"NEET zawhna pût ru avanga zirlaite lungawilohna lantir chu awm kan ti, Thil ṭha zawk a chhuah ngei kan beisei,"

Aizawl | July 23, 2026: BJP Mizoram chuan Vawiin July 23,2026 (Ningani) khan thuchhuah siamin, nimin lama NEET Exam zawhna pût ru avanga, zirlai naupang punkhawm huaihawtna leh Mizo Zirlai Pawl ten vawiina Vanapa Hall kawta hun an hman chu, kan ṭhalaite'n lungawilohna an lantir hi a awm hlein kan hria a, thil ṭha zawk a chhuah ngei kan beisei bawk a ni, an ti.

BJP Mizoram chuan NEET Exam zawhna pût ru avanga India ram puma ṭhalaite'n thil ṭha zawk duhna avanga punkhawm an nei chu ṭhalaite'n an chanvo dik tak an chan theih nan a dik tak leh Fair taka NEET Exam a ni emaw, MPSC Exam ah emaw pawh Competitive Exam reng reng thianghlim taka an hmachhawn hi a pawimawh hle a, ṭhalaite hi nakina kan ram hruaitu tur leh kan ram hmalam hun zel atan pawha an pawimawh avangin, Competitive Exam pawimawh bera, Exam kalpui dan hi a thianghlim a pawimawh hle a, Exam beitute pawh in rilru dam taka an hmachhawn hi BJP Mizoram chuan kan duh ber a ni.

India ram PM pawhin ṭhalaite harsatna chu hriatpuia, NEET zawhna pût ru chungchanga inhnamhnawih zawng zawng te chu Fast-track Court hmanga hremna a na thei ang ber pek a nih theih nana hma a la hi a ṭha kan tiin, India ram ṭhalaite harsatna sut kian a nih ngei theih nana hmalakna hi ṭha kan ti hle bawk a ni.