Aizawl | April 8, 2026: MNF Senior Vice President Dr R Lalthangliana MLA chuan April ni 8, 2026 (Nilaini) hian AMC Ward No- XVIII, ITI-ah leh Ward No-XIX, Tlangnuamah MNF party tan election campaign a nei a, party hruaitute nen inkawmhona an neih naah AMC dintu, Aizawl khawpui hmasawnna tura nasa taka hna lo thawk tawhtu leh hmathlir nei tha ber, an hmachhawpte chhunzawm tur MNF official candidate-te vote turin mipui a ngen.
Dr Thangtea chuan AMC building regulation chungchangah ennawn ngai a awm tih an hriat thu te, a nghah chhung a rei hret an tih thu te, Property tak lak danah enawn ngai awm chu an siamthat tur thu te, Covid karah khan mipui beisei anga an kal lohnaah mipui ngaihdam a dil a, a aia tha leh zual zela an kal tur thu a sawi.
MNF Senior Vice President chuan, "ZPM a sorkar meuh chuan ram rorelna sang berah thu belhchian dawllo, thu tak ni lo a tam ta lutuk hi a thalo hle a. Chief Minister ber hian thudik ziktluaklo sawi a addict tlat hi thil pawi tak a ni, a thusawi reng rengah sorkar hmasate tai ran lo chuan thu a sawi thiam tlat lo bawk. A thusawi hrang hrangte hi chik taka ngaihthlak chuan inthlan hmaa a sawi leh an sorkar hnua thusawi te, an sorkar hnuah pawh ama thu sawi ngei ngei pawh inkalh tak tak a tam hle a, hei hian amahah thu tak a awm lohzia a tilang chiang hlein ka hria, mipui pawhin hei hi an hre chiang tan zel a ni, a ti.
Dr Thangtea chuan, "ZPM hian kum 2023 MLA inthlan thleng khan thu tha zawng zawng an sawi a, an sorkar hnuah a chhe thei ang berin an kal leh si a, sawi loh ang leh rintlak loha kal nasa leh si hi Mizorama sorkarna siam tawh party-ah an la awm ngai lo. MLA inthlan hnuhnung berah Congress leh MNF thlak duh hrim hrim thu tlangaupui kha an hna pui ber anih avangin mipuiin, ZPM MLA candidate-te mimal en lovin, ZPM candidate hrim hrim an thlang tling a, hei hi an hotute insawi dan pawh a ni," a ti.
Lalduhoma danglam bikna chu mi naran awih tawkin thu a sawi thiam a, thu diklo pawh a thu tak sawi hmiah hmiah zel thin. Mahse, mipuiin hei hi an hre chiang chho zel a, an sorkar hnua election awm a piangah an hnawl mek zel a, MNF hi Pathian leh mipui zarah a tho chhuak leh thuai dawn a ni, a ti bawk.
.jpeg)
Mizo National Front
General Headquarters
Aizawl: Mizoram
Press Release
CHIEF MINISTER-IN THUDIK ZIKTLUAKLO SAWI A ADDICT
-DR.R.LALTHANGLIANA, SR.VICE PRESIDENT
MNF Senior Vice President Dr.R.Lalthangliana MLA chuan April ni 8, 2026 (Nilaini) hian AMC Ward No- XVIII, ITI-ah leh Ward No-XIX, Tlangnuamah MNF party tan election campaign a nei a, party hruaitute nen inkawmhona an neih naah AMC dintu, Aizawl khawpui hmasawnna tura nasa taka hna lo thawk tawhtu leh hmathlir nei tha ber, an hmachhawpte chhunzawm tur MNF official candidate-te vote turin mipui a ngen.
Dr.Thangtea chuan AMC building regulation chungchangah ennawn ngai a awm tih an hriat thu te, a nghah chhung a rei hret an tih thu te, Property tak lak danah enawn ngai awm chu an siamthat tur thu te, Covid karah khan mipui beisei anga an kal lohnaah mipui ngaihdam a dil a, a aia tha leh zual zela an kal tur thu a sawi.
MNF Senior Vice President chuan ZPM a sorkar meuh chuan ram rorelna sang berah thu belhchian dawllo, thu tak ni lo a tam ta lutuk hi a thalo hle a. Chief Minister ber hian thudik ziktluaklo sawi a addict tlat hi thil pawi tak a ni, a thusawi reng rengah sorkar hmasate tai ran lo chuan thu a sawi thiam tlat lo bawk. A thusawi hrang hrangte hi chik taka ngaihthlak chuan inthlan hmaa a sawi leh an sorkar hnua thusawi te, an sorkar hnuah pawh ama thu sawi ngei ngei pawh inkalh tak tak a tam hle a, hei hian amahah thu tak a awm lohzia a tilang chiang hlein ka hria, mipui pawhin hei hi an hre chiang tan zel a ni, a ti.
Dr.Thangtea chuan, "ZPM hian kum 2023 MLA inthlan thleng khan thu tha zawng zawng an sawi a, an sorkar hnuah a chhe thei ang berin an kal leh si a, sawi loh ang leh rintlak loha kal nasa leh si hi Mizorama sorkarna siam tawh party-ah an la awm ngai lo. MLA inthlan hnuhnung berah Congress leh MNF thlak duh hrim hrim thu tlangaupui kha an hna pui ber anih avangin mipuiin, ZPM MLA candidate-te mimal en lovin, ZPM candidate hrim hrim an thlang tling a, hei hi an hotute insawi dan pawh a ni," a ti.
Pu Lalduhoma danglam bikna chu mi naran awih tawkin thu a sawi thiam a, thudiklo pawh a thu tak sawi hmiah hmiah zel thin. Mahse, mipuiin hei hi an hre chiang chho zel a, an sorkar hnua election awm a piangah an hnawl mek zel a, MNF hi Pathian leh mipui zarah a tho chhuak leh thuai dawn a ni, a ti bawk.
Sd/-
(R.LALHMANGAIHA)
Secretary
Media & Publicity Deptt
Mizo National Front
Memo No.464/2026
Dt.08.04.2026
"Nu mittuiin a fa nunna a chhan thei lo, i thisenin a chhan thei a sin,"
Thisen pe la, nun chhanhim rawh.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: