CM hian Opposition Leader ni lovin, State khat CM a ni tawh tih hi inhre nawn se," ~ Dr K Beichhua

AIzawl | August 31, 2026: BJP Mizoram President Dr K Beichhua, MLA chuan, "CM hian Opposition Leader ni lovin, State khat CM a ni tawh tih hi inhre nawn se," a ti a.

"Tunlai hian kan Chief Minister zawhawm tak hian kan ram history leh constitution kalh a thusawi a nei ta zeuh zeuh a. State khat CM meuhin a, a ram history chungchang leh India dan ina kan hnam humhim nana provisions min pek te thubelhchian dawl tawklo hmanga statement a siam mai ṭhin hi a zia lo tak zet a ni," tiin August 29 khan Facebook-ah a ngaihdan a tarlang.

"Kan political history ah hian CM kan lo nei nual tawh a. Kan CM kalta te hi eng party ami te pawh ni se, hetiang thil chungchang ah hian ram pa ber an nihna angin puitling takin dan (Law) leh kan social contract ina a phal piah lampang-ah hi chuan an inrawlh ngailo a nih kha. Kan CM kal ta te an lo puitling in, an fakawm hle," a ti a.

"BJP Mizoram chuan CM in 6th Schedule Area leh a bikin Mara Autonomous District Council inrelbawlna chungchang a tihawm loh lutuk a statement a siam mai chu a pawi kan ti a, kan dem tak zet a ni. CM hian Opposition Leader nilo in, State khat CM ani tawh tih hi inhre nawn se, kan history leh kan inrelbawl dan a puitling lo tak tak a thu a chhakchhuah hian nakinah Zofate inpumkhatna chungchangah pawi a thlen thei ani tih hi hre nawn turin kan chah duh a ni," a ti bawk.