STA-in Mizo Taxi app tlangzarh hnuah inziah luhna khar dawn, permit 500 chuang pekchhuah tum!

Aizawl | June 24, 2026: State Transport Authority (STA) chuan vawiin khan thuchhuah siamin, Aizawl khawpui tan online cab booking system 'Mizo Taxi' app chu July 1, 2026 ah tlangzarh a, hman ṭan a nih tur thu a tarlang.

Tuna Aizawl khawpuia Taxi leh Autorickshaw tlan mekte tana Mizo Taxi hnuaia inziahluh theih hun chu June 30, 2026 hian a tawp dawn a, Mizo taxi tlangzarh hnuah inziah luhna khar a nih dawn thu a tarkang.

June 24 tlai dar 3 thlenga Mizo taxi hnaia inziahlut hi 4 Wheeler taxi 143, 2 Wheeler taxi - 159, leh Autorickshaw 4 a ni.

Registration hun khar hma hian a tam thei ang ber inziaklut turin an ngen nawn a, chawlhah pawh Mizo taxi office hi an hawng dawn a ni.

STA chuan, July 1, 2026 thlenga inziaklut zatin mipui mamawh a phuhru loh chuan permit thar pek an tum a, 1st Phase ah 2 Wheeler taxi - 300, 4 Wheeler taxi 200 leh Autorickshaw - Aizawl khawpui chhunga domain tinah 10 ṭheuh pek an tum a ni.