Millennium Centre-ah Aug 22 thleng awh tur Photo Art Exhibition buatsaih

Aizawl | Aug 19, 2026: WORLD PHOTOGRAPHY DAY Kum 187-na pualin vawiin August Ni 19, 2026 hian Mizoram School of Photography leh Photography Club of Mizoram te buatsaihin Millennium Centre Atrium ah Photo Art Exhibition vawi 10-na chu Vanlalhuma IFS (Rtd) chuan a hawng. He Photo Exhibition hian ni li chhung a awh ang a, August 22 ah khar a ni ang.

Exhibition Chairman Malsawmtluanga, MSP & PCOM dintu chuan report pe in he Photo Exhibition hi aduh apiang tan a tel theih a, mi 48 telin thlalak 146 a lut a ni. Exhibition chhung hian thlalakte hi man tlawm zawkin a lei theih ang. Kum 10-na pual hian Mizorama chengte tan chauh nilo, India rama cheng a duh apiang tan a tel theih a, endiktu atan pawh India ram leh ram pawna endiktua an hman thin mi thiam bik sawm a ni.

He hunah hian, Khuallian chuan thu sawiin, MSP Founder hnenah lawmthu sawiin, Mizoram a Thlalak zirna ṭha tak kan nei thei chu lawmawm tih sawi in, Hetiang ang thiamna hlu tak, eizawnna tlak chhawpchhuak theia an awm chu ropui a ti a. Tin, amah ngei pawh thlalak thiam vang ni kher lovin thlalak lamah a tui em avang zawkin a kalna apiangah a hmet de ve fo tih a sawi a ni. An kal zelna turah duhsakna sang ber a hlan bawk.

Exhibition buatsaihtu Mizoram School of Photography hi kum 2017 khan din niin National Academy of Photography, Kolkata recognized a ni a, MSP atanga chhuak te hian Photography Club of Mizoram (PCOM) dinin, he Photography Club hi Federation of Indian Photography (FIP) hnuai ah an in Affiliate a ni. MSP atang hian Mizoram leh ram pawn atanga zirchhuak mi 300 chuang an awm tawh a, mi 100 chuangin Photography hi eizawn nan an hmang mek a ni.

He exhibition hawngtu Khuallian Pu Vanlalhuma, Ambassador chuan thu sawiin….

He intihsiaknaah hian Lawmman pakhatna dawngtu chu Hmangaiha Chhangte, Champhai niin sumfai Rs. 10000, trophy leh certificate hlan a ni.

Lawmman pahnihna dawngtu chu Dr. C. Zoremsanga, Falkland Veng niin Rs. 7000, Trophy leh Certificate hlan a ni.

Lawmman pathumna dawngtu hi Parvej Akhtar, Kolkata niin Rs. 5000, Trophy leh Certificate hlan a ni.

Heng bakah hian mi panga

1. Zara Fanai, Dinthar

2. Mama Ralte, Republic vengthlang

3. Sumit Sanyal, Kolkata

4. Ranajit Choudhury, Guwahati

5. Ramthansiama Chawngthu, Bawngkawn

te hnenah lawmman Rs. 1000, trophy leh certificate te hlan theuh an ni bawk.