PYD-in hnatlangin Chite lui thianfai

Aizawl | May 28, 2026: Aizawl East District PYD hnuaia Environment Protection Committee-te hmalaknain vawiin khan PYD memberte'n hnatlangin Chite lui an thianfai.

District PYD Vice President Evan Dr R Vanlalpeka, chuan Chite lui tifai turte a vailiam a, AMC Deputy Mayor R Lalawmpuii'n thu a sawi.

He hnatlang hi UD&PA Department-in an Sponsor a, he hun hmang tur hian Environmental Activist Vanramchhuangi leh ASEP President Evan K Lalmuansanga te an tel bawk.

He hunah hian Aizawl khawpui chhunga Bial hrang hrang aṭangin PYD Member 200 vel an thawk chhuak a, Bethlehem Vengthlang kâi Chite lui tih fai hna an thawk a, Sanitation Department-in bawlhhlawh paih Motor an hmantir hmangin Garbage bag 270 vel an chhar khawm chu paih a ni.

Aizawl East District PYD Environment Protection Committee-te hian Environment humhalh kawngah chak taka hma la in, hman khat daih Plastic chungchang inzirtirna an nei ṭhin a, tuihna leh ramngaw humhalh a nih theih nân chak takin hma an la mek bawk a ni.