An khar zinga mi Chikhurlui Middle School-ah hian thawktu pathum an awm ṭhin a, pahnihin transfer an dil avàngin pakhat chauh a awm tawh a, chu pawh chuan aikal a chhawr!
Aizawl | August 31, 2026: Zirtîrtu aikal la chungchánga an hmalaknain awmzia a neih loh avangin Pang Zirlai Pawl, General Headquarters, Vathuampui chuan tìam chin awm lovin sikul pathum an khar.
Pang Zirlai Pawl, General Headquarters chuan (date 21ˢᵗ August, 2026, PR. No. 20) zirtîrtu aikal chungchánga Press Release kan lo sìam tawh chu hmasâwnna hmuh tùr a awm loh avàngin vawiin ni 31ˢᵗ August, 2026 aṭangin tìam chin awm lovin Chikhurlui Middle School, Chamdur Project RMSA (High School) leh Middle School chu khàrsak a ni.
Chamdur Project RMSA (High School) hi zirtîrtu panga an awm a, pahnih chauhvin regular class an kalpui a, Mizo zirtirtu (teacher) phei chu attached-in office lamah dah a ni. Middle School pawh zirlai naupang 37 lai neiin zirtîrtu pakhat chauhvin zirlai naupang a enkawl a, Headmaster hi vawi khat mah school a la rap lo bawk. Zirtîrtu indaih lohna a nasat laia hetia attached-a an dah leh school la kal lo te pawh hi rang lama sawrkar hian an thawhna hmunah dah vat tùrin kan ngèn a, kan ngennain awmzia a nei lo a nih chuan PZP chuan a ṭûl angin hma a la zêl ang.
Chikhurlui Middle School-ah thawktu pathum an awm ṭhin a, pahnihin transfer an dil avàngin pakhat chauh awmin, chu pawh chuan aikal a chhawr a, nikum (2025) November aṭangin school hi vawi khat mah hawn a nih loh bâkah, zirlai naupangte'n zirna an dawng ṭha lo êm êm mai hi PZP chuan pawi a tiin a ngai thiam lo takzet a ni.
Pang Zirlai Pawl-in school kan khàrsak te hi All NGOs leh VC ten min hriatpui a, a tàwp thlenga PZP an thlàwp tùr thu an sawi bawk.
Mizoram sawrkára ZPM kaihhruai hian an intiam ang ngeiin zirtîrtu aikal là te leh an thawhna hmuna vawi khat mah la kal lo te hi an chungah action la tùrin kan phût tlat a, Pang Zirlai Pawl chuan tiam chin awm lo leh a ṭul dàn ang zêlin hma a la zêl dáwn a ni.
PRESS RELEASE
Pang Zirlai Pawl, General Headquarters chuan (date 21ˢᵗ August, 2026, PR. No. 20) zirtîrtu aikal chungchánga Press Release kan lo sìam tawh chu hmasâwnna hmuh tùr a awm loh avàngin vawiin ni 31ˢᵗ August, 2026 aṭangin tìam chin awm lovin Chikhurlui Middle School, Chamdur Project RMSA (High School) leh Middle School chu khàrsak a ni.
Chamdur Project RMSA (High School) hi zirtîrtu panga an awm a, pahnih chauhvin regular class an kalpui a, Mizo zirtirtu (teacher) phei chu attached-in office lamah dah a ni. Middle School pawh zirlai naupang 37 lai neiin zirtîrtu pakhat chauhvin zirlai naupang a enkawl a, Headmaster hi vawi khat mah school a la rap lo bawk. Zirtîrtu indaih lohna a nasat laia hetia attached-a an dah leh school la kal lo te pawh hi rang lama sawrkar hian an thawhna hmunah dah vat tùrin kan ngèn a, kan ngennain awmzia a nei lo a nih chuan PZP chuan a ṭûl angin hma a la zêl ang.
Chikhurlui Middle School-ah thawktu pathum an awm ṭhin a, pahnihin transfer an dil avàngin pakhat chauh awmin, chu pawh chuan aikal a chhawr a, nikum (2025) November aṭangin school hi vawi khat mah hawn a nih loh bâkah, zirlai naupangte'n zirna an dawng ṭha lo êm êm mai hi PZP chuan pawi a tiin a ngai thiam lo takzet a ni.
Pang Zirlai Pawl-in school kan khàrsak te hi All NGOs leh VC ten min hriatpui a, a tàwp thlenga PZP an thlàwp tùr thu an sawi bawk.
Mizoram sawrkára ZPM kaihhruai hian an intiam ang ngeiin zirtîrtu aikal là te leh an thawhna hmuna vawi khat mah la kal lo te hi an chungah action la tùrin kan phût tlat a, Pang Zirlai Pawl chuan tiam chin awm lo leh a ṭul dàn ang zêlin hma a la zêl dáwn a ni.
Issued by : Pang Zirlai Pawl, General Headquarters : Vaṭhuampui
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: