R Lalrodingi’n Director post a chelh avang hian Joint Director leh officer dangte kaisanna tur a dal lova, zirlai leh ṭhalai hna zawng mekte dalna a nei lo! - Mizoram Tourism Service Association (MTSA)

Aizawl | May 27, 2026: Mizoram Tourism Service Association (MTSA) chuan thuchhuah siamin, "R Lalrodingi’n Director post a chelh avang hian Joint Director leh officer dangte kaisanna tur a dal lova, zirlai leh ṭhalai hna zawng mekte dalna a nei lo!, " an. ti.

An thuchhuah kimchang:

Mizoram Tourism Service Association (MTSA) chuan Mizoram Sorkarin kan harsatna hre thiam a, Pi R Lalrodingi, OSD to Chief Minister-in Director, Tourism Department additional charge lak a phalna order May 22, 2026-a a tihchhuah avang khan kan lawm hle a ni. Amaherawhchu, pawl pakhatin he order duh lohna lantir a Directorate of Tourism officers leh staff-te pisa kai tur dang a, hnathawktheilova min siam hi a pawi kan ti hle a ni. Harsatna kan tawh chungchangah hian thu lengvak a tam avangin Mizoram Tourism Service Association chuan hetiang hian thu chiang zawk tarlan ṭha kan ti a ni:

1. Pi R Lalrodingi’n Director post a chelh avang hian Joint Director leh officer dangte kaisanna tur a dal lova, zirlai leh ṭhalai hna zawng mekte dalna a nei lo bawk a ni. Tourism Director post hi direct recruitment-a luh theih ni lovin Joint Director-in qualifying service a neih hnuah kaisangin, a hnuaia mite an chhoh diat diat hnuah chauh direct recruitment hi tih theih a ni. Tin, feeder post-ah hian Tourism leh Hospitality specialization neite chauh luh theih a ni.

2. Additional Director, Commerce & Industries Department leh Director, Tourism Department hi pay level inang a nih avangin he post chelh hi kaisanna a ni lo. Pi R Lalrodingi hian Commerce & Industries Department Additional Director a chelh laiin Tourism Director tur gap a awm avangin February 9, 2024 aṭangin Officer on Special Duty to Chief Minister leh Tourism Director hna chelh kawp tir a ni a, tuna Sorkarin ruahmanna a siam leh pawh hi Director post luah thei an la awm rih loh avanga he arrangement kal zel hi niin stop gap arrangement mai a ni.

3. Mizoram Tourism Department hian a kaihhruaina hnuaiah hmalakna thar tam tak kan nei mek a, North Eastern Council-a North. East pumpui Tourism kum nga (5) chuang lo enkawl tawhtu a nih avangin a tawn hriat leh thiamnate hi mamawhin kan la thlahlel hle a ni.

4. Central leh State Sorkar dangah pawh hna thawktu, mibikte chu mamawhna avangin rawih nawn an ni fo ṭhin a ni. Mipui leh ram tana ṭangkai tur a nih chuan pension tawhte re employ / rawih nawn hi sorkar thuneihna a ni.

5. Mizoram Tourism Service Association leh Tourism Staff Welfare-ten Pi R Lalrodingi, Tourism Director atana rawih nawn a nih avanga lawmthu sawina joint press release May 8, 2026-a kan siam kha lungrual taka Tourism Department officers leh staff-te thuchhuak a nih avangin social media-a inlungrual lo anga ngaih theih thu a awm hi thu diklo a ni a, pawi kan ti hle a ni.