Saitual Police-in Meth cheng nuai 1921 hu an man

Aizawl | May 19, 2026: Saitual Police chuan nimin tlai dar 5:45 vel khan Meth cheng nuai 1921 hu an man.

May 18, 2025 tlai dar 5:45 vel khan, motor pakhat, NEXON car (a var) Registration No. ML-05-V-3282, Manipur aṭanga Aizawl pan mek chu, dan phal loh ruihhlo phura rinhlelh a nih avangin Keifang junction-ah tihdin a ni a. He motor hi uluk taka dap niin, methamphetamine nia hriat bawm 20, mum 202,000, a rih zawng Kg 24.016, tualchhung rate-a chhuta ₹19,21,28,000/- man hu chu hmuhchhuah a ni.

Heng ruihlote hi motor hnung lam, spare tyre dahna hnuai leh mud guard sir tawn ve veah te polythene duma tuamin thuhruk a ni. Heng ruihlo te hi Th Onkhothang Haokip (33) s/o Th Ngamkholet Haokip, Moreh, Tehsil, Moreh, District Chandel, Manipur leh Mathew (46) s/o Ngamkhojang, Jolzam, Churachandpur, Manipur nia inchhalte kut aṭanga man a ni.

Heng mi pahnihte bakah hian ruihhlo leh an phurhna lirthei hi man nghal a ni.

He thilah hian NDPS Act, 1985 tlawhchhanin section 22 (c)/25/29 hnuaiah thubuai (case) ziah luh a ni a, chhui zui mek a ni.

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]