"Post Matric Scholarship Sem kim thawkhat tawh, 93% pe zo tawh!"

Aizawl | August 14, 2026: Mizo Zirlai Pawl (MZP) hruaitute chuan vawiin khan Mizoram Scholarship Board Secretary Dr C Laldawngliana chu hmuin Post - Matric Scholarship sem tawh dan leh Pre-Matric Scholarship sem theih hun tur bakah Scholarship diltu tena awlsam zawk leh hriatthiam awl zawka Scholarship dil dan instruction an hmuh theih dan turte sawi ho a ni.

MZP chuan, "Post-Matric Scholarship Sem kim thawkhat a ni tawh a, 93% pek zawh tawh a ni. La pek kim loh te hi Bank lama Aadhaar Seeding (DBT) tih fello avanga la pek theih loh te an ni a. Aadhaar seeding la tifel lo ten mahni Bank Account neihna lama kala lo buaipui fel turin kan inngen a ni," an ti.

A tira Aadhaar Seeding felloh avanga dawng lo, Bank lama tifel leh tawh te pawhin National Scholarship Portal (NSP) lam atanga Validate phawt a ngaih thin avangin, ni 2/1 ah a lut mai thei lova ni 15 tal nghah a ngaih thin a, hrethiam taka lo nghak turin kan han inngen a ni.

Pre-matric Scholarship lam pawh semchhuah theih tep tawh niin Central lam atangin Mother Sanction pawh dawn fel tawh a ni a, State Matching Share (SMS) Finance department atanga nghah mek niin, buaina dang a awm lo a nih chuan Karleh lamah semchhuah theih beisei a ni a. Pre-Matric Scholarship dil zawng zawng ten Aadhaar Seeding lo tifel vek turin kan inngen bawk a ni.