Aizawl | May 15, 2026: Mizo Zirlai Pawl (MZP) hruaitute chuan vawiin tlai dar 3:30 khan, May 13-a Mizoram Public Service Commission (MPSC)-in Junior Grade of Mizoram Engineering Service (Combined Competitive) Examination 2025 result tihchhuah taka Electrical & Electronic Engineering wing Post 7 tura Post 8 anga result tih chhuah chungchungah MPSC thuneitute an hmu a, he thil thlenga a mawphurtu zawng chhuaka chhui chiangtu tur Inquiry Committee din nghal turin thuneitute an ngen.
MZP hruaitute hi an president Dr C Lalremruata hovin General Secretary C Lalhmingsanga, Assistant General Secretary Lalentlinga, Finance Secretary Nangsawmthanga, NESO Co - Ordinator Ricky Zawma Chhangte leh Adviser F Lalnienga te an kal a, MPSC lam hi Secretary Teresy Vanlalhruaii leh Controller of Examinations (COE) James Lalrinchhana ten an lo dawngsawng a ni.
MZP chuan, Junior Grade of MES (Combined Competitive) Examination 2025 result tihchhuah taka Electrical & Electronic Engineering wing Post 7 tura Post 8 anga result tih chhuah tak chu mak a ti hle a, a tuartu (victim) tana a hrilh hai thlak zia leh an tawrh zia pawh MPSC thuneitute hnenah hian an thlen.
MZP chuan hetiang thil thleng hi MPSC thuneitute'n en liam mai lo tur leh Mizorama hnalatu sang ber MPSC zahawmna leh thalai hna zawng mekte tan rintlak a nih chhunzawm zel theih nan; a mawphurtu zawng chhuaka chhui chiangtu tur Inquiry Committee din nghal turin thuneitute an ngen a ni.
MZP chuan, tun hnaiah MPSC Secretary dah a ni ta chu lawmawm a ti a, chutih rualin, member kim lova a awm reng chu tha a ti lova, full commission-a a kal vat theih nana hma la turin vawi tam tak sawrkar thuneitute a lo ngen tawh a, full commission-a a kal vat theih nan member ruat belh vat turin thuneitute a ngen nawn leh, tih vawiina an thuchhuah chuan a tarlang.
MZP PRESS RELEASE
MIZO ZIRLAI PAWL (MZP) LEH MIZORAM PUBLIC SERVICE COMMISSION (MPSC) THUNEITUTE AN INKAWM
Vawiin May ni 15, 2026(Zirtawpni) tlai dar 3:30 khan, MZP hruaitute chuan MPSC thuneitute an Pisa-ah hmuin, Secretary Pi Teresy Vanlalhruaii leh Controller of Examinations(COE) Pu James Lalrinchhana hoin inkawm hona hun neih a ni a, he hunah hian MPSC in a tun hnaia Junior Grade of MES(Combined Competitive) Examination 2025 Final result Dt. 13.05.2026 a tihchhuah tak chungchang sawiho a ni.
MZP chuan, Junior Grade of MES(Combined Competitive) Examination 2025 result tihchhuah taka Electrical & Electronic Engineering wing Post 7 tura Post 8 anga result tih chhuah tak chu mak a ti hle a, a tuartu(victim) tana a hrilh hai thlak zia leh an tawrh zia pawh MPSC thuneitute an thlen a ni.
MZP chuan hetiang thil thleng chungchangah hian MPSC thuneitute'n a en liam mai lo tur leh Mizorama hnalatu sangber MPSC zahawmna leh thalai hnazawng mekte tan rintlak a nih chhunzawm zel theih nan; a mawphurtu zawng chhuak a chhui chiang tu tur Inquiry Committee pawh din nghal turin MZP chuan, MPSC emaw Mizoram sawrkar thuneitute an ngen a ni.
MZP chuan MPSC-in tunhnaia Secretary a ruat ta chu lawmawm a ti a, chutih laiin member kimloa a awm reng chu tha a tilo a, MPSC hi full commission-a a kal vat theih nan sawrkar thuneitute vawi tam MZP chuan alo ngen tawh a, full commission-a a kal vat theih nan member ruatbelh vat turn MZP chuan sawrkar thuneitute a ngen nawn leh a ni.
Sd/-
(C. LALHMINGSANGA)
General Secretary
Ph: +91 7005941431
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: