"Ram ngaw leh luite dimdawi takin kum tam tak lo la awm zel tur hma khua ngaiin uluk taka enkawl turin Zoram mipuite kan ngen tak meuh a ni,"

Aizawl | Augus 15, 2026: All India Adivasi Congress Committee member Er Sanghrima Chongthu chuan vawiin chhun dar 1 khan Aizawl Press Club-ah thuthar thehdarhtute kawmin, "Ram ngaw leh luite dimdawi takin kum tam tak lo la awm zel tur hma khua ngaiin uluk taka enkawl turin Zoram mipuite kan ngen tak meuh a ni," a ti.

A press Statment kimchang:

Mizo fate hi Census hnuhnung ber 2011 khan 12 lacs vel kan ni a. India ram mipuite hi tunah chuan 144 Million kan ni tawh a ni. Adivasi te hi tribal an tih te hi Scheduled Tribe/Tribal Forest Dweller an ti bawk.

Keini Zofate hi Yuhan, China ram atanga lo tla thla kan ni a, Mizoram hi kan ram a ni a, kan ram a ni kum khua bawk ang. Indigenous People khawvel ram hrang hrangah an awm a. Entirnan, America-ah chuan Red Indian kha an ni a. Australia/New Zealand ramah te pawh Maori Tribe-te an awm.

India rama Party lian ber leh rorel rei ber INC chuan tun hmaa miin hnam mawl zawk leh hnam, kil khawr leh tlang ram a chengte Forest rama cheng ST tia an koh thin Adivasi an tih bawk (Forest Dweller) te dimdawi takin an enkawl thin a. Hnam changkang zawk UP, Bihar, MP-a mite chuan kan anpui Adivasi-te nasa takin an nek chepin an rap bet mek a ni.

Tun hnai kum 10 chuang zet kal ta a BJP leh a sangawi zawn pui te chuan hnam mawl Adivasi (Tribal Forest Dweller) te chu an nek chep nasa em em a ni tih an hmu chhuak a, chu chu hriain All India Congress President Pu Mallikarjun Kharge te, Pu Rahul Gandhi te chuan All India Adivasi Congress Committee dinin National Chairman-ah Dr. Vikrant Bhuria, MLA hnuaiah India Ram puma Adivasi-te (ST) humhalh tlat turin hma an la nasa ta a ni tih mipui hmaah puan chhuah a tul ta a ni.

Central sawrkar (NDA) chuan President of India atan pawh Droupadi Murmu Adivasi kan ruat a, hei hi Adivasi te hmakhua kan ngaih vang a ni an ti a, chutihlai mekin SC/ST quota te chu tihbo an tum mek bawk si. Pu Mallikarjun Kharge, President, AICC chu Dalit anih avangin Haldwani, Uttarakand hmun a Congress punkhawmna (Rally) an neihna hmun chu Hindu Right Wing ho ten Ganga tui hmangin tih thianghlimna inkhawm an nei a ni. He thil hi thil tenawm tak a ni a, India ramah Adivasi/ Dalit te BJP (Brahmin) ten min endawng zia a tilang chiang hle a ni. Kan sawrkar hrawn mek pawh hi a thang harh har mah mah a ni. An pu te hi an hrechiang lo em mai, Kristian/Adivasi ten kan tuar mek zel chu a ni hi.

Keini Mizote chu kan vannei em em a, Saphoin Pathian thu takah min pianthar tir a, ILP hmangin min humhalh tlat avang hian hnuaichhiahna (Oppresion by the Advanced & Developed Society) te State dang ami ten an tawn thin ang kan tawng ve ngai lo a, kan hrethiam lem lo bawk a ni. Kan chenna ram Zoram hi Neitu nihna Land Right kan neih ang te hi kan ST/Adivasi pui te chuan an neih loh bakah pek a hnehin chhuh sak an ni mek zawk a ni. Hemi chungchangah hian Zofate kan thangharh nasat a ngai ta a nih hi.

Forest Right Act 2006 Dan awm hma pawhin kan nihlawh em em a, he danin a rel sakte ang maiin kan ramah hian kan zalen a ni. Chuvangin, kan ram tha tak hi humhalh nachang pawh kan hre tawk lo em aw tih tur a ni.

Kan luah ramah hian India Sorkar hnuaiah zalen takin ram neitu nihna changin, kan ram humhalh a nih theihna leh hnuaichhiahna pawn lam atangin kan tawng ve ngai lo te hi kan hre thiam lo letling a ni. Chutih rual chuan kan thang harh a ngaih tak zia hriain kan ram luah Mizoram hi neitu rilru tak tak pu in hmangaihna nen thangthar lo awm zel turte tan a tha thei ang bera enkawl tur kan ni tih hre thar leh ang u.

Ram ngaw leh luite dimdawi takin kum tam tak lo la awm zel tur hma khua ngaiin uluk taka enkawl turin Zoram mipuite kan ngen tak meuh a ni.