MISA President atan lalnunkunga Sailo thlang; "MBSE-in naupangte hmingthatna a thup bo hi tha kan ti lo, Merit list tilang leh turin hma lak ni rawh se,"

Aizawl | may 30, 2026: Mizoram Independent School Association (MISA) chuan nimin khan Aijal club-ah General Body Meeting thukhawmin, hruaitu thar an thlang a, President atan Lalnunkunga Sailo, General Secretary atan Andrew Lalremkima leh Treasurer atan Lalrinmawii Khiangte te an thlang a, Hruaitu thlan tharte hian an thawhpui tur Office Beares-te an ruat chhuak dawn a ni.

He Meeting ah hian thu hrang hrang rel a ni a, thurel thenkhate:

1. Mizo naupangte’n zirna sang zawk leh tha zawk an neih theih nana ICSE leh CBSE Board te zawm phalna NOC min petu sawrkar leh Education Department chungah MISA chuan lawmthu a sawi a ni.

2. MISA School ten zirlaibu (textbook) ngawr ngawr duh tawk mai lova zirlaite kawng hrang hranga an thiamna leh theihna te an phochhuah theih nan Co-curricular lama inelna school leh naupangte inkarah a tam thei ang ber buatsaih nise.

3. North East State tam zawk ten an Board Exam- a topper te an tarlan vek lai a MBSE in naupang thiam thei leh chawimawi phu ngawih ngawih te hmingthatna a thup bo hi tha kan ti lo va, Merit List, Subject Topper List leh Pass na Division hi tilang leh turin sawrkar ah hma lak ni se kan ti.

MISA OB thlan chhuahte:

President Lalnunkunga Sailo

General Secretary Andrew Lalremkima

Treasurer Lalrinmawii Khiangte