CM Lalduhoma'n K Sapdanga hnen aṭangin DP&AR a chhuhsak!

Aizawl | June 18, 2026: Mizoram Chief Minister Lalduhoma chuan, K Sapdanga chan mek, Department of Personnel and Administrative Reforms chu a chhuhsak.

He thu hi vawiin khan sorkar chuan thuchhuah siamin a tarlang a, Governor-in CM hnena a hlanna thu hi Chief Secretary Khilli Ram Meena IAS chuan a tichhuak a ni.

Vawiin tlai tawh tak khan sorkar thupek tichhuakin CM chuan DP&AR a chang dawn ta a ni.

Mizoram political history-ah party PAC in minister portfolio an la rel hi a a thleng ngai lova, ZPM kaihhruai sorkarah erawh, June 16 khan ZPM PAC ṭhukhawmin an rel a, He thu ngaihtuaha ZPM PAC an meetingah hian K Sapdanga a tel lo niin thudawnna chuan a tarlang.

Hetia K Sapdanga hnen aṭanga DP&AR chhuhsak chungchang hi CM-in pensioner pakhat ruai nawn a, Tourism Director-a dah a duh a hlawhtlin tak loh avang leh hemi chungchanga K Sapdanga'n CM duh dan kalh zawnga 'aw' a neih avanga lo irhchhuak nia ngaih a ni.

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]