Gauhati High Court Judge atan Helen Dawngliani

Aizawl | August 10, 2026: Supreme Court Collegium August 18, 2026 ṭhukhawm chuan Gauhati High Court Judge atan Mizo nu Helen Dawngliani a pawmpui a, ani bakah hian, Collegium hian Gauhati High Court Judge thar atan Nchumbemo Mozhui a pawmpui bawk.

March 3, 2026-a Mizo zinga hmeichhe High Court Judge hmasak ber Marli Vankung a chawlh hnu-ah, Helen Dawngliani hi Mizo hmeichhe High Court Judge ni leh hmasa ber a ni.

Gauhati Judge thar atana pawm tak Helen Dawngliani hi Aizawl District Court-a District & Sessions Judge hna thawk mek a ni.

Helen Dawngliani hian May 24, 2011 khan Mizoram Judicial Service hna a zawm a, thiamna lamah BA (Hons) LLB a ni.

Helen Dawngliani hi Gauhati High Court, Aizawl Bench-ah Government Advocate cum Additional Public Prosecutor, Govt Mizoram Law College-ah Lecturer (Part Time), Aizawl District Court-ah Additional District & Sessions Judge leh January 23, 2015 - Decmber 5, 2017 chhung Lunglei District Court-ah Additional District & Sessions Judge, December 5, 2017 - April 8, 2021 chhung khan Gauhati High Court-ah Registrar, leh April 2021 – July 2024 chhung khan Law & Judicial Department Secretary hna te a lo chelh tawh bawk.

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]