Aizawl | March 31, 2026: MNF Legal Board Treasurer Zothansangi Hmar chuan vawiin chhund ar 12 khan Aizawl press club-ah thuthar thehdarhtute kawmin, “Inthlan apianga hmeichhe candidate-ten mawi lo tak taka social media-a beih an tawk thin hi MNF Legal Board chuan pawi a ti. Hmeichhiate hmusitnaah a ngai” a ti.
"March 18, 2026 khan Mizoram State Election Commission chuan India Danpui leh Mizoram Municipalities Act, 2007 in mawhphurna a pek angin, April, 21 chu AMC inthlan hun tur atan a puang ta a, Danin a sawi anga hmeichhe seat eng emaw zat bakah general seat thlengin hmeichhe candidate kan nei ta nual mai a. Hei hi Mizo hmeichhiate hmasawnna nasa takah MNF chuan kan ngai a, heng hmeichhe candidate-te hi kan chhuangin kan duhsak takzet a ni. Hetiang hi a nih laiin kan hmeichhe candidate-te social media kal tlanga mawi lo tak taka beihna a lo chhuak thin hi a pawi kan ti a. Hmeichhiate dinhmun rahbehnaah kan ngai bawk a ni. A bikin tun hnaiah MNF ten AMC inthlanna lo awm tura Ward- IV-a kan candidate Nl. R. Lalnunthari (Nunui Rualheng) chuan mawi lo tak tak, hmeichhiat mipatna rawngkai leh hmeichhiate zahawmna tibawrhbang thei zawnga beihna a tawk nasa hle a. Hemi chungchang hi kan ngai thutak hle a. Hetiang hi a thleng leh a nih chuan a tul ang zelin MNF Legal Board chuan hma kan la ang. Kan candidte hmeichhiate hi engtiklai pawhin an thlavang hauh turin kan inpeih reng a ni.
Political Party tin te leh candidate zawng zawng ten an zawm tur Model Code of Conduct 2026 chu State Election Commission Mizoram in an rawn chhawpchhuak a. Tin, hetianga mimal nun phawrh sak zawnga campaign hi Model Code of Conduct 2026 Bung II (c)-na hian a khap tlat a ni. Model Code of Conduct-ah chuan heti hian a inziak: -
II (c) Khingpuite leh party hruaitute mi mal nun, mipui rawngbawlna lam nena inkaihhnawih ni si lo, insawi chhiatna.
Hetianga State Election Commission-in inkaihhruaina tha tak a siam chung pawhin mi thenkhatte chuan kan duhthawh luatah tun hnai lawkah social media lamah an khingpuite mimal nun leh an nihna dik lo takin, mipuite rilru hruaikawi tur zawngin, thlalak leh thu post an siam nasa hle a. Hei hi a pawi kan ti takzet a. Kum 2026-ah hetiang thil a la thleng hi a zahthlak kan ti a ni.
Tin, inthlan a nih avanga candidate hmeichhiate zahawmna leh mawina tibawrhbang zawnga thu leh thlalak thehdarh te hi India ram criminal law hnuaia pawikhawihna a ni a, court thubuai neih theihna leh thiam loh chan phei chuan lung in tan emaw pawisa chawi theihna a ni. Kan ramin changkan lam kan pan mek emaw kan tih laia inthlan apianga a hnufual zawng leh hnungtawlh zawnga kan inbei thin hi chu India rama literacy rate sanna state tih atan hian a mawilo takzet ni mai lovin tih loh tawp tur a ni.
Tin, hei mai bakah hian inthlana mimal lo chawrchhuahna chhungkua inhmuhsit sak zawng leh indiriam nana hman te, zirna kawnga an thlen chin nuihzat leh hmusit zawnga inbeih kan ching lutuk te hi a veiawmin a rilru natthlak hle a ni. Kristian ram kan nihna angin inthlannaa kan khingpui te kan beih dan te hi tun aia changkang zawk, zahawm zawk, awmze nei zawk lo ni tawh se tih hi MNF Legal Board te chuan kan duhtusam a ni.
Mizoramah hmeichhiate ram hruai turin an lo pen chhuak mek a, hei hi a hlu kan ti a.
Amaherawhchu, tuna kan inbeih ang hi chuan hmeichhiate tan politics hi thil tihbaiawmah kan chhuak mek niin a lang a. Tuna kan inbeih dan mawl mang tak tak hian hmeichhe fel, lehkhahtiam, talent nei tha leh zahawm tak tak te a titawmim zo ang tih a hlauhawm hle a ni.
Tun hnaia inthlan kan lo hmachhawn tawh zingah pawh Model Code of Conduct bawhchhiat avanga Election Commission of India thlenga inrawlh ngaia an awm thin hi a pawi hle a. Inthlanna felfai leh thianghlim tak kan neih theihna turin sorkar lai mek party worker-te hi hmahruaitu tur leh entawntlak ber ni turin Zoram mipuite hian kan phutin kan beisei hle a ni.
Ka hmeichhiatpuite chah duh ka neih chu AMC inthlan turah hian hmeichhe candidate tam tak an awm a, heng kan hmeichhiatpuite sawiselna, ram rawngbawlna kaihhnawih ni lovah a awm thin hi kan do tlan a, party tin te pawh kan tanrual a tulin ka hria a, kan hmeichhiatpuite thlavang hauhva theihtawp chhuaha kan do let ve hi India khua leh tui kan nihna mai bakah, Mizo kan nihna angin a tul em em a, chutiang tur chuan ka sawm cheu a ni.
PRESS STATEMENT of Zothansangi Hmar, Treasurer, MNF Legal Board
31. 3. 2026
“Inthlan apianga hmeichhe candidate-ten mawi lo tak taka social media-a beih an tawk thin hi MNF Legal Board chuan pawi a ti. Hmeichhiate hmusitnaah a ngai”
Ni 18 March, 2026 khan Mizoram State Election Commission chuan India Danpui leh Mizoram Municipalities Act, 2007 in mawhphurna a pek angin, April, 21 chu AMC inthlan hun tur atan a puang ta a, Danin a sawi anga hmeichhe seat eng emaw zat bakah general seat thlengin hmeichhe candidate kan nei ta nual mai a. Hei hi Mizo hmeichhiate hmasawnna nasa takah MNF chuan kan ngai a, heng hmeichhe candidate-te hi kan chhuangin kan duhsak takzet a ni. Hetiang hi a nih laiin kan hmeichhe candidate-te social media kal tlanga mawi lo tak taka beihna a lo chhuak thin hi a pawi kan ti a. Hmeichhiate dinhmun rahbehnaah kan ngai bawk a ni. A bikin tun hnaiah MNF ten AMC inthlanna lo awm tura Ward- IV-a kan candidate Nl. R. Lalnunthari (Nunui Rualheng) chuan mawi lo tak tak, hmeichhiat mipatna rawngkai leh hmeichhiate zahawmna tibawrhbang thei zawnga beihna a tawk nasa hle a. Hemi chungchang hi kan ngai thutak hle a. Hetiang hi a thleng leh a nih chuan a tul ang zelin MNF Legal Board chuan hma kan la ang. Kan candidte hmeichhiate hi engtiklai pawhin an thlavang hauh turin kan inpeih reng a ni.
Political Party tin te leh candidate zawng zawng ten an zawm tur Model Code of Conduct 2026 chu State Election Commission Mizoram in an rawn chhawpchhuak a. Tin, hetianga mimal nun phawrh sak zawnga campaign hi Model Code of Conduct 2026 Bung II (c)-na hian a khap tlat a ni. Model Code of Conduct-ah chuan heti hian a inziak: -
II (c) Khingpuite leh party hruaitute mi mal nun, mipui rawngbawlna lam nena inkaihhnawih ni si lo, insawi chhiatna.
Hetianga State Election Commission-in inkaihhruaina tha tak a siam chung pawhin mi thenkhatte chuan kan duhthawh luatah tun hnai lawkah social media lamah an khingpuite mimal nun leh an nihna dik lo takin, mipuite rilru hruaikawi tur zawngin, thlalak leh thu post an siam nasa hle a. Hei hi a pawi kan ti takzet a. Kum 2026-ah hetiang thil a la thleng hi a zahthlak kan ti a ni.
Tin, inthlan a nih avanga candidate hmeichhiate zahawmna leh mawina tibawrhbang zawnga thu leh thlalak thehdarh te hi India ram criminal law hnuaia pawikhawihna a ni a, court thubuai neih theihna leh thiam loh chan phei chuan lung in tan emaw pawisa chawi theihna a ni. Kan ramin changkan lam kan pan mek emaw kan tih laia inthlan apianga a hnufual zawng leh hnungtawlh zawnga kan inbei thin hi chu India rama literacy rate sanna state tih atan hian a mawilo takzet ni mai lovin tih loh tawp tur a ni.
Tin, hei mai bakah hian inthlana mimal lo chawrchhuahna chhungkua inhmuhsit sak zawng leh indiriam nana hman te, zirna kawnga an thlen chin nuihzat leh hmusit zawnga inbeih kan ching lutuk te hi a veiawmin a rilru natthlak hle a ni. Kristian ram kan nihna angin inthlannaa kan khingpui te kan beih dan te hi tun aia changkang zawk, zahawm zawk, awmze nei zawk lo ni tawh se tih hi MNF Legal Board te chuan kan duhtusam a ni.
Mizoramah hmeichhiate ram hruai turin an lo pen chhuak mek a, hei hi a hlu kan ti a.
Amaherawhchu, tuna kan inbeih ang hi chuan hmeichhiate tan politics hi thil tihbaiawmah kan chhuak mek niin a lang a. Tuna kan inbeih dan mawl mang tak tak hian hmeichhe fel, lehkhahtiam, talent nei tha leh zahawm tak tak te a titawmim zo ang tih a hlauhawm hle a ni.
Tun hnaia inthlan kan lo hmachhawn tawh zingah pawh Model Code of Conduct bawhchhiat avanga Election Commission of India thlenga inrawlh ngaia an awm thin hi a pawi hle a. Inthlanna felfai leh thianghlim tak kan neih theihna turin sorkar lai mek party worker-te hi hmahruaitu tur leh entawntlak ber ni turin Zoram mipuite hian kan phutin kan beisei hle a ni.
Ka hmeichhiatpuite chah duh ka neih chu AMC inthlan turah hian hmeichhe candidate tam tak an awm a, heng kan hmeichhiatpuite sawiselna, ram rawngbawlna kaihhnawih ni lovah a awm thin hi kan do tlan a, party tin te pawh kan tanrual a tulin ka hria a, kan hmeichhiatpuite thlavang hauhva theihtawp chhuaha kan do let ve hi India khua leh tui kan nihna mai bakah, Mizo kan nihna angin a tul em em a, chutiang tur chuan ka sawm cheu a ni.
Issued by
MNF Publicity Board
MNF General Headquarters, Aizawl Mizoram
"Nu mittuiin a fa nunna a chhan thei lo, i thisenin a chhan thei a sin,"
Thisen pe la, nun chhanhim rawh.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: