Aizawl | May 28, 2026: Mizo Zirlai Pawl (MZP) chuan vawiin khan thuchhuau siamin, Tourism Director rawih nawnna order sut a nih theih nana hmalakna thlawptute chungah MZP lawmthu an sawi.
MZP chuan, Tourism Department Director rawih nawnna order sut a nih theih nana hmalakna thlawptu Mizoram mipuite, Hnampual hruaitu, MZP chhungkua leh College SU hruaitute chungah MZP chuan lawmthu a sawi a, a bik takin thlawpna Press Release chhuahtu Joint Hnampual Students’ Organisation leh Mizo Hindi Zirlai Pawl chungah lawmthu a sawi a ni.
MZP chuan, hun lo la kal zel turah hetiang thil hi thleng nawn tawh lo se a duh a, Pensioner rawih nawn (Re- Employment) emaw Service Extension hian thalai tam tak hna zawng mekte a dal thin avangin, hetiang system hi tha a ti ngai dawn lova, a dodal zel dawn a ni. Zirlai hna zawng mekte ngaihtuah chunga sawrkar hi kal turin a ngen nghal bawk a ni.
MZP chuan, DP&AR (Civil Service Wing) in May 22, 2026 zirtawpni-a Mizoram Tourism Director charge la tura R Lalrodingi a ruatna order chhuah nawn chungchangah, Mizoram sawrkarin he order hi a sut ngei theih nan, May ni 25 - 27, 2026 chhungin Tourism Dept. Pisa kai tur hlawhtling takin dan a ni a.
MZP chuan, vawiin May ni 28, 2026 (Ningani) erawh, sawrkar chawlh a nih avangin Tourism Pisa kai tur dang chhunzawm lovin, hmalak zel dan tur ngaituah turin chawhnu dar 1:00 khan meetint an kova, Tourism Department Director post atanga R Lalrodingi a inhnuhdawh tak avang leh sawrkarin a pawm avangin, meeting koh pawh an ṭhulh nghal a ni.
No. E-93/MZP-GHQ/2025-2027/31
Dated Aizawl, the 28th May, 2026
MZP PRESS RELEASE
Mizo Zirlai Pawl (MZP) chuan, DP&AR (Civil Service Wing) in May 22, 2026 zirtawpni-a Mizoram Tourism Director charge la tura Pi R. Lalrodingi a ruatna order chhuah nawn chungchangah, Mizoram sawrkarin he order hi a sut ngei theih nan, May ni 25-27, 2026 chhungin Tourism Dept. Pisa kai tur hlawhtling takin dan a ni a.
MZP chuan, vawiin May ni 28, 2026(Ningani) chu sawrkar chawlh anih avangin Tourism Pisa kai tur dang chhunzawm loin, hmalak zel dan tur ngaituahin meeting chawhnu dar 1:00 khan a ko a, Pi R. Lalrodingi, Tourism Department Director post atanga a inhnuhdawh tak avang leh sawrkarin a pawm avangin, meeting thulh nghal a ni.
Tourism Department Director rawih nawnna order sut anih theih nana hmalakna thlawptu Mizoram mipuite, Hnampual hruaitu, MZP chhungkua leh College SU hruaitute chungah MZP chuan lawmthu a sawi a, a bik takin thlawpna Press Release chhuahtu Joint Hnampual Students’ Organisation leh Mizo Hindi Zirlai Pawl chungah lawmthu a sawi a ni.
MZP chuan, hun lo la kal zel turah hetiang thil hi thleng nawn tawhlo se a duh a, Pensioner rawih nawn(Re- Employment) emaw Service Extension hian thalai tam tak hna zawng mekte a dal thin avangin, hetiang system hi tha a ti ngai dawnlo a, a dodal zel dawn a ni. Zirlai hna zawng mekte ngaihtuah chunga sawrkar hi kal turin a ngen nghal bawk a ni.
Sd/-
(C. LALHMINGSANGA)
General Secretary
Ph: +91 7005941431
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: