EFCI 'International Day' 2026 pualin vantlang tan faina hnatlang

Aizawl | August 15, 2026: Evangelical Free Church of India (EFCI) Kristian Thalai Pawl (KṬP) Sesawng Unit te chuan tukin khan, EFCI 'International Day' 2026 (August 16) pualin Sesawng VC-II huam chhungah khawtlang thianfaiin an hnatlang.

He hunah hian Member ṭhahnem tak thawk chhuakin, bawlhhlawh ṭhahnem tak an chhar khâwm a ni.

Evangelical Free Church of India (EFCI) thupui leh tum ber chu Isua Krista chanchin ṭha hril hi a ni a, an Mission Objective (Motto) pawh Marka 16:15 thu "Khawvel zawng zawngah kal ula, thilsiam zawng zawng hnenah Chanchin ṭha hril rawh u" tih hi an thu vawn a ni.

August 16, 1994 khan Kristensand, Norway-ah EFCI Kohhran chu Federation of Free Evangelical Churches(IFFEC) inzawmkhâwm pâwlah member puitling ni tûra lâkluh a ni a. Kum 1995 aṭang khan khawvêl pum huapa rawngbawlna inzawmkhawm pâwla an tel vema hriat reng nan 'International Day' hi kum tin August 16 chu hman ṭhin a ni ta a ni.