Aizawl | May 15, 2026: National Students’ Union of India, Mizoram State President C Lalhriatpuia chuan vawiin chhun dar 1 khan Aizawl Press Club-ah thu thar thehdarhtute kawmin, "MPSC-in thla l6 chhungin tihdikna 15 a tichhuak," a ti a, "MES Electrical Engineering Wing-ah mi 7 lak turah 8 tlinga puan an ni a, MCS-ah tlinga puan tawh hnawl a lo ni tawh bawk," a ti.
"Mizoram Public Service Commission (MPSC) chuan May 13, 2026 khan Junior Grade of MES (Combined Competitive) Examination 2025 Final Result a tihchhuak a, mi 65 an tling a, hetiang hi Discipline hrang hranga an tlin dan a ni:
1. PWD - 16
2. Power & Electricity - 15
3. PHE - 7
4. Civil Engineering - 14
5. Electrical Engineering - 8
6. Electronics & Communication - 3
7. Mechanical Engineering - 2
"Electrical Engineering Wing bikah hian post 7 lak turah mi 8 tih tlin an ni a. May 14, 2026 khan MPSC chuan thupha chawina Press Note an tichhuak a, Result tihchhuah tawh chu siamthat a ngaih thu tarlan a ni bawk. Final Result tihchhuah a tling tawh zinga pakhat chu a tlak leh a ngai dawn ta tihna a ni. Hetiang bawk hian MPSC-in February 2, 2026-a MCS (Combined Competitive) Exam 2025 result a tihchhuahah fel lo a awm avangin siamthat a lo ni tawh bawk a, tling tawh pakhat State pawn lama cheng Mizo pakhat chu hnawl leh a lo ni tawh bawk," a ti.
Tun hnai thla 3 chhung leka MPSC-in Exam lian leh pawimawh tak tak – MCS Combined Exam leh MES exam-a tihsual lian tak an nei hi hriatthiam theihah kan ngai lo a, MPSC history-ah pawh thil thleng khat tak a ni. Hei mai hi a ni lo a, kum 2025 atanga tun hun thlenga (kum 1 leh thla 4 chhung hian) MPSC thuchhuah tawh siamthatna (corrigendum) 15 zet a awm hi a makin, fimkhur tawk loh vangah kan ngai a. Kum 1 leh thla 4 chhung hian MPSC hian thla tin tihsual pawi tak pakhat tal an nei ziah tihna a ni. Hming leh address tih sualte, answer key dik lo te, age limit dik lo te, shortlist a awm tawh paih leh te, Valid list a tel lo tih tel leh te, syllabus siamthat ngai te, qualifying mark dik lo tarlan te, Candidate-te qualification ziah sual te, interview tura koh tawh, minimum qualification phak loh vanga hnawl leh ngaite leh a dang engemawzat a awm a. Hengte hian tunhnaiah MPSC dinhmun hi nasa takin a pawthniam a, an mualpho nasa hle a ni. Hetiang zel a nih chuan Mizoram mipuite leh a bikin thalai/zirlai, hna zawng mekten MPSC-ah rinna kan nghat ngam lo mai ang tih tih leh, thalaite beidawnna a thlen ang tih hi NSUI, Mizoram chuan kan hlau a ni. Chuvangin, an thil tih sual dante chhuichiang a, a rang thei ang bera insiamtha tura huaisen taka hma la nghal turin MPSC hotute kan phut a ni.
Tin, Assembly Session December 4, 2023-ah khan kan CM zahawm tak Pu Lalduhoma hian MSSSB thiah tur thu a sawi rualin MPSC thuam chak an tum thu uar takin a lo sawi tawh a. Hmalakna engemawchen awm bawk mah se, tuna MPSC chetsual nasat dan en hian a la tawk lo niin a lang a, chuvangin, MPSC thuam chak hna nasa lehzuala thawk turin Mizoram Chief Minister Pu Lalduhoma kan ngen bawk a ni.
MPSC hi Mizo Thalaite beiseina meichher chhitu ni zel turin kan duh a, tunhnuah hetiang thil hi thleng nawn tawh lo se kan duh tak zet a ni.
No. NSUI (Mz) GHQ/2026/PR-02
Date 15th May, 2026
PRESS STATEMENT
Mizoram Public Service Commission (MPSC) chuan May 13, 2026 khan Junior Grade of MES (Combined Competitive) Examination 2025 Final Result a tihchhuak a, mi 65 an tling a, hetiang hi Discipline hrang hranga an tlin dan a ni :
1. PWD - 16
2. Power & Electricity - 15
3. PHE - 7
4. Civil Engineering - 14
5. Electrical Engineering - 8
6. Electronics & Communication - 3
7. Mechanical Engineering - 2
Electrical & Electronic Engineering Wing bikah hian post 7 lak turah mi 8 tih tlin an ni a. May 14, 2026 khan MPSC chuan thupha chawina Press Note an tichhuak a, Result tihchhuah tawh chu siamthat a ngaih thu tarlan a ni bawk. Final Result tihchhuah a tling tawh zinga pakhat chu a tlak leh a ngai dawn ta tihna a ni. Hetiang bawk hian MPSC-in February 2, 2026-a MCS (Combined Competitive) Exam 2025 result a tihchhuahah fel lo a awm avangin siamthat a lo ni tawh bawk a, tling tawh pakhat State pawn lama cheng Mizo pakhat chu hnawl leh a lo ni tawh bawk.
Tun hnai thla 3 chhung leka MPSC-in Exam lian leh pawimawh tak tak – MCS Combined Exam leh MES exam-a tihsual lian tak an nei hi hriatthiam theihah kan ngai lo a, MPSC history-ah pawh thil thleng khat tak a ni. Hei mai hi a ni lo a, kum 2025 atanga tun hun thlenga (kum 1 leh thla 4 chhung hian) MPSC thuchhuah tawh siamthatna (corrigendum) 15 zet a awm hi a makin, fimkhur tawk loh vangah kan ngai a. Kum 1 leh thla 4 chhung hian MPSC hian thla tin tihsual pawi tak pakhat tal an nei ziah tihna a ni. Hming leh address tih sualte, answer key dik lo te, age limit dik lo te, shortlist a awm tawh paih leh te, Valid list a tel lo tih tel leh te, syllabus siamthat ngai te, qualifying mark dik lo tarlan te, Candidate-te qualification ziah sual te, interview tura koh tawh, minimum qualification phak loh vanga hnawl leh ngaite leh a dang engemawzat a awm a. Hengte hian tunhnaiah MPSC dinhmun hi nasa takin a pawthniam a, an mualpho nasa hle a ni. Hetiang zel a nih chuan Mizoram mipuite leh a bikin thalai/zirlai, hna zawng mekten MPSC-ah rinna kan nghat ngam lo mai ang tih tih leh, thalaite beidawnna a thlen ang tih hi NSUI, Mizoram chuan kan hlau a ni. Chuvangin, an thil tih sual dante chhuichiang a, a rang thei ang bera insiamtha tura huaisen taka hma la nghal turin MPSC hotute kan phut a ni.
Tin, Assembly Session December 4, 2023-ah khan kan CM zahawm tak Pu Lalduhoma hian MSSSB thiah tur thu a sawi rualin MPSC thuam chak an tum thu uar takin a lo sawi tawh a. Hmalakna engemawchen awm bawk mah se, tuna MPSC chetsual nasat dan en hian a la tawk lo niin a lang a, chuvangin, MPSC thuam chak hna nasa lehzuala thawk turin Mizoram Chief Minister Pu Lalduhoma kan ngen bawk a ni.
MPSC hi Mizo Thalaite beiseina meichher chhitu ni zel turin kan duh a, tunhnuah hetiang thil hi thleng nawn tawh lo se kan duh takzet a ni.
Issued By - National Students’ Union of India, Mizoram State Dated Aizawl 15th May, 2026
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: