". . . inelna sang tak hmanga zirna quality sang tak kan lo neih thin chu - inelna awm lovin a tlu sawp dawn ta," - MISA

Aizawl | May 8, 2026: Mizoram Independent Schools Association (MISA) President Lalnunkunga Sailo chuan vawiin khan Aizawl Press Club-ah thithar thehdarhtute kawmin, "Zirlaite tana rualelna (competition) tha tak a nuai bo tur hi Matric leh Class-XII zirlaite tan a pawi kan ti tak zet," a ti a, "inelna sang tak hmanga zirna quality sang tak kan lo neih thin chu inelna awm lovin a tlu sawp dawn ta," a ti.

"MBSE-in kumin HSLC leh HSSLC result a tihchhuah dana, Merit List, Subject Topper, Letter hmuh zat leh Division a rawn tilang ta lo hian Mizoram mipui a barakhaih nasa hle in zirlaite tana rualelna (competition) tha tak a nuai bo tur hi Matric leh Class-XII zirlaite tan a pawi kan ti tak zet a ni. Matric Result chhuak boruak huhang sang tak ni thin kha a reh ta ruih mai a ni.

Hei hian mimala result nei tha leh sikul result nei tha te tarlan lo ni thin chu rawn thai bovin, ang khat vekin a rawn hrut rual ta a ni. Deficit school, Private school leh Sorkar school te, ngawrh tak leh taima taka zirna kalpui thin te leh a lehlamah inthlahdah taka zirna kalpui tute nen ang khat vekin an result a rawn hrut rual ta mai hi standard tlak hniamna namen lovah kan ngai a ni.

A tawi zawngin sawi ila, inelna sang tak hmanga zirna quality sang tak kan lo neih thin chu inelna awm lovin a tlu sawp dawn ta kan ti lo thei lovang," a ti a.

Zirna hi thang khat lian zet chu CCE Pattern-in pawl hniam lamah kalpui a lo ni tawh a. Hei hian kan elementary education a sawpchhe hneh hle a, a hrechiang leh a chik Nu leh Pa te chu an rum vawng vawng a ni ber e. Hei hi a chhan chu CCE hian No Detention a ken tel vang a ni. Mizo naupangin pawl 1 atanga pawl 8 thlengin a Fail theih loh tih hian an rilru a ti hniamin, an thahnem ngaihna, taihmakna leh tih hram hramna awm thin kha a nuai bo ta daih hi thil pawi tak a ni. Hetiang anih tawh nak a laia HSLC / HSSLC a competition awm thin paih bova a  hniam zawnga tlan a result chipchiar lo tak a chhuah hian Zofate zirna nasa takin a pawt hniam dawn tih a chiang em em a ni.

Hetiang anga result chhuah dan thlak danglam a lo nih chhan chungchangah kan MBSE leh Sorkar lama a changtu minister te sawi dan chuan:- i) By-heart system nuai bo an duh vang te, ii) Zirlai exam turte rilru hah lova exam tir an duh vang te leh, iii) ICSE leh CBSE te pawhin result an tih chhuah in merit list an tichhuak ngai lo tih vang te ni awmin an sawi hi thil awmze nei ril lo tak niin a lang. 

Pakhatnaah chuan, tuna result tih chhuah dan hian by-heart system a tibo dawn chuang lo. Pahnihnaah chuan, zirlai exam turte rilru hi tuna result tih chhuah dan hian a tih hahdam phah chuan a rinawm loh. A reng rengah rilru hahdam takin, vei leh tum sang tak nei lovin hlawhtlinna a sual chhuah theih loh tih kan hre vek awm e. Exam pressure hi tihbo theih a ni lova, eng level ah pawh exam pressure hi chu a awm reng dawn tih kan hriat a tha. Pathumnaah chuan, CBSE te chuan kuminah ringawt pawh Board Exam candidate mi 43,00,000 an nei a, Merit List chhuah theih zia zang a ni lo. CBSE / ICSE result puan dan zul zuia result siam ve kan tum a nih dawn chuan heng board te hi chuan subject 6 neiin best 5 subject score hmangin an result hi buatsaih thin a ni a. Hei hian merit list siam a ti rem ve lo a ni. 

Mizo naupangte sukthlek enin kan result puan dan hian naupang tam takah inthlahdahna leh rual el tawk lohna a thlen thei dawn. Zirlai naupang thiam thei tak tak leh tum sang tak neite a tihnual ngei dawn ni a lang hi a pawi hle a ni.

OFFICE OF THE MIZORAM INDEPENDENT SCHOOLS ASSOCIATION (MISA)

AIZAWL : MIZORAM

PRESS  STATEMENT / RELEASE

1) MBSE-in kumin HSLC leh HSSLC result a tihchhuah dana, Merit List, Subject Topper, Letter hmuh zat leh Division a rawn tilang ta lo hian Mizoram mipui a barakhaih nasa hle in zirlaite tana rualelna (competition) tha tak a nuai bo tur hi Matric leh Class-XII zirlaite tan a pawi kan ti tak zet a ni. Matric Result chhuak boruak huhang sang tak ni thin kha a reh ta ruih mai a ni.

Hei hian mimala result nei tha leh sikul result nei tha te tarlan lo ni thin chu rawn thai bovin, ang khat vekin a rawn hrut rual ta a ni. Deficit school, Private school leh Sorkar school te, ngawrh tak leh taima taka zirna kalpui thin te leh a lehlamah inthlahdah taka zirna kalpui tute nen ang khat vekin an result a rawn hrut rual ta mai hi standard tlak hniamna namen lovah kan ngai a ni.

A tawi zawngin sawi ila, inelna sang tak hmanga zirna quality sang tak kan lo neih thin chu inelna awm lovin a tlu sawp dawn ta kan ti lo thei lovang.

2) Zirna hi thang khat lian zet chu CCE Pattern-in pawl hniam lamah kalpui a lo ni tawh a. Hei hian kan elementary education a sawpchhe hneh hle a, a hrechiang leh a chik Nu leh Pa te chu an rum vawng vawng a ni ber e. Hei hi a chhan chu CCE hian No Detention a ken tel vang a ni. Mizo naupangin pawl 1 atanga pawl 8 thlengin a Fail theih loh tih hian an rilru a ti hniamin, an thahnem ngaihna, taihmakna leh tih hram hramna awm thin kha a nuai bo ta daih hi thil pawi tak a ni. Hetiang anih tawh nak a laia HSLC / HSSLC a competition awm thin paih bova a  hniam zawnga tlan a result chipchiar lo tak a chhuah hian Zofate zirna nasa takin a pawt hniam dawn tih a chiang em em a ni.

3) Hetiang anga result chhuah dan thlak danglam a lo nih chhan chungchangah kan MBSE leh Sorkar lama a changtu minister te sawi dan chuan:- i) By-heart system nuai bo an duh vang te, ii) Zirlai exam turte rilru hah lova exam tir an duh vang te leh, iii) ICSE leh CBSE te pawhin result an tih chhuah in merit list an tichhuak ngai lo tih vang te ni awmin an sawi hi thil awmze nei ril lo tak niin a lang. 

Pakhatnaah chuan, tuna result tih chhuah dan hian by-heart system a tibo dawn chuang lo. Pahnihnaah chuan, zirlai exam turte rilru hi tuna result tih chhuah dan hian a tih hahdam phah chuan a rinawm loh. A reng rengah rilru hahdam takin, vei leh tum sang tak nei lovin hlawhtlinna a sual chhuah theih loh tih kan hre vek awm e. Exam pressure hi tihbo theih a ni lova, eng level ah pawh exam pressure hi chu a awm reng dawn tih kan hriat a tha. Pathumnaah chuan, CBSE te chuan kuminah ringawt pawh Board Exam candidate mi 43,00,000 an nei a, Merit List chhuah theih zia zang a ni lo. CBSE / ICSE result puan dan zul zuia result siam ve kan tum a nih dawn chuan heng board te hi chuan subject 6 neiin best 5 subject score hmangin an result hi buatsaih thin a ni a. Hei hian merit list siam a ti rem ve lo a ni. 

4) Mizo naupangte sukthlek enin kan result puan dan hian naupang tam takah inthlahdahna leh rual el tawk lohna a thlen thei dawn. Zirlai naupang thiam thei tak tak leh tum sang tak neite a tihnual ngei dawn ni a lang hi a pawi hle a ni.

sd/-        sd/-

(LALNUNKUNGA SAILO) (ANDREW LALR EMKIMA)

President         General Secretary

MIZORAM INDEPENDENT SCHOOLS ASSOCIATION (MISA)

Dated Aizawl, the 8th May, 2026.