MIGAHTA-in ni 4na atan lungawi lohna an lantir chhunzawm; July 27 & 28-ah Mass Casual leave tintuah

Aizawl | July 24, 2026: Mizoram Govt. Adhoc-Aided High School Teacher’s Association (MIGAHTA) chuan vawiin khan a ni 4-na atan Sorkara Provincialised kan phut tih hlawhtlin a nih theih nan leh dinhmun hniam zawka dahna tur Rules thar, The Mizoram Education (Lumpsum Grants-in-Aid for General Maintenance of Private School) Rules, duh loh lantir nan NO TEACHING DAY / PEN DOWN STRIKE neiin lungawilohna an lantir chhunzawm leh a ni.

Lungawilohna hi Mizoram puma Adhoc-Aided High School 90 chuanga thawktute chuan an lan tir a; July 27 & 28, 2026 hian an lungawilohna leh an thil phut tihhlawhtlin a nih theih nan MASS CASUAL LEAVE lain lak an tum a. Mass Casual Leave lak avanga a nghawng tur zirlaite leh mipuite hriatthiamna an dil rualin min thlawpna pawh an ngen nghal bawk a ni.

Sawi tawh thin angin, Adhoc High School te hi kum 30 kaltaa khawtlangin harsatna tam tak kara an lo din, Lump sum atanga Provincialise pawh ni vek tawh, chumi hnua ho lam taka provincialise atanga paih thlak leh te kan ni. Provincialise kan nihna paih thlak kan nih mai pawh duh tawk lova, tuna kan dinhmun ai pawha hniam zawk, Lumpsum Grant-in-Aid dinhmuna min dah hniam tumna awm leh zel hi kan duh lovin kan didal tlat a; kan sorkar chak tak hian kan dinhmunte min hrethiam tur leh kan zavaia min Provincialise leh vek turin kan sorkar khawngaihna kan dilin kan ngen tak zet a ni.

Sorkara kan thil phut hrang hrangte a hlawhtlin theihna tura kan hmalaknaah hun engemawti chhung chu zirna a khaihlak a nih pawhin a tuar tu zirlaite leh nu leh pa, khawtlang hriatthiamna kan ngen a. Heng kan hmalaknate hi khawtlang school dinhmun tlahniam turvenna leh thangthar hnazawngmek te hmakhua a ni tih min hriatsa kturin kan ngen a ni.

MIZORAM GOVT ADHOC AIDED HIGH SCHOOL TEACHERS’ASSCOCIATION (MIGAHTA) CHUAN A NI 4-NA ATAN SORKAR LAKA KAN LUNGAWIH LOHNA KAN CHHUNZAWM.

Vawiin July 24, 2026(Zirtawpni) hian Mizoram Govt. Adhoc-Aided High School Teacher’s Association (MIGAHTA) te chuan a ni 4-na atan Sorkara Provincialised kan phut tih hlawhtlin a nih theih nan leh dinhmun hniam zawka dahna tur Rules thar, The Mizoram Education (Lumpsum Grants-in-Aid for General Maintenance of Private School) Rules, duh loh lantir nan NO TEACHING DAY/PEN DOWN STRIKE neiin lungawilohna kan lantir chhunzawm leh a ni. Lungawilohna hi Mizoram puma Adhoc-Aided High School 90 chuanga thawktute chuan kan lan tir a; July 27 & 28, 2026 hian kan lungawilohna leh kan thil phut tihhlawhtlin a nih theih nan MASS CASUAL LEAVE lain lak kan tum. Mass Casual Leave lak avanga a nghawng tur zirlaite leh mipuite hriatthiamna kan dil rualin min thlawpna pawh kan ngen nghal bawk a ni.