tana, "YMA an hnawk" tih tawngkam ka lo sawi chu Tuikual North Branch Committee te chu an rilru ana a, ka ngaihdan ka sawi na ah Indirect tak a Tuikual North veng sawi chhan an tih avangin a hmunah theih ang tawk leh thiam ang tawkin ka ngaihdan ka lo sawi ve avangin ngaihdam ka dil nghal bawk a ni, chu chu duh tawk lo in ngaihdam dilna video siama Runmawi Tv ah leh ka wall a post turin min ti leh ani, date.07.08.2026 ah Tuikual North Branch President ka va call a video siam bur bur loin ngaihdam tha deuhin kan in dil tawh a, video ka siam a nih chuan a topic a sensitive a, impact a nat tur thu leh ka reputation pawn a tuar anga ka business thlengin a tuar phah theih tur thu te, ka video siam chhan ni lo YMA hming thleng a demna a awm palh theih thu hrilhin kawng dang ngaihdam dil dan tur min ngaihtuah sak turin ka va ngen leh a ni. Date.13.08.2026 ah Tuikual North YMA President chuan min rawn call lehin, committee chuan video siam chu a duh nghet bur bakah ka hma lak tawhna instagram page a clip ka delete tir tawhna leh runmawi lama ka hma lak tawhna incharge bula ka la report lo chu Committee memberte an lungawi loh thu leh "YMA min va namnul ve" an tih thu min rawn hrilh avanga he video hi a tukah siamin date.15.08.2026 ah ka post a ni. YMA hi tih hmingchhiat ka tum vang leh ka do vang a ni lo a, siam tur a tih ka nih avanga siam ka ni tih min lo hriatsak hram bawk dawn a nia.

Kan veng YMA thuchhuahah khan zanrei a bengchhengte, zu kawl chungchang a zilhna te, motor kawng tichep te a ngaihtheih turin thu ziah a ni a. Kan dawr hi 2025 kum a hawn chauh a ni a, kan hawn atanga tun thleng hian dawrah hian keimahni zawrh tih theih tur zu YMA emaw Excise man ala awm lo, date.09.05.2026 khan kan customer te rawn ken luh erawh kan YMA Duty ten dawr chhungah rawn kalin rawn check-in an man sak ngei a ni.

Kan dawr bul hi dawr kan hawn loh lai pawha lirthei hrang hrang din ve rengna sa a nih avangin, dawr hawn chhung pawha kan customer-te lirthei dah nana hman ve kha a remchangin kan hria a. Kan customer-te chauh hi helai kawnga traffic ti tawttu an ni bik kherlo tih pawh hi kan veng hruaitute nen pawh sawi hoin anni pawn min hriatpui ve bawk.

Kan YMA-ten 11 - 11:30 PM pela dawr hawn min phalsak loh avangin he hun min bituk hi kan bawh pel ngai lova, eng emaw laklawh thil pumpelh theihloh emaw, dawr khar hnua thian leh unauten inkawm nan kan hman zui erawh a awm ve zeuh thin thunga, mahse, hengah pawh hian khawtlang tana hnawksak leh bengchhenga awm hi kan duh ngai lova, theihtawp pawh kan chhuah ve a ni. Hemi chungchangah pawh hian kan YMA-te nen pawh sawihona kan lo nei tawh hial a ni.

YMA in zilhhau fo tawh ang a thu leng hi thu dik ziktluak lo a ni, dawr kan siam atang hian YMA te nen hian tun a kan issue Runmawi TV a ka thu sawi avang bakin kar kan neih awm ka hre lo a ni.

Hetia Social Media lama thudiklo, mimal rin thu mai leh thu chianglo tak tak, ka mimal leh kan dawr chungchangah a darh tak siah chuan, inthlahrung tak leh YMA zah tak chungin, he thu hi ka rawn ziak ve zawk a ni e.

YMA member tho ka ni a, YMA hi ka zah takzet a, kan member nihna YMA Branch ti hming chhia a hma la ka ni lo tih min lo hriatsak theuh turin ka ngen takzet bawk a che u.