ZMC&H graduation day hmang; mi 96 hnenah degree hlan

Aizawl | May 26, 2026: Mizoram-a medical college hmasa ber leh awm chhun ni mek, 'Zoram Medical College & Hospital (ZMC&H) chuan vawiin khan graduation day an hmang a, mi 96 hnenah degree an hlan.

ZMC&H graduation day hi Health Minister Lalrinpuii'n khuallian niin a hmanpui a, doctor zir chhuakte chu an thiamna te ram leh hnam tana tangkai taka hmang turin a chah a, ramin a mamawh hunah koh theih-a awm turin a fuih bawk.

Healh Minister chuan, doctor thenkhat zanah nurse te tana call ngam loh khawpa an awm thu sawiin, chutiang ni ve lo turin zir chhuakte a chah a, mi dang tana malsawmna ni turin a chah bawk a ni.

He hun hi Adviser to CM (Finance) TBC Lalvenchhunga'n khualzahawm niin a hmanpui a, fuihna thuchah a sawi bawk.

ZMC&H hi batch hmasa ber 2018 khan lutin hawn a ni a, 2024 khan batch hamsa berte hi an lo chhuak tawh a, kumin a chhuakte hi batch thumna, COVID 19 hripui leng kara zirna chhunzawm tura lut, 2020 kuma lut te an ni.