MZP-in Tourism pisa kai tur dang chhunzawm dawn

Aizawl | May 26, 2026: MZP chuan vawiin May ni 26, 2026(Thawhlehni) zing dar 7:30 atang khan, Commerce & Industries Addl. Director Pension ta, Pi R. Lalrodingi Tourism Director atan a rawih nawnna order sut tura ngenna hmalakna kal zelah, Tourism Pisa kal tur tur an dang chhunzawm a.

He hmalakna kal zelah hian, Tourism Director hi a bang emaw, order hi sut anih loh chuan naktuk *May ni 27, 2026(Nilaini)* hian a hun leh a hmun ngaiah (Tourism Dept. kawt, zing dar 7:30-ah) punkhawm leh nise tiin MZP chuan an rel a, sawrkar atangin thu thar engmah hriat ala awmlo a ni.

Mizoram mipui thlawpna nasa tak an dawn avangin, MZP chuan lawmthu an sawi a, he hunah hian College zirlai, Hnampual hruaitu zawng zawngte he thil diklo tak dodalna hmunah hian lo tel leh vek turin MZP chuan a sawm nawn nghal bawk a ni.

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]