Indian Red Cross Society (Mizoram Branch)-in hmalakna tur relho

Aizawl | March 31, 2026: Indian Red Cross Society (Mizoram Branch) chu nimin khan an chairman thar, Health Secretary K Lalrinzuali. hovin, SAD Conference Hall, MINECO-ah an thukhawm a. Kum kal taa IRCS (Mizoram Branch) hmalaknate an thlirho bakah, kumin atana hmalak lehna turte an rel a ni.

IRCS (Mizoram Branch) Meeting hian kumin World Red Cross Day (08 May) puala Mizorama District-te huam tura hmalak dan turte an ngaihtuah hova. A theih ang anga Branch huang zauhna tur leh mipui vantlang tana hlawk zawka kal zel dan turte an rel a ni.

Indian Red Cross Society (Mizoram Branch) hi khawvel pum huap pawl pawimawh tak a ni a. Mizoram branch-ah hian Governor chu president niin, Sawrkar-a mi pawimawh tak takte chu pawl kut leh ke atana ruat thin an ni a. He pawl hian kawng chi hrang hranga mipui vantlang rawngbawl hna a thawh bakah, khawvel pum huap pawl a nih angin, khawvel hmun hrang hranga chhiatna thlen thulhah pawl tangkai tak, chhawmdawl hna thawk thintu a ni.