"danin a phal loh chin zu kawl, zan reia bengchheng thin leh vantlang kawnga lirthei dah hnawkah te fimkhur turin kan ngen a, vawi eng emaw zat titipui," ~ YMA Tuikual North Branch

Aizawl | August 16, 2026: Young Mizo Association (YMA) Tuikual North Branch chuan vawiin khan thuchhuah siamin, tunhnaia social media-ah Tuikual North Branch YMA hma lakna dem zawng lek leka thu darh awmte avang hian pawi an tih thu an sawi a. "danin a phal loh chin zu kawlah te, zan reia thenawm khawvengte tana bengchheng awm thin te leh vantlang kawnga lirthei dah hnawkah te YMA chuan fimkhur turin kan ngen a, Vawi eng emaw zat titipui a ni," an ti a.

"Tun hnaiah kan veng chhung dawr pakhat chungchangah, The Mizoram Liquor (Prohibition) Amendment Act, 2025, etc. danin a phal loh chin zu kawlah te, zan reia thenawm khawvengte tana bengchheng awm thin te leh vantlang kawnga lirthei dah hnawkah te YMA chuan fimkhur turin kan ngen a. Vawi eng emaw zat titipui a nih hnuin Social Media-ah YMA hnawksak ti zawnga tawngkam lo awm palh hi pawi kan ti hle a ni. Chumi hnuah ngaihdam dilna video clip a siam hi puitlinthlak kan ti a, a chungah Branch YMA chu kan lawm em em a ni," tiin an thuchhuah chuan a tarlang.

View this post on Instagram

A post shared by eye (@isaac.chawngthu)

YMA Tuikual North Branch chuan, "Tuikual North Branch YMA lakah ngaihdam dil tura ngen a ni lo a, "YMA an hnawk lutuk" tih tawngkam zawk kha thangthar zelten Mizorama tlawmngai pawl lian ber YMA hi an hmuh tleu phah thei dawna a lan avangin YMA thlavang hauh nan hemi thuah hian YMA lakah ngaihdam dil tura ngen zawk a ni," an ti bawk.

YMA Tuikual North Branch chuan, "India khua leh tui, mi tu pawh hian Fudamental Right kan nei a, inzah tawnsak tur kan ni a, kan dikna chanvo (Right) kan hriat tluk zeta pawimawh chu khua leh tui tha ni tura mawhphurhna (duty) hre tur leh hlen turin kan inngen bawk a ni," an ti bawk a.

"Social Media hmangtu mi thenkhat, thu dik ziktluak lo hmanga thiam taka dawt sawi hmangte avangin kan Society-ah, a bik takin mimal zalenna rah behsak ang hiala YMA te puhna awm thin hi thil a nihna tak hre lo, chhui zui loh vang leh eng mah thu bulbal hre hmasa loa sawi ve mai maiah kan ngai a ni.

YMA chuan ruihhlo do kawngah dan ang takin hma a la chhunzawm zel ang a. Social Media hman dan chungchangah kan ngaihdan kan sawi hmain thu dik hriat hmasak tum hram turin veng mipuite kan inngen a ni," tiin mipui an ngen bawk.

YOUNG MIZO ASSOCIATION TUIKUAL NORTH BRANCH

VENG CHHUNG MIPUITE HNENA NGENNA

Dated: August ni 16,2026 (Pathianni)

YMA chuan kum 2025-2027 kumpuan atan 'Ruihhlo Do' a puang a. Chu chu Tuikual North Branch YMA pawhin chak takin kan bawhzui mek a, chumi hma lakna kal zelah chuan Tuikual North khawtlang a lo ralmuan a, a lo him zawk nan Kumpuan Sub-Committee din niin chak taka hma lak reng a ni.

Tun hnaiah Social Media-a Tuikual North Branch YMA hma lakna dem zawng lek leka thu darh awmte avang hian pawi kan ti tak zet a ni.

Tun hnaiah kan veng chhung dawr pakhat chungchangah, The Mizoram Liquor (Prohibition) Amendment Act, 2025, etc. danin a phal loh chin zu kawlah te, zan reia thenawm khawvengte tana bengchheng awm thin te leh vantlang kawnga lirthei dah hnawkah te YMA chuan fimkhur turin kan ngen a. Vawi eng emaw zat titipui a nih hnuin Social Media-ah YMA hnawksak ti zawnga tawngkam lo awm palh hi pawi kan ti hle a ni. Chumi hnuah ngaihdam dilna video clip a siam hi puitlinthlak kan ti a, a chungah Branch YMA chu kan lawm em em a ni.

Tuikual North Branch YMA lakah ngaihdam dil tura ngen a ni lo a, "YMA an hnawk lutuk" tih tawngkam zawk kha thangthar zelten Mizorama tlawmngai pawl lian ber YMA hi an hmuh tleu phah thei dawna a lan avangin YMA thlavang hauh nan hemi thuah hian YMA lakah ngaihdam dil tura ngen zawk a ni.

India khua leh tui, mi tu pawh hian Fudamental Right kan nei a, inzah tawnsak tur kan ni a, kan dikna chanvo (Right) kan hriat tluk zeta pawimawh chu khua leh tui tha ni tura mawhphurhna (duty) hre tur leh hlen turin kan inngen bawk a ni.

Social Media hmangtu mi thenkhat, thu dik ziktluak lo hmanga thiam taka dawt sawi hmangte avangin kan Society-ah, a bik takin mimal zalenna rah behsak ang hiala YMA te puhna awm thin hi thil a nihna tak hre lo, chhui zui loh vang leh eng mah thu bulbal hre hmasa loa sawi ve mai maiah kan ngai a ni.

Issued by: Tuikual North Branch YMA

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]