HIV / AIDS chungchang zawhna langsar zual chhanna, 'Compassionate Church' video tlangzarh

Aizawl | May 19, 2026: UNAIDS, MSACS leh YWCA of Aizawl leh Kohhran hrang hrang aiawhtute telna, 'Faith Based Organizations Response to HIV/AIDS in Mizoram' chuan a duh apiangte hman ṭangkai turin Online Training Video 'Compassionate Church' tih thupui hmang a an buatsaih chu nimin tlai dar 2 khan MSACS Project Director Dr Jane Rinsangi Ralte-in a tlangzarh.

Mizoram HIV/AIDS lam a hmalakna kawngah Landmark pawimawh tak a nih thu MSACS Project Director hian a sawi a.

Kristian rama Kohhran hruaituten HIV / AIDS do kawnga hma an lakna ramah chuan a danglamna nasa tak a awm thin a. Mizoram pawh Kohhranin nasa leh zuala hma a lak chuan danglamna nasa tak a awm ngei a beisei thu a sawi bawk.

Heng video te hi Kohhran hrang hrang te leh khawtlang ah pawh HIV / AIDS awareness neihna hmun a tihchhuah leh Resource Material atan a hman tlak tur a buatsaih a ni a. A video hi ṭhen 5 a ṭhen niin, Kohhran te fuihna, Mizoram HIV/AIDS Statistics thlir hona, Compassionate Church / Khawngaih thei kohhran zir chianna te leh HIV / AIDS chungchang a zawhna langsar zual chhanna te dah a ni.

Heng training video te hi mamawhtute en theih turin Youtube-ah dah a ni.

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]