Aizawl | Feb 13, 2026: Mizoram Pradesh Congress Committee chuan vawiin khan.Political Session ah mithar voter 22 lawmluhna an nei a, he hunah hian MPCC President Lal Thanzara chuan thu sawi in, "Bible ah 'Lalpa ah chuan lawm rawh u, ka ti lehpek thin ang lawm rawh u.' tih kan hmu a, Congrese party hian Pathian chungah lawmna tur kan ngah hle mai. India ram lo hruai tawhtu mi tha tak tak Congress party min pe a, kan ramah pawh ram hruaitu tha tak tak leh mi dik tak tak Congress kaltlangin min pe a, Pathian hnenah lawmthu sawi kan ba hle a ni.
"Congress party a kan awm pawh hi lawmna tur a ni. Chanchintha hril dodaltute thlawp tlattu party MNF leh ZPM te ang kan ni lo hi a lawmawm em em a ni.
"Congress party in kan ramah ro a rel loh chuan kan ram a ngaihtuahawm thin. Term kalta MNF sawrkarah khan Chief Minister leh vaipa in Airport ah contract an thawk dun a ni awm a, chu Chief Minister chu an hruaitu a la ni reng a, kan ram hruaitu a nih leh chuan kan ram a ngaihtuahawm hle dawn a ni.
"Tuna sawrkar lai ZPM hian inthlan hma khan, 'party pahnih sawrkarna lo chang tawh ten kum 30 chhung khan engmah an lo ti lo' tih kha auhlaah an hmang a. Thalai tam takin an awih a, an vote dual mai a nih kha. Tuna kan thlen chin an hria, thalai tam takin kan enchhin sualin an hria a, 'kan vote tawh dawnlo' an ti a ni. He mi te hian kan ram an hruai zel anih chuan kan ngaihtuahawm hle dawn a ni.
"Airport hralhna a kan tel ve lo te hi lawmna tur a ni. Thalaite hawiher pawh a dang zel a, thalai chhuanawm tak tak ten Congress zirlai pawl NSUI tana thawk turin Congress an rawn zawm mek a ni. Kan party rawn zawm thar te kan lo lawm a che u" a ti.
MPCC Vice President leh Ex Minister John Rotluangliana pawhin thu sawi in, “Kum 2026 a rawn inher chhuak a, thu thar kan hriat hmasak chu ZPM MLA-in ZPM lo chuan CM Special package an dawng lovang tih a sawi a ni. A hnu lawkah an hotupa-in kan ti lo a rawn ti ve leh a, mu leh mal pawh an nei lo.
“Congress-in airport kan er chhuak a, MNF an rawn sorkar a, Kamrula te nen sum siam nan an rawn hmang a, Airport cute an rawn sawi a. Tunah ZPM pawhin sum siam nan bawk an rawn hmang a, a bul ram hralh chungchangah a ram neituten vbch 70 an chan laiin, mantang eituten vbch 117 an lo ei ve a, a zahthlak hle a ni. ZPM sorkar minister pakhat chuan CM nen chuan kan kut a fai a ti a, mi dang an kut a fai lo em ni tih hi kan zawhna a ni.
“Hemi chungchangah Congress chuan CBI ah FIR kan thehlut a, CM hian consent a pek ngei ngei a ngai a, a pe lo a nih chuan ‘dekhega’ kan ti a, kan en liam mai mai dawn lo a ni. Chiang taka kan hriat thawi danin kan CM zahawm tak hian a chan tur chu vbch 14 a ni a, vbch 10 a chang ta zawk a, ‘Rangkachakin min pe rawh u,’ a ti e an ti a, chu chu kum thara kan thu hriat hi a ni.
“MNF hi la sorkar ta se, hmanah khan an hralh tawh dawn a lo ni zawk a. Kolkata-a ram an hralh pawh kha pawi tih aia pawi zawk a lo ni tawh. Kan MNF leh ZPM unau te hi zawlbuka e tang ve ve an ni chiang mai. Lengpui ram hralh chungchangah hian anmahni zawk zel hian kan sawi tur an rawn siam a ni.
“Hetiang hi kan sorkar kal dan a ni a, Mizoram mipuiten Congress hi sorkar leh turin min beisei. Khawi lai hmunah pawh Congress hi a lo tha ber an ti tawh a, min fak hreh pawhin tha lo rau rau-ah Congress an tha ber min ti” a ti.
Students Self Support Union (SSU) President hlui Darhmingliana chuan, "Mizorama sorkar tawhte ngun takin ka thlir a, Congress nge nge hi Mizoram tan an lo tha ber niin ka hria a ni. Congress in kan ti ang an tih chu an ti ngei thin a, a theihloh an tih chu a theihloh a ni mai," a ti a.
"Congress party hi Mizorama party zinga puitling ber niin ka hria. In awpna felfai tak in nei a, in zinga lo telve hi ka chak thin a, ka lo lut a ni," tiin a sawi bawk.
He Political Session hi MPCC General Secretary K Vanlalrawna'n a kaihruai a ni.
MPCC/Media/PR-2026/12
Dated: Aizawl, February 13, 2026
PRESS RELEASE
Vawiin February 13, 2026 Zirtawpni hian Mizoram Pradesh Congress Committee chuan Political Session ah mithar voter 22 lawmluhna kan nei a, he hunah hian MPCC President Pu Lal Thanzara chuan thu sawi in, "Bible ah 'Lalpa ah chuan lawm rawh u, ka ti lehpek thin ang lawm rawh u.' tih kan hmu a, Congrese party hian Pathian chungah lawmna tur kan ngah hle mai. India ram lo hruai tawhtu mi tha tak tak Congress party min pe a, kan ramah pawh ram hruaitu tha tak tak leh mi dik tak tak Congress kaltlangin min pe a, Pathian hnenah lawmthu sawi kan ba hle a ni.
"Congress party a kan awm pawh hi lawmna tur a ni. Chanchintha hril dodaltute thlawp tlattu party MNF leh ZPM te ang kan ni lo hi a lawmawm em em a ni.
"Congress party in kan ramah ro a rel loh chuan kan ram a ngaihtuahawm thin. Term kalta MNF sawrkarah khan Chief Minister leh vaipa in Airport ah contract an thawk dun a ni awm a, chu Chief Minister chu an hruaitu a la ni reng a, kan ram hruaitu a nih leh chuan kan ram a ngaihtuahawm hle dawn a ni.
"Tuna sawrkar lai ZPM hian inthlan hma khan, 'party pahnih sawrkarna lo chang tawh ten kum 30 chhung khan engmah an lo ti lo' tih kha auhlaah an hmang a. Thalai tam takin an awih a, an vote dual mai a nih kha. Tuna kan thlen chin an hria, thalai tam takin kan enchhin sualin an hria a, 'kan vote tawh dawnlo' an ti a ni. He mi te hian kan ram an hruai zel anih chuan kan ngaihtuahawm hle dawn a ni.
"Airport hralhna a kan tel ve lo te hi lawmna tur a ni. Thalaite hawiher pawh a dang zel a, thalai chhuanawm tak tak ten Congress zirlai pawl NSUI tana thawk turin Congress an rawn zawm mek a ni. Kan party rawn zawm thar te kan lo lawm a che u" a ti.
Pu John Rotluangliana, Ex-Minister, Vice President, MPCC ni bawk pawhin thu sawi in, “Kum 2026 a rawn inher chhuak a, thu thara kan hriat hmasak chu ZPM MLA-in ZPM lo chuan CM Special package an dawng lovang tih a sawi a ni. A hnu lawkah an hotupa-in kan ti lo a rawn ti ve leh a, mu leh mal pawh an nei lo.
“Congress-in airport kan er chhuak a, MNF an rawn sorkar a, Kamrula te nen sum siam nan an rawn hmang a, Airport cute an rawn sawi a. Tunah ZPM pawhin sum siam nan bawk an rawn hmang a, a bul ram hralh chungchangah a ram neituten vbch 70 an chan laiin, mantang eituten vbch 117 an lo ei ve a, a zahthlak hle a ni. ZPM sorkar minister pakhat chuan CM nen chuan kan kut a fai a ti a, mi dang an kut a fai lo em ni tih hi kan zawhna a ni.
“Hemi chungchangah Congress chuan CBI ah FIR kan thehlut a, CM hian consent a pek ngei ngei a ngai a, pe lo a nih chuan ‘dekhega’ kan ti a, kan en liam mai mai dawn lo a ni. Chiang taka kan hriat thawi danin kan CM zahawm tak hian a chan tur chu vbch 14 a ni a, vbch 10 a chang ta zawk a, ‘Rangkachakin min pe rawh u,’ a ti e an ti a, chu chu kum thara kan thu hriat hi a ni.
“MNF hi la sorkar ta se, hmanah khan an hralh tawh dawn a lo ni zawk a. Kolkata-a ram an hralh pawh kha pawi tih aia pawi zawk a lo ni tawh. Kan MNF leh ZPM unau te hi zawlbuka e tang ve ve an ni chiang mai. Lengpui ram hralh chungchangah hian anmahni zawk zel hian kan sawi tur an rawn siam a ni.
“Hetiang hi kan sorkar kal dan a ni a, Mizoram mipuiten Congress hi sorkar leh turin min beisei. Khawi lai hmunah pawh Congress hi a lo tha ber an ti tawh a, min fak hreh pawhin tha lo rau rau-ah Congress an tha ber min ti” a ti.
He Political Session hi Pu K.Vanlalrawna, General Secretary, MPCC chuan a kaihruai a ni.
Sd/-
LALFELA
Media Department.
"Nu mittuiin a fa nunna a chhan thei lo, i thisenin a chhan thei a sin,"
Thisen pe la, nun chhanhim rawh.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: