Network chhiat vangin PZP-in Airtel tower an off sak, ni thum chhunga net siamṭhat loh chuan Vaṭhuampui chhehvela Airtel tower tihchhiat vek an tum!

Aizawl | August 17, 2026: Vathuampui leh a chhehvel ten Airtel Signal (network) chhe lutuk avangin Pang Zirlai Pawl, General Headquarters' chuan Vathuampui khawchhunga Airtel Tower chu PZP President Albin LaIhruailluanga chuan nimin khan off sakin, ni thum chhunga siam that nan hun a pe.

Airtel signal (network) hi ni thum chhunga an siam tha lo emaw, hmasawnna a awm lo a nih chuan Pang Zirlai Pawl, General Headquarters' chuan Vathuampui leh a chheh vel a Airtel Tower awm zawng zawngte tihchhiat vek a tum bawk.

Tunlai khawvelah signal (network) a that loh chuan naupang ten zirna kawngah nasa takin harsatna an tawk a. Mipui nunphung a tibuaiin, 'VB G Ram G' thlalak thlengin mipui ten an tuar a, hei hi rang taka sutkian sak turin thuneitute an phut tlat a, Pang Zirlai Pawl chuan a tawp thlenga hmalak a tum bawk.

ESTD. 1984

PANG ZIRLAI PAWL

GENERAL HEADQUARTERS VATHUAMPUI MIZORAM Regd. No. SR 10 of 1989 Under Govt. of Mizoram

MOTTO: "A thu mai charm lo kan, a fakir"

Office : PZP lnpui,Vnthuampui

No.B.65/PZP/GHQ/2025-2027/15 Dated Vathuampui. the 16. August,2026

PRESS RELEASE

Vathuampui leh a chhehvel ten Airtel Signal (network) chhe lutuk avangin Pang Zirlai Pawl, General Headquarters' chuan Vathuampui khawchhunga Airtel Tower chu Pu Albin LaIhruailluanga, President chuan off sakin, ni thum chhunga siam tha turin hun pek an ni.

Pang Zirlai Pawl, General Headquarters' chuan Mizoram sawrkar leh Airtel lama an hotute chu vawi tam hmaichhanah sawipuiin hma laksak turin lehkha hmang leh tawngka hmangin ngenna kan lo thlen fo tawh thin a. Tun thleng pawhin awmzia a nei thei lo hi pawi a tiin kan hrethiam o takzet a, Vathuampui leh a khaw chhehvel in hmuhsitna leh tham lohnaah kan ngai a, Airtel signal (network) hi ni thum chhunga an siam tha lo emaw, hmasawnna a awm lo a nih chuan Pang Zirlai Pawl, General Headquarters' chuan Vathuampui leh a chheh vel a Airtel Tower awm zawng zawngte tihchhiat vek a tum bawk.

Tunlai khawvelah signal (network) a that loh chuan naupang ten zirna kawngah nasa takin harsatna an tawk a. Mipui nunphung a tibuaiin, 'VB G Ram G' thlalak thlengin mipui ten an tuar hi rang taka min sutkian sak turin thuneitute kan phut tlat a, Pang Zirlai Pawl chuan a tawp thlengin hma a la zel dawn a ni.

Issued by: Pang Zirlai Pawl, General Headquarters: Vathuampui

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]