Zirlai 213 tan pheikhawk sem; "Sorkar School a ṭha tawk a ni tih hi Aizawl West aṭanga hriattir turin Dinthar Veng aṭangin bul kan ṭan,"~ Lalnghinglova Hmar

Aizawl | June 17, 2026: Minister of State leh Aizawl West-II bialtu MLA  Lalnghinglova Hmar chuan Vawiin chawhnu dar 1.00 khan Dinthar YMA Hall-ah a thlawnin Gov't Dinthar Primary School leh Gov't Gairigon P/S Dinthar School naupang 213 hnênah school uniform pheikhawk a sem. Aizawl West - II huamchhung sorkar Primary School zirlai naupang 673 te hnênah school uniform pheikhawk hi pêk vek an nih tur thu Lalnghinglova Hmar chuan a sawi.

Lalnghinglova Hmar chuan zirlai naupang, an nu leh pate hmaah thu tawi sawiin, Aizawlah sorkar school a ṭha tâwk a ni tih a sawi a. "Zirna hmundang kan sawisel lo a, sorkar school erawh Mizoramah zirtirtu ṭha ber awmna an ni. Sorkar sikula thawkte chu 'train' chhuak an ni. A sâng lam High School leh HSS-ah luh kan inchuh luai luai a, Dinthar Veng ngei pawh hi sorkar P/S te zirna a ṭha êm êma school building-in a lût duh zat a zo lo a ni," a ti a, remchâng dapa 'building' neih dan ngaihtuah a nih tur thu a sawi.

"Aizawlah sorkar school a ṭha tâwk tih hi Aizawl West aṭangin hriattir turin Dinthar Veng aṭangin ṭan kan tum a ni. In fel êm avangin pheikhawk hi in dawng vek ang. Vawiin hi a bulṭanna a ni a, Aizawl West-II Primary School section-a lût tawh phawt chuan in dawng vek ang, a dangah pawh kaisàn zêl kan tum a ni," tiin pungkhawm hmaah Lalnghinglova Hmar chuan a sawi bawk.

Minister Lalnghinglova Hmar hian a department chan LESDE hnuaia nu leh pa inhlawha eizawng te, kuthnathawka eizawng leh eizawnna hrang hrang neite tâna hamṭhatna tam tak awm te a sawi a. "Mizoram Building & Other Construction Workers Welfare Board (MB&OCWWB)-a inziahluh man hi thla tin ₹ 10 chauh a ni a, hriselna lamah te, nau neih te, fate zirna te insurance ṭha tak tak a awm a ni," tiin, LESDE office-ah awlsam taka inziahluh theih a nih thu a sawi. Inziaklût te fa chu Kg aṭanga University thlengin kum tin puihna pawisa dawn theih dan a awm bawk, a ti.

Labour Welfare Board hnuaia inziahluhin - 'Eizawnna Kailawn' te zawmin 'training' zawhah ₹ 50,000/- man hu bungrua an dawng thei a. 'Rahbi Chhertu Education' te awmin; JEE, NEET etc. coaching puih theihna cheng nuai thlengin ruahman a nih thu LESDE Minister hian a sawi a ni.

Aizawl West-II huam chhunga veng te - Dinthar, Tuikual South leh North, Dawrpui Vengthar, Vaivakawn leh Kanan venga Sorkar school P/S section zirlaite hnênah a tahtawlin school uniform pheikhawk hi pêk vek an ni dawn a. Sorkar school ṭhatzia pholan an tum a. Inkhawm tawi hi PS to Minister H Lalramenga'n a kaihruai a ni.

Aizawlah Sorkar School a ṭha tawk a ni tih hi Aizawl West aṭanga hriattir turin Dinthar Veng aṭangin bul kan ṭan a ni

~ Lalnghinglova Hmar,

MoS & MLA, Aizawl West-II Constituency

Aizawl, the 17th June, 2026 :

Vawiin chawhnu dar 1.00 khan Dinthar YMA Hall-ah Aizawl West-II bialtu MLA Pu Lalnghinglova Hmar, Minister of State, chuan a thlawnin Gov't Dinthar P/S leh Gov't Gairigon P/S Dinthar School naupang 213 hnênah school uniform pheikhawk a sem. Bialtu MLA hian Aizawl West - II huamchhung sorkar P/S zirlai naupang 673 te hnênah school uniform pheikhawk hi pêk vek an nih tur thu a sawi.

Bialtu MLA Pu Lalnghinglova Hmar chuan zirlai naupang, an nu leh pate hmaah thu tawi sawiin, Aizawlah sorkar school a ṭha tâwk a ni tih a sawi a. "Zirna hmundang kan sawisel lo a, sorkar school erawh Mizoramah zirtirtu ṭha ber awmna an ni. Sorkar sikula thawkte chu 'train' chhuak an ni. A sâng lam High School leh HSS-ah luh kan inchuh luai luai a, Dinthar Veng ngei pawh hi sorkar P/S te zirna a ṭha êm êma school building-in a lût duh zat a zo lo a ni," a ti a, remchâng dapa 'building' neih dan ngaihtuah a nih tur thu a sawi.

"Aizawlah sorkar school a ṭha tâwk tih hi Aizawl West aṭangin hriattir turin Dinthar Veng aṭangin ṭan kan tum a ni. In fel êm avangin pheikhawk hi in dawng vek ang. Vawiin hi a bulṭanna a ni a, Aizawl West-II Primary School section-a lût tawh phawt chuan in dawng vek ang, a dangah pawh kaisàn zêl kan tum a ni," tiin pungkhawm hmaah Pu Lalnghinglova Hmar chuan a sawi bawk.

Minister Pu Lalnghinglova Hmar hian a department chan LESDE hnuaia nu leh pa inhlawha eizawng te, kuthnathawka eizawng leh eizawnna hrang hrang neite tâna hamṭhatna tam tak awm te a sawi a. "Mizoram Building & Other Construction Workers Welfare Board (MB&OCWWB)-a inziahluh man hi thla tin ₹ 10 chauh a ni a, hriselna lamah te, nau neih te, fate zirna te insurance ṭha tak tak a awm a ni," tiin, LESDE office-ah awlsam taka inziahluh theih a nih thu a sawi. Inziaklût te fa chu Kg aṭanga University thlengin kum tin puihna pawisa dawn theih dan a awm bawk, a ti.

Labour Welfare Board hnuaia inziahluhin - 'Eizawnna Kailawn' te zawmin 'training' zawhah ₹ 50,000/- man hu bungrua an dawng thei a. 'Rahbi Chhertu Education' te awmin ; JEE, NEET etc. coaching puih theihna cheng nuai thlengin ruahman a nih thu LESDE Minister hian a sawi a ni.

Aizawl West-II huam chhunga veng te - Dinthar, Tuikual South leh North, Dawrpui Vengthar, Vaivakawn leh Kanan venga Sorkar school P/S section zirlaite hnênah a tahtawlin school uniform pheikhawk hi pêk vek an ni dawn a. Sorkar school ṭhatzia pholan an tum a. Inkhawm tawi hi Pu H. Lalremsanga, PS to Minister Pu Lalnghinglova Hmar-in a kaihruai a ni.

Issued by Media & Publicity Department, ZPM General Headquarters, Aizawl.

Issue No. 112 of 2026

Date 17.06.2026