Aizawl | June 2, 2026: Muaythai Association of Mizoram (MAM) chuan World Muaythai Championships 2026, June 16–26 chhunga, Kuala Lumpur, Malaysia-a neih turah India ram aiawha tel turin Mizo tlangval, Isaac Lalchhuanmawia, S/o Zionparlawma, Chanmari Veng, Aizawl chu United Muaythai Association - India in a select zingah a tel avangin a tir ve dawn ani.
Isaac Lalchhuanmawia hian January thla a, Hyderabad-a neih zawh tak 7th UMAI Senior National Muaythai Championship 2026-ah Gold Medal a dawng a, -71kg (U-23) category-ah a hnehna ropui tak a chang a ni. World Championship-ah pawh -71kg (U-23) category-ah India ram aiawhin a khel ang.
He World Muaythai Championships-ah hian khawvel ram hrang hrang 100 chuangin tel turin an inziak lut tawh a, khawvel hmun hrang hrang atanga Muaythai kheltu thiam berte an intihsiak dawn a ni.
He inelna ropui taka Isaac Lalchhuanmawia a tel theih nana sum leh pai mamawh tam tak Mizoram State Sports Council (MSSC)-in a phuhruksak avangin, Muaythai Association of Mizoram chuan MSSC leh Mizoram Sorkar chungah lawmthu a sawi tak meuh meuh a ni.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: