‘Kan rama remna leh muanna a awm chhan chu Pathian hnathawh a ni a, Congress party hi a hmanrua kan ni”
Aizawl | June 19, 2026: MPCC chuan vawiin khan Congress Bhavan Golden Hall-ah Political Session kan hmang a. He hunah hian MPCC Gen Secy leh Spokesperson ni bawk Dr Lallianchhunga chuan thusawiin, “Mizoram ralmuan chhan chu Pathianin Mizoramah remna leh muanna thlentu ni turin Congress party min thlan vang a ni a, kum 20 chhung rambuai a tawp theih nan Pu Lal Thanhawla leh a thawhpui Minister ten lalṭhutthleng an kian a ni” a ti.
Dr Lallianchhunga chuan, “Remna leh muanna kan neih theih nan June 25, 1986 ah Congress Vice President Pu Arjun Singh leh Pu Laldenga ten Mizoram a sorkar lailawk (Interim Government) din dan tur Inremna an siam hmasa a, Pu Laldenga chu Mizoram Chief Minister a nihna tur leh Pu Lal Thanhawla chu Dy.Chief Minister a nihna turin hming an ziak a ni. Congress party leh MNF te’n inremna an ziah lai hian ‘engtik niah nge sorkar laipui leh MNF te an inrem ang?’ tih tumahin an la hre lo va. An inrem huna harsatna a awm loh nan Pu Lal Thanhawla’n CM lalṭhutthleng a kenna tur an lo tifel hmasa vek hi a ropui em a, Pathian pawhin mal a sawm a, Pu Hawla chu Mizorama CM awm tawh zingah CM ni rei ber Record chelh phain Pathianin a chawisang a, a kaihhruai Congress party pawh Mizorama rorel tawh party zingah ram tana rotling hnutchhiah tha ber kan nih theih phah a ni” a ti.
Mizoram leiba chungchang sawiin, MPCC Spokesperson Dr.Lallianchhunga chuan, “Kum 2023 inthlan hma kha chuan ZPM hi sorkar sum leh pai enkawl thiam tur, a tlaran zawnga khawsa duh lo turin mipuiin an ngai a. Mahse, an sorkar hnua an khawsak dan erawh leiba tipung nasa tur zawngin, a tlaran zawngin an khawsa a. State kan nih hnuah kan Budget aiin kan leiba a tam phah ta hial a; Kumin 2026-2027 Mizoram Budget chu cheng vbch 17,076.92 a nih laiin, kan leiba chu cheng vbch 19,085.15 a ni dawn a ni. Mizoram chu leiba thangah (debt trap) min tantir a ni ringawt a. Sorkar leh tur tan pawh buaipui tham leiba ZPM sorkar hian a hnutchhiah hman dawn a, ZPM kan ENCHHIN hi a pawi hle a ni” a ti bawk.
Dr Lallianchhunga chuan, "Taxi pu ho chuan, 'kan enchhin fuh lo chaih chaih teh e,' an ti," a ti a.
"ZPM Sorkar hian, mipuite hi rawk dan chikima min rawk an rum ni berin ka hria, " a ti bawk.
“Mizo App hman tur tia Taxi ho an tukluih pawh hi eng dang ni loin, mipuite atanga chhiah (tax) an khawnna hmanrua tur a ni a. India ram khawpui lian UBER leh OLA hmannaah Taxi neitute’n Registration Fee cheng khatmah an chawi loh laiin, Mizoramah chuan Registration Fee Rs.500 an chawi dawn a. Taxi hmangtute’n chhiah an pekna tur atana Mizo App hi siam a ni ber. Mipuite hi rawk dan chikima min rawk an tum ni berin a lang, ” a ti bawk.
MPCC/Media/PR-2026/40
Dated: Aizawl, June 19, 2026
PRESS RELEASE
‘Kan rama remna leh muanna a awm chhan chu Pathian hnathawh a ni a, Congress party hi a hmanrua kan ni”
Vawiin June 19, 2026 (Zirtawpni) hian MPCC chuan Congress Bhavan Golden Hall-ah Political Session kan hmang a. He hunah hian Dr. Lallianchhunga, MPCC Gen.Secy leh Spokesperson ni bawk chuan thusawiin, “Mizoram ralmuan chhan chu Pathianin Mizoramah remna leh muanna thlentu ni turin Congress party min thlan vang a ni a, kum 20 chhung rambuai a tawp theih nan Pu Lal Thanhawla leh a thawhpui Minister ten lalṭhutthleng an kian a ni” a ti.
Dr.Lallianchhunga chuan, “Remna leh muanna kan neih theih nan June 25, 1986 ah Congress Vice President Pu Arjun Singh leh Pu Laldenga ten Mizoram a sorkar lailawk (Interim Government) din dan tur Inremna an siam hmasa a, Pu Laldenga chu Mizoram Chief Minister a nihna tur leh Pu Lal Thanhawla chu Dy.Chief Minister a nihna turin hming an ziak a ni. Congress party leh MNF te’n inremna an ziah lai hian ‘engtik niah nge sorkar laipui leh MNF te an inrem ang?’ tih tumahin an la hre lo va. An inrem huna harsatna a awm loh nan Pu Lal Thanhawla’n CM lalṭhutthleng a kenna tur an lo tifel hmasa vek hi a ropui em a, Pathian pawhin mal a sawm a, Pu Hawla chu Mizorama CM awm tawh zingah CM ni rei ber Record chelh phain Pathianin a chawisang a, a kaihhruai Congress party pawh Mizorama rorel tawh party zingah ram tana rotling hnutchhiah tha ber kan nih theih phah a ni” a ti.
Mizoram leiba chungchang sawiin, MPCC Spokesperson Dr.Lallianchhunga chuan, “Kum 2023 inthlan hma kha chuan ZPM hi sorkar sum leh pai enkawl thiam tur, a tlaran zawnga khawsa duh lo turin mipuiin an ngai a. Mahse, an sorkar hnua an khawsak dan erawh leiba tipung nasa tur zawngin, a tlaran zawngin an khawsa a. State kan nih hnuah kan Budget aiin kan leiba a tam phah ta hial a; Kumin 2026-2027 Mizoram Budget chu cheng vbch 17,076.92 a nih laiin, kan leiba chu cheng vbch 19,085.15 a ni dawn a ni. Mizoram chu leiba thangah (debt trap) min tantir a ni ringawt a. Sorkar leh tur tan pawh buaipui tham leiba ZPM sorkar hian a hnutchhiah hman dawn a, ZPM kan ENCHHIN hi a pawi hle a ni” a ti bawk.
Dr.Lallianchhunga chuan, “Mizo App hman tur tia Taxi ho an tukluih pawh hi engdang ni loin, mipuite atanga chhiah (tax) an khawnna hmanrua tur a ni a. India ram khawpui lian UBER leh OLA hmannaah Taxi neitute’n Registration Fee cheng khatmah an chawi loh laiin, Mizoramah chuan Registration Fee Rs.500 an chawi dawn a. Taxi hmangtute’n chhiah an pekna tur atana Mizo App hi siam a ni ber. Mipuite hi rawk dan chikima min rawk an tum ni berin a lang” a ti bawk.
Congress Bhavan a Political Session hi Pu C.Dothansanga, MPCC Gen.Secy chuan a kaihruai a, tunhnaia MPCC President hoa Mizoram khawthlang lam tlawhna Report ngaihnawm tak Tv.Lalremruata Renthlei, Chairman Media Dept, MPCC hnen aṭangin ngaihthlak a ni bawk.
Sd/-
(LALFELA)
Media Department
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: