MZP-in an dodal, Tourism Director hmui tura ruatna aṭangin R Lalrodingi a bang!

Aizawl | May 28, . 2026: Mizoram. Tourism Director charge la tura sorkarin a ruat R Lalrodingi chuan vawiin May 28, 2026 hian Chief Minister hnenah Tourism Director aṭanga banna a thehlut.

R Lalrodingi banna hi CM chuan a pawm nghal niin hriat a ni.

MZP-in an dodalna karah, R Lalrodingi chuan vawiin khan banna hi a thehlut ta nia thu dawn a ni.

OSD to Chief Minister R Lalrodingi. chuan, Tourism Director post chu Tourism department officer-te tan humhim zel turin a ngen nghal bawk.

Banna a thehluh hi Chief Minister pawhin a pawmpui nghal bawk a ni.

R Lalrodingi chuan, "Tourism hmasawnna kal mek a thuanawp lohna turin Tourism Department Director post min chelh tir chungchangah MZP-in nasa taka an dodal tak si avangin ni thum lai office hna kal thei thei lovin kan lo awm ta reng mai.

Hemi chungchangah hian hna tithuanawptu leh i sawrkar pawhin duhsak uchuak nei anga lang thei tura keimah ka lo awm reng hi a dik theiin ka hre lova.

Chuvang chuan, Director Tourism hna atang hian min la sawn mai turin ka ngen che a, Departmental officer post a nihna erawh chu humhim theih hram dan awm sela tih erawh chu ka ngen tel bawk a ni.

Tourism Department-ah ka service hun tawp lam min dah avangin lawmthu ka sawi a, tunah erawh chuan dodalna nasa tak a awm avangin ka in-resign thu ka rawn hriattir che a ni," tiin a ziak a ni.