LushAIgent: Agentic AI Tlangzarhnaa Speaker Lalbiakzama thusawi

Speaker Lalbiakzama thusawi

@ LushAIgent : Agentic AI Tlangzarhna

May 05, 2026 - BSI Hall, Upper Khatla.

Vawiin hun hlu bik leh chhinchhiah tlak ah hian, kan hun hneh taka min kaihruaitu - kan Host te, LushAITech Official - CEO te, CFO & CSO te, Director Education of LushAITech te leh kan Panel mithiam ril tak tak - Pu Lalliantluanga Hauhnar, Programmer, MZU, Pu H Thankhanhau, Asst. Prof., Govt. Serchhip College, kan Artist duhawm tak tak te, Media lam mi te leh heta rawn kal zawng zawng te, a hmasa in Chibai ka buk a che u.

Vawiin hian Mizoram chuan AI-ah bungthar kan lo kai ta.Hetianghun pawimawh a ka tel thei hi ka lawm in vannei ka inti hle a ni. Kan hriat ṭheuh angin AI hian nitin kan nun ah thu ril takin asawi tawh a, AI tello chuan mitam tak phei chu kan khawsa theilo achha ani ta e. AI chu eng nge a nih tih hi ṭhalai leh tunlai mi tam fe ah hrilhfiah leh chuan a ngai tawh lo a.Chutihrual chuan mitam zawkin kan la hmelhriat lo maithei bawk. Hmelhriatlo emaw inti te pawh hian AI awmzia hrelo in kan lo nunpui reng tawh zawk a ni ang tih a rinawm hle a ni.

Nikhua kan hriat tirh aṭanginmihring nun hi zawhna-a khat a ni a. Kan zawhna chuan chhanna dik leh rang a mamawh ṭhin. Hun hmang tlem zawk leh chhanna dik zawk chuan mihring nun a ti zangkhai a, a lo thlawna sum leh pai leh hun luangral tur a veng nghal ṭhin a, hlawkna min pe pah nghal bawk a ni. Chutiang mamawh chhanna chu LushAIgent Agentic AI hian a paipawn a ni.

Tunhma chuan ziak leh chhiar thiamlo chu an chhawrnahawm loh a. Sawrkar hna leh hnathawhna hmun dangah hna sang ah an lut theilo. Hun alo kal a, Computer khawvel ah kan lo zuang lut a. Computer thiamlo chu ziak leh chhiar thiamlo ang deuhthaw in hnathawhna ah an veikhawrlo a, sawrkar hna tam zawk ah pawh an lut theilo ta hial a. Hetiang ang mai hian AI chuan min han run leh ta a. Hun lo kal leh deuh ta se AI a thiamna bulṭhut (Basic Knowledge) neilo chu tun hmaa ziak leh chhiar thiam lo ang deuh thaw khan mi themtlaw kan nih hun hi a lo la thleng thuai dawn niin a lang.

Chutiang ang khawvel a kan chen laia chhanna duhawm tak chu, he hun kan hmanna chhan, LushAIgent Apps-a Agentic AI hi a ni ngei mai. He Apps hi Agentic AI bikah phei chuan Mizoram mai ni lo, India ramah a hmasaber tur a ni tih he Company CEO in min hrilh phei kha chuan ka phu deuh zawk nghe nghe a. Hetiang ang thiamna ril bik nei Mizo chhulchhuak kan nei hi ka chhuang hle a ni. He Agentic AI hian Voice Command a hmang thei a. Mihring hian hun kan neilo tulh tulh a, Phone leh Computer-a thil chhut na hun takngial pawh hi a uiawm ta. Chuvangin, Voice Command hmanga hnathawk thei a nihna hi a ṭhat lehzualna chu a ni. Apps nihna kimchang leh ṭangkaina (Technical Details & Scope) chu mithiamte sawifiah turah dah ta ila.

He Apps hi tun maia ka hriatthiam theih chinah pawh a ṭangkai dawn tih a lang reng maia. Tin, han tarlan ka’n chak ve chu he Apps hi official taka subscriber hmasaber ka ni a. Ka ṭangkaipui ṭan der tawh ani.

A tawpna atan chuan he Apps hian Zofate tan malsawmna lo thlen sela, a siamtute pawh lo hmuingil zel rawh se.

Ka lawm e.

LushAIgent in ṭawng hrang hrang a hriatthiam theihna, Voice note a hman theihna leh ṭawng lehlin (translation) lama a theihna te hi mipui hmaa phochhuah tham leh a ṭhatna lai tak a ni a. Heng a hnuaia point te hi uluk leh detail zawka siam a ni e:

1. Tawng Hrang Hrang Thiam AI (Multilingual Intelligence)

LushAIgent hi Mizo mipuite, a bikin Sap ṭawng emaw Hindi emaw thiam lutuk lote pawhin an hman ṭangkai theih tura duan a ni.

Mizo Ṭawng Ngaihnattawm: Mizo ṭawngin ṭha takin a biak theih a, i zawhnate Mizo ṭawng ngeiin, fiah leh mawi takin a rawn chhang let thei.

India Ram Ṭawng 12 a Thiam: Mizo ṭawng leh English bakah Hindi, Bengali, Tamil, Telugu leh ṭawng dangte tiamin India ram ṭawng hrang hrang 12 lai a thiam a ni.

Mahni Ṭawng Thlan Ngei (Language-First Onboarding): A tir aṭangin i ṭawng duh ber (Profile Language) i thlang thei a. Chumi hnuah chuan hriattirna (notifications) emaw, hman dan tur kaihhruaina emaw pawh Mizo ṭawngin a rawn thawn thlap tawh ṭhin.

2. Voice Note Hmanga Hnathawh (Smart Voice Action & Transcription) Type kher ngai lova Voice Note hmanga biak theih a nihna hi LushAIgent tihlutu leh tiṭangkaitu ber pakhat a ni.

"Transcribe and OBEY" (Ngaithla la, Thawk rawh): Voice note hmangin thu i thawn ang a, thuziak (text) ah a lo chantir mai piah lamah a thu awmzia manin thil a ti nghal thei. Entirnan, "Vawiin ah cheng 1500 in Gas ka la a," tiin voice note thawn la, i Bill Tracker / Finance Tracker-ah fel takin a lo chhinchhiah nghal hmak thei a ni.

Thusawi Mawi Taka Lo Siamṭhat (Speech-to-Polish): Resume i siam duh emaw, Diary ziah i duh emaw a nihin type kher a ngai lo. Voice note-in i thiamna emaw i ngaihtuahna sawi la, LushAIgent hian ṭawngkam mawi leh changkang tak (action verbs) hmangin a lo tlar (bullet points) chhuak thlap thei.

A hman a awlsam: Khawlai i vah lai emaw, i kut a awl loh lai pawhin voice note hmangin hna pawimawh - meeting set up te, thil chhinchhiah te, email draft te - awlsam takin i tihtir thei.

3. Mangan Hnema Lehlin Hna (Advanced Translation & Honorific Awareness) Ṭawng lehlin hna a thawk chak in a hrethiam thuk hle.

Ṭawngkam Mawi Hriatna (Tone & Honorific Awareness): Thu a lehlin (translate) in thumal a mal te te in a letling mawl ve tawp lo. Hna dilna ang chi ah chuan ṭawngkam upa leh zahawm (formal) a hmang thiam a, ṭhiante nena inbiakna tur a nih chuan a zangkhai (casual) zawngin a letling thiam a ni.

Voice Note Lehlin (Fast Translation): Voice note bawk hi i ṭawng thlan loh zawk hmanga i thawn emaw, mi dangin an rawn thawn che emaw a nih pawhin rang takin i ṭawng thlan (entirnan, Mizo tawng)-ah a lo letling nghal zung zung thei.

Kuta Thuziah Lehlin (Text Polisher): Ṭawng danga thuziah i thawn te pawh fiah tak leh awmze nei takin a letling thei a. Tin, Sap ṭawng emaw ṭawng danga i thu ziah sa pawh 'Grammar dik lo a awm em?', 'Hemi ai hian a aia mawiin a ziah theih em?' tiin i siamṭhat tir (polish) thei bawk a ni.

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]