Ram pumah TKP Ramthim Ni hmang

Aizawl | May 30, 2026: Mizoram Baptist Kohhran hnuaia thalai pawl - Mizoram Ṭhalai Kristian Pawl (MṬKP) chuan kumtinin May Ni 29 hi ṬKP Ni pawimawh, 'ṬKP Ramthim Ni' tiin hun a hmang ṭhin a, he ni hi ṬKP member ten Missionary rilru an lo putna tûra infuih thar nân leh Mission field-a thawktute tâna ṭawngṭaisakna hun atân a hmang ṭhin a ni.

 

Kumin 'ṬKP Ramthim Ni' ah hian thupuiah, 'Krista hnena midangte hruai' (Luka 19:10) neih a ni a, Mizoram Ṭhalai Kristian Pawl Hruaitu te Unit hrang hrangah in sem darhin Ramthim Ni hi an hmanpui a ni.

MTKP Secretary Rev F Zorinkhuma chuan, TKP Bungtlang Unit te hun hmannaah hun a hmanpui a, MTKP Assistant Secretary Rbt H lalruatkima chuan, Capital Church Unit, Aizawl te hun a hmanpui bawk a ni.

Tun dinhmunah TKP te hi Member 52,666 awmin, pastor bial 93 ah unit 451 an awm mek a ni.

ṬKP Ramthim ni lo pian chhuah dan:

Kum 1955-a District ṬKP Inkhawmpui hmasa ber aṭangin Ramthim lam pual rawngbawlna neih chakna a awm a. Hun lo kal zelah September ni 26 hi Ramthim Ni atân hman turin rel a lo ni ta a, kum tinin hman ṭhin a ni a.

Kum 2006-a South Vanlaiphai-a MṬKP Rorelna chuan ṬKP Ramthim Ni hi May Ni 29-ah hman tawh ṭhin nise tiin a rel a. Fellowship Organisation Department (Tuna Fellowship Department kan tih tȃk) ah thlenin, Central Committee-ah thlen chhoh leh a ni a. Central Committee chuan a pawm hnuah kum 2007 aṭanga vawiin ni thleng hian Ramthim Ni hi May 29-a hman a ni ta a ni. 

ṬKP Ramthim Ni pual hian zan lamah Inkhawmna neih ṭhin a ni a, heta thawhlawm tlingkhawm hi Unit tinin Bial kal tlanga MṬKP-a thehlutin, Missionary damlo kan nan leh Mission Field hrang hranga Biak in leh School sak nan semchhuah ṭhin a ni.

MTKP OB 2025 - 2028

President Upa R Lalbiakzuala

Vice President Jeffrey Lalremruata

Secretary Rev F Zorinkhuma

Assistant Secretary Rbt H Lalruatkima

Treasurer Grace Lalrindiki

Finance Rbt PC Lalbiakdika

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]

(Feedback at: admin@exploremizoram.com )

[ For Ads - Contact +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ