"Anmahni sorkarna ngei LMC hnathawhna tur sum ti-lapse vek duhtu, AMC sum hmuh tur pawh ti-lapse luitu ZPM sorkar hi Municipality enkawltir tlak an ni lo," - Lalrinenga Sailo

"An sorkarna ngei LMC hnathawhna tur sum ti-lapse vek duhtu, AMC sum hmuh tur pawh ti-lapse luitu ZPM sorkar hi Municipality enkawltir tlak an ni lo," - 

Aizawl | April 8, 2026: MNF Adviser leh Aizawl Municipal Corporation (AMC) Mayor hlui Lalrinenga Sailo chuan vawiin khan Aizawl Press Club-ah thu thar thehdarhtute kawmin, ""Anmahni sorkarna ngei LMC hnathawhna tur sum ti-lapse vek duhtu, AMC sum hmuh tur pawh ti-lapse luitu ZPM sorkar hi Municipality enkawltir tlak an ni lo," a ti.

Khawpuia cheng mipuite tana AMC leh LMC ten hna an thawhna tur sum Finance Commission ruahman fel vek tawh cheng Nuai 3,400 chuang zet chu ZPM sorkarin a ngaihthah vang liau liauin, central sorkar kutah a let leh (lapsed) vek a, hetiang taka Municipality ngaihthahtu leh hrek bettu ZPM hi AMC enkawltir tlak an ni lo.

ZPM sorkar hian anmahni sorkarna ngei, LMC-in Lunglei khawpuia cheng mipuite hmasawnna hna a thawhna tur, Finance Commission 15-na in a ruahmansak, kum 2024-25 chhung atan Rs. 9,23,12,000/- leh 2025-26 chhunga an hmuh tur Rs. 9,46,80,000/-, a belhkhawmin Rs. 18,69,92,000/- zet chu hmang thei lova siamin, heng sumte hi central sorkarah a let (lapsed) vek a. LMC hian MNF sorkar hunlai, 2023-24 chhunga an hmuh Rs. 6,35,44,000/- bak Finance Commission sum pek hi an la dawng ve reng reng lo a, ZPM sorkar hnuaiah kum 2 chhung a zawnin an chȃn tawh a ni.

Hei bakah hian AMC in Finance Commission 15-na atanga a sum hmuh tur, AMC-a MNF sorkarin lehkha pawimawh zawng zawng engkim an chinfel vek pawh, ZPM sorkar hian a tih ve tur, ‘Grant Transfer Certificate’ chu Ministry of Finance leh Ministry of Urban Affairs-ah te a huna a thawn loh avangin Rs. 15,26,60,000/- lai chu central sorkarah a let (lapsed) bawk a, LMC leh AMC ten khawpuia cheng mipuite tana hmasawnna hna an thawhna tur sum ZPM sorkarin a tih lapse belhkhawm hi Rs. 33,96,52,000/- lai a tling a. Hetiang taka anmahni sorkar siamna ngei LMC pawh ngaihthahtu leh AMC sum hmuh tur pawh Certificate pakhat lek thawn duh loh vanga ti lapse duhtu ZPM party hi khawpui enkawltir tlak an ni lo a. Mipuiten an hnawl a tul a ni. 

Municipality-a ZPM hlangin sorkar an siamna, Lunglei Municipal Council (LMC) ngei pawh ZPM sorkarin a enkawl dan atang hian AMC phei chu enkawltir chi an ni reng reng lo tih a chiang a. LMC hi hna thawk thei lovin an siam a, Central sorkar thupek anga, Property Tax an lak tur pawh la mumal thei lovin an siam a, 2024-25 chhunga cheng nuai 79 vel an lak khawm ve pawh a hunah an khawn loh avangin a hunah Central sorkarah an report hman lo a, Finance Commission sum ruahmansak pawh a zawnin kum 2 chhung an chȃn phah ta reng a ni. 

Hetihlai hian AMC-a MNF sorkar liamta erawh kha chuan a tih tur engkim a ti fel a, lehkhapawimawh zawng zawngte pawh a tih fel vek avangin Finance Commission atanga sum lo kal pawh a dawng tha a, ZPM sorkarin a huna AMC inthlanna a buatsaih loh avang leh AMC thuneihna zawng zawng March ni 1, 2026 atanga ZPM sorkarin a laksak tak avangin 2025-26 bika Second Installment Rs. 15,26,60,000/- chu ZPM sorkarin a tih lapsed sak ta tho a, Second Installment hmu tur pawh hian AMC chuan engkim a peihfel a, ZPM sorkar zawkin ‘Grant Transfer Certificate’ chu Central sorkarah a huna a thawn duh miau loh avangin Aizawl mipuiten hmasawnna hna thawhna tur sum tam tak kan chȃn phah ta a ni.

Hetiang hi thil awmdan dik tak anih laia Chief Minister berin, “AMC tan sum tam tak kan nawr chhuak” tih te, “AMC-ten an ngawih bopui veng veng a, March 18 khan kan hrechhuak chauh a, MNF AMC-te khan Aizawl an lo vei lo hle a ni” tih mipui hmaa a sawi duh maite hi chu thu dik hre reng chunga mipui bum tumna, koham taka AMC thuneihna an inpek thup tumna thil ṭha lo leh zahpuiawm tak a ni.

ZPM sorkar ding mek hi tualchhung rorelna zawng zawngte pawh rahbeh vek tumtu a ni tih chu ‘an duh hun huna’ inthlanna an buatsaih dan atangin a chiang a, Village Council term dinglai nasa takin an lo pawt tawi tawh a, tunah pawh chhuanlam tling lo vek chhuanlama hmangin, sorkar lai hamthatna neih theih hun tur thlir rȃnin AMC inthlan hun an sawn hla leh a, AMC thuneihna zawng zawng chu March ni 1, 2026 atang khan Sorkar kutah (Administrator i.e Commissioner, AMC) an la vek tawh a. Hetiang taka mipui rorelna leh zelah pawh engkim thunun vek tumtu ZPM party hi AMC inthlanna lo awm turah pawh hian Aizawl mipuiten an hnawl a ṭul tak zet a ni. 

ZPM party in thu dik lo hmanga AMC an beihna thenkhat hi sawifiah ve a ngai a. AMC Sports Complex, Bawngkawn ami hi Local Council leh NGO te remtihna-a PPP Mode a Agreement siam a ni a, AMC in Fund a hmuh ang zela hna hi thawh tur a ni. A hman man atangin AMC in 60% leh Bawngkawn khawtlang in 40% chang tur a inrem a ni a, a enkawlna senso erawh chu AMC tum tur a ni. Management Committee hi Bawngkawn Local Council hnuaiah din a ni a, AMC Represent mi 2 an tel ve a ni.

A tira Social Media lam a thlalak an tarlan kha AMC in a lak hma ami a ni a. You -Tuber hire-a Bawngkawn West Local Council hruaituten an rawn tih lan lehah pawh hian DPR leh Detailed Estimate sawi chiang duh lovin an rinthu nen mipuite rilru hruaikawi tumin an rawn sawi leh ta chiam mai a ni.

Hna te hi kum tamtak chhungin Fund tlachawp awm dan a zira thawh an nih avangin lo lang hlui deuhte awmin Fencing Post te leh Fencing Net te a lo bo nual tawh a. A thar hlima Engineer ten an approve ang ni thei tawh lo thil thenkhat a awm a ni. Hna thawh danah hian eirukna leh dik lo taka thawh a awm lo a ni tih hi finfiah kan ngam a, Sorkar hian chhui chiangin Bawngkawn khawtlang leh AMC te nen Contractor te kovin enho vek kan cho a, kan duh bawk a ni.

Bawngkawn West Local Council, kum 2025 a din, hruaitu tharte hian an area-a Sports Complex awm hi anmahni bila enkawl an an tum vangin hetiang boruak hi an siam ta em ni tih hi zawhna lian tak a ni a. Ruling party in remchang lo laa campaign auhla bera an hmang zui ta phei hi chu a zahthlak a, tualchhung Politics tha lo tak khelhna atana hmang tawh lo turin kan ngen a. Inthlana tlin duh luat avanga thudik tawklo hmanga mipui bum tum hi ching tawhlo se kan duh takzet a ni.

Tuirial a SWMC a bawlhhlawh senghawi nana mimal JCB hman chungchangah SIPMIU in khawl thar a pek awm reng si a hmang duh lo anga a sawi pawh hi thudik chanve a ni. SIPMIU in SWMC AMC kut-a a hlan khan enkawl zuina tur sum engmah a hlan tel lova. JCB leh Excavator a hlan pawh kha hnathawk tur atan a fit tawk loh avangin senso tam taka repair fo anih avangin mimal hnenah out-sourced a ni ta a ni. CAG Audit Report in khawl nei chung sia JCB dang hman chungchang a comment-na pawh hi an tih awm tak a ni a. Khawl la thar tak hman tlak si loh a ni tih an hriat loh vang a ni.

Bawlhhlawh phur motor Truck hralh chungchangah pawh Sorkarin AMC rawn hmasa lovin Motor tam tham tak Sipmiu kaltlangin AMC hnenah pek a ni a, enkawlna senso leh Driver leh Handyman-te hlawh tur a tel bawk si lova, AMC dinhmun atang chuan a senso a tam tham em avangin enkawl reng theih a ni lo va, mimal hnenah loan angin pekchhuah a ni a, tha takin hna an thawk zui ta a, Loan pawh a pung/interest nen hmuh let leh vek a ni tawh a ni. Outsource a nih dawn hian dan ang takin Transport Department ah MVI ten Evaluation Certificate an siam thlap a ni. Board of Corporators Meeting in a remtihna anga kalpui anih avangin Party mal in mawhpuhna chi a ni lo.

‘Advertisement chhuah lovin AMC hian hna a la thin’ tih hi thu belhchian dawl lo bawk a ni. AMC Term hmasa ber, Congress leh ZNP Sorkar-in hna hrang hrang an lo lak tawhte chu MNF Sorkar chuan mi 40 chuang zet a nghetin a dah/ regularize zawk a ni. Tun dinhmuna Tuirial Bawlhlawh paihna hmun a thawkte leh AMC Office a Casual Worker a thawkte hi an kal ni chauh a hlawh la, minimum wages ang a hlawh pek an ni a, Regular a thawk an awm lo. Staff te in daih lohna avangin Casual Worker te hi Temporary a chhawr an ni a, Tuna AMC Regular Employee/Staff te zingah hian MNF AMC Sorkar chhungin pakhat mah lak an awm lo a ni. Loh theih loh na avanga Geologist Consultant Fixed Pay a chhawr sa, Contract a leh tumna pawh MZP te duhdana thulh a ni zawk nghe nghe.

AMC kalta diklo taka puhna leh mipui rilru hruaikawi tumna hi tun hma pawha an lo tih fo thin anih avangin Aizawl mipui te hian thu dik hria se ka duh a, thudik tak hai lang turin ZPM sorkar hian ACB emaw, investigating agency dang tu pawh chhuitir ngei se tih hi kan duhdan a ni. Corruption ah kan fihlim a ni tih pawh hi kan sawi chiang duh a, Tun AMC Inthlan lo awm turah pawh Pathian leh mipuite zarah eirukna laka fihlim chhunzawm zel tur, finfiah ngam MNF kaihhruai AMC a din ngei kan beisei tlat a. MNF Candidate te lo vote vek turin Aizawl mipuite kan ngen takmeuh a ni.

Press Statement of Lalrinenga Sailo,

Ex-Mayor, AMC & Adviser, MNF GHQ.

8th April 2026

Anmahni sorkarna ngei LMC hnathawhna tur sum ti lapse vek duhtu, AMC sum hmuh tur pawh ti lapse luitu ZPM sorkar hi Municipality enkawltir tlak an ni lo.

Khawpuia cheng mipuite tana AMC leh LMC ten hna an thawhna tur sum Finance Commission ruahman fel vek tawh cheng Nuai 3,400 chuang zet chu ZPM sorkarin a ngaihthah vang liau liauin, central sorkar kutah a let leh (lapsed) vek a, hetiang taka Municipality ngaihthahtu leh hrek bettu ZPM hi AMC enkawltir tlak an ni lo.

ZPM sorkar hian anmahni sorkarna ngei, LMC-in Lunglei khawpuia cheng mipuite hmasawnna hna a thawhna tur, Finance Commission 15-na in a ruahmansak, kum 2024-25 chhung atan Rs. 9,23,12,000/- leh 2025-26 chhunga an hmuh tur Rs. 9,46,80,000/-, a belhkhawmin Rs. 18,69,92,000/- zet chu hmang thei lova siamin, heng sumte hi central sorkarah a let (lapsed) vek a. LMC hian MNF sorkar hunlai, 2023-24 chhunga an hmuh Rs. 6,35,44,000/- bak Finance Commission sum pek hi an la dawng ve reng reng lo a, ZPM sorkar hnuaiah kum 2 chhung a zawnin an chȃn tawh a ni.

Hei bakah hian AMC in Finance Commission 15-na atanga a sum hmuh tur, AMC-a MNF sorkarin lehkha pawimawh zawng zawng engkim an chinfel vek pawh, ZPM sorkar hian a tih ve tur, ‘Grant Transfer Certificate’ chu Ministry of Finance leh Ministry of Urban Affairs-ah te a huna a thawn loh avangin Rs. 15,26,60,000/- lai chu central sorkarah a let (lapsed) bawk a, LMC leh AMC ten khawpuia cheng mipuite tana hmasawnna hna an thawhna tur sum ZPM sorkarin a tih lapse belhkhawm hi Rs. 33,96,52,000/- lai a tling a. Hetiang taka anmahni sorkar siamna ngei LMC pawh ngaihthahtu leh AMC sum hmuh tur pawh Certificate pakhat lek thawn duh loh vanga ti lapse duhtu ZPM party hi khawpui enkawltir tlak an ni lo a. Mipuiten an hnawl a tul a ni. 

Municipality-a ZPM hlangin sorkar an siamna, Lunglei Municipal Council (LMC) ngei pawh ZPM sorkarin a enkawl dan atang hian AMC phei chu enkawltir chi an ni reng reng lo tih a chiang a. LMC hi hna thawk thei lovin an siam a, Central sorkar thupek anga, Property Tax an lak tur pawh la mumal thei lovin an siam a, 2024-25 chhunga cheng nuai 79 vel an lak khawm ve pawh a hunah an khawn loh avangin a hunah Central sorkarah an report hman lo a, Finance Commission sum ruahmansak pawh a zawnin kum 2 chhung an chȃn phah ta reng a ni. 

Hetihlai hian AMC-a MNF sorkar liamta erawh kha chuan a tih tur engkim a ti fel a, lehkhapawimawh zawng zawngte pawh a tih fel vek avangin Finance Commission atanga sum lo kal pawh a dawng tha a, ZPM sorkarin a huna AMC inthlanna a buatsaih loh avang leh AMC thuneihna zawng zawng March ni 1, 2026 atanga ZPM sorkarin a laksak tak avangin 2025-26 bika Second Installment Rs. 15,26,60,000/- chu ZPM sorkarin a tih lapsed sak ta tho a, Second Installment hmu tur pawh hian AMC chuan engkim a peihfel a, ZPM sorkar zawkin ‘Grant Transfer Certificate’ chu Central sorkarah a huna a thawn duh miau loh avangin Aizawl mipuiten hmasawnna hna thawhna tur sum tam tak kan chȃn phah ta a ni.

Hetiang hi thil awmdan dik tak anih laia Chief Minister berin, “AMC tan sum tam tak kan nawr chhuak” tih te, “AMC-ten an ngawih bopui veng veng a, March 18 khan kan hrechhuak chauh a, MNF AMC-te khan Aizawl an lo vei lo hle a ni” tih mipui hmaa a sawi duh maite hi chu thu dik hre reng chunga mipui bum tumna, koham taka AMC thuneihna an inpek thup tumna thil ṭha lo leh zahpuiawm tak a ni.

ZPM sorkar ding mek hi tualchhung rorelna zawng zawngte pawh rahbeh vek tumtu a ni tih chu ‘an duh hun huna’ inthlanna an buatsaih dan atangin a chiang a, Village Council term dinglai nasa takin an lo pawt tawi tawh a, tunah pawh chhuanlam tling lo vek chhuanlama hmangin, sorkar lai hamthatna neih theih hun tur thlir rȃnin AMC inthlan hun an sawn hla leh a, AMC thuneihna zawng zawng chu March ni 1, 2026 atang khan Sorkar kutah (Administrator i.e Commissioner, AMC) an la vek tawh a. Hetiang taka mipui rorelna leh zelah pawh engkim thunun vek tumtu ZPM party hi AMC inthlanna lo awm turah pawh hian Aizawl mipuiten an hnawl a ṭul tak zet a ni. 

ZPM party in thu dik lo hmanga AMC an beihna thenkhat hi sawifiah ve a ngai a. AMC Sports Complex, Bawngkawn ami hi Local Council leh NGO te remtihna-a PPP Mode a Agreement siam a ni a, AMC in Fund a hmuh ang zela hna hi thawh tur a ni. A hman man atangin AMC in 60% leh Bawngkawn khawtlang in 40% chang tur a inrem a ni a, a enkawlna senso erawh chu AMC tum tur a ni. Management Committee hi Bawngkawn Local Council hnuaiah din a ni a, AMC Represent mi 2 an tel ve a ni.

A tira Social Media lam a thlalak an tarlan kha AMC in a lak hma ami a ni a. You -Tuber hire-a Bawngkawn West Local Council hruaituten an rawn tih lan lehah pawh hian DPR leh Detailed Estimate sawi chiang duh lovin an rinthu nen mipuite rilru hruaikawi tumin an rawn sawi leh ta chiam mai a ni.

Hna te hi kum tamtak chhungin Fund tlachawp awm dan a zira thawh an nih avangin lo lang hlui deuhte awmin Fencing Post te leh Fencing Net te a lo bo nual tawh a. A thar hlima Engineer ten an approve ang ni thei tawh lo thil thenkhat a awm a ni. Hna thawh danah hian eirukna leh dik lo taka thawh a awm lo a ni tih hi finfiah kan ngam a, Sorkar hian chhui chiangin Bawngkawn khawtlang leh AMC te nen Contractor te kovin enho vek kan cho a, kan duh bawk a ni.

Bawngkawn West Local Council, kum 2025 a din, hruaitu tharte hian an area-a Sports Complex awm hi anmahni bila enkawl an an tum vangin hetiang boruak hi an siam ta em ni tih hi zawhna lian tak a ni a. Ruling party in remchang lo laa campaign auhla bera an hmang zui ta phei hi chu a zahthlak a, tualchhung Politics tha lo tak khelhna atana hmang tawh lo turin kan ngen a. Inthlana tlin duh luat avanga thudik tawklo hmanga mipui bum tum hi ching tawhlo se kan duh takzet a ni.

Tuirial a SWMC a bawlhhlawh senghawi nana mimal JCB hman chungchangah SIPMIU in khawl thar a pek awm reng si a hmang duh lo anga a sawi pawh hi thudik chanve a ni. SIPMIU in SWMC AMC kut-a a hlan khan enkawl zuina tur sum engmah a hlan tel lova. JCB leh Excavator a hlan pawh kha hnathawk tur atan a fit tawk loh avangin senso tam taka repair fo anih avangin mimal hnenah out-sourced a ni ta a ni. CAG Audit Report in khawl nei chung sia JCB dang hman chungchang a comment-na pawh hi an tih awm tak a ni a. Khawl la thar tak hman tlak si loh a ni tih an hriat loh vang a ni.

Bawlhhlawh phur motor Truck hralh chungchangah pawh Sorkarin AMC rawn hmasa lovin Motor tam tham tak Sipmiu kaltlangin AMC hnenah pek a ni a, enkawlna senso leh Driver leh Handyman-te hlawh tur a tel bawk si lova, AMC dinhmun atang chuan a senso a tam tham em avangin enkawl reng theih a ni lo va, mimal hnenah loan angin pekchhuah a ni a, tha takin hna an thawk zui ta a, Loan pawh a pung/interest nen hmuh let leh vek a ni tawh a ni. Outsource a nih dawn hian dan ang takin Transport Department ah MVI ten Evaluation Certificate an siam thlap a ni. Board of Corporators Meeting in a remtihna anga kalpui anih avangin Party mal in mawhpuhna chi a ni lo.

‘Advertisement chhuah lovin AMC hian hna a la thin’ tih hi thu belhchian dawl lo bawk a ni. AMC Term hmasa ber, Congress leh ZNP Sorkar-in hna hrang hrang an lo lak tawhte chu MNF Sorkar chuan mi 40 chuang zet a nghetin a dah/ regularize zawk a ni. Tun dinhmuna Tuirial Bawlhlawh paihna hmun a thawkte leh AMC Office a Casual Worker a thawkte hi an kal ni chauh a hlawh la, minimum wages ang a hlawh pek an ni a, Regular a thawk an awm lo. Staff te in daih lohna avangin Casual Worker te hi Temporary a chhawr an ni a, Tuna AMC Regular Employee/Staff te zingah hian MNF AMC Sorkar chhungin pakhat mah lak an awm lo a ni. Loh theih loh na avanga Geologist Consultant Fixed Pay a chhawr sa, Contract a leh tumna pawh MZP te duhdana thulh a ni zawk nghe nghe.

AMC kalta diklo taka puhna leh mipui rilru hruaikawi tumna hi tun hma pawha an lo tih fo thin anih avangin Aizawl mipui te hian thu dik hria se ka duh a, thudik tak hai lang turin ZPM sorkar hian ACB emaw, investigating agency dang tu pawh chhuitir ngei se tih hi kan duhdan a ni. Corruption ah kan fihlim a ni tih pawh hi kan sawi chiang duh a, Tun AMC Inthlan lo awm turah pawh Pathian leh mipuite zarah eirukna laka fihlim chhunzawm zel tur, finfiah ngam MNF kaihhruai AMC a din ngei kan beisei tlat a. MNF Candidate te lo vote vek turin Aizawl mipuite kan ngen takmeuh a ni 

Issued by

MNF Publicity Board