Hlimen khawtlangin Sept 1 atangin tlawh theih lohin Lalsavunga Park dang dawn

Aizawl | August 31, 2026: Lalsavunga Park enkawl a nih dan chungchangah sorkara an thil phût te a hlawhtlin tak loh avangin, Hlimen Local Council leh All NGO's Joint Meeting chuan an lo rel tawh angin, September 1, 2026 (Thawhlehni) atang hian Lalsavunga Park hi tlawh theih lohin an dang dawn a ni.

Hemi chungchangah hian ni 11th Aug, 2026 khan Hlimen Local Council  & All NGO ten thuneituten hma la tura phutna / beiseina press release an lo siam tawh. 

Lalsavunga Park hi nitin mi 50 atanga 100 bawr velin an tlawh ziah anga ngaih theih a ni a. Khualzin veivak an tam hnuah phei hi chuan hei aia tam fe hian nitinin an tlawh. Park luh man hi mi pakhat tan cheng 50 a ni.

Lalsavunga Park enkawl dan chungchanga an lungawi lohna hi August 11, 2026 khan Press Release an lo tichhuak tawh a. Kha an thuchhuah ang khan, naktuk thawhlehni atang hian Lalsavunga Park hi tiamchin awm lovin an dang dawn a ni.

Lalsavunga Park enkawltu (Contractor) hi a contract cancel ngei ni rawh se tih hi khawtlang hruaitute leh mipuite duhdan a la ni reng a ni. Khawtlang mipui te leh Park tlawh tumtute hriatthiamna an rawn dil a ni.

Hlimen Local Council & All NGO

HLIMEN LOCAL COUNCIL & ALL NGO

PRESS NOTE

LALSAVUNGA PARK DANG DAWN

Lalsavunga Park enkawl a nih dan chungchangah sorkara kan thil phût te a hlawhtlin tak loh avangin, Hlimen Local Council leh All NGO's Joint Meeting chuan kan lo rel tawh angin, September 1, 2026 (Thawhlehni) atang hian Lalsavunga Park hi tlawh theih lohin kan dang dawn a ni tih mipuite kan inhriattir e.

Lalsavunga Park enkawl dan chungchanga kan lungawi lohna hi August 11, 2026 khan Press Release kan lo tichhuak tawh a. Kha kan thuchhuah ang khan, naktuk thawhlehni atang hian Lalsavunga Park hi tiamchin awm lovin kan dang dawn a ni.

Lalsavunga Park enkawltu (Contractor) hi a contract cancel ngei ni rawh se tih hi khawtlang hruaitute leh mipuite duhdan a la ni reng a ni. Khawtlang mipui te leh Park tlawh tumtute hriatthiamna kan rawn dil e.

Hlimen Local Council & All NGO