Tourism Director chungchanga CM leh DP&AR minister inbiakna nia hriat leakout!

Hengte hi social mediaa leakout ang anga dah a ni.

Dear Pu Sapa,

Pi R Lalrodingi, Chief Minister hnena Officer on Special Duty leh tuna Commerce & Industries Department-a Additional Director hna chelh a, hlawh la mek hi Tourism Department-a Director mawhphurhna pawh pek belh a ni tih i hriat atan ka rawn ziak a ni.

Head of Department a nihna angin, a mawhphurhna chu fak tlak takin leh Department mamawh hrethiam takin a thawk a. A hruaina avangin tourism lama hmalakna pawimawh tak takte a kal chho zel a, agency dangte nen pawh ṭha takin thawhhona a siam bawk a ni.

Chuvangin, Pi R Lalrodingi hi Commerce & Industries Department aṭangin Tourism Department-a Director hna chelh turin, thu leh awm hma chu deputation-a dah nghal nise a ṭha ka ti a. A deputation atan hian tul ang te chu hun remchangah tihfel ni se.

LALDUHOMA

Chief Minister

Hemi chungchanga sorkar notesheet:

*Note # 8 - Mizo tawng lehlinna*

Hon’ble Chief Minister chuan file leh note hi a lo en tawh a, "Ngaihtuahna thlente chu ka hriatpui viau nain, ka ngaihtuah chian hnuah OM No.A12011/2/2019-P&AR (GSW) dt. 9.1.2020 Para 18-a tarlan ang *deputation-a ruatna kaihhruaina (short-term contract/deputation pawh tel, foreign service leh Absorption)* chungchangah Pi http://R.Lalrodingi tan chuan thlahdul hret theih a ni tih ka ngai. Tourism Director hna leh Chief Minister OSD hna a chelh chhunzawm zel theih nan a ni. He ruahmanna siam chhan tur pawimawh tak tak ka hmuh chhuahte chu:-

1) Tunah hian Tourism Department-ah Director hna chelh turin service rei zawng leh seniority bituk tling zo officer an awm rih lo.

2) Director, Tourism a nih bakah, he officer hi Mizoram Tourism Development Authority-ah Member Secretary a ni bawk a. Hruaitu thlak hma lutuk hian tourism tihlarna, investment hipna, leh cultural diplomacy lama hmalak mek – Mizoram economy tihpunna leh a hmingthanna tura pawimawh ber berte – a tibuai thei. PM EKTA Mall, Vantawng Falls Ropeway, Thingsulthliah Convention Centre ang project kal mek te pawh a nghawng thei bawk.

3) Chief Minister OSD leh Director, Tourism a nih kawp avangin, Sawrkarin thil tum lian zawk a neihte nena Department hmalakna thlunzawm turin dinhmun tha takah a ding a. Tun dinhmun pawimawh laiah hian hna kal lai a chatlak lohna tur a ni.

Chuvangin, mipui thatna atan a service hi April 2026 ral hnu lamah pawh kum 2 chhung chu vawi khat atan chauh, entawn tur anga hman loh turin pawhsei ni se la, order-ah chiang taka ziah lan ni se, a ti a. Hei hi Director, Tourism leh OSD hna a chelh chhunzawm zel theihna tur a ni. He hun chhunga a hlawh leh hamthatna dangte chu Tourism Department Director post atanga lak tur a ni," a ti.

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]