"Lalduhoma hi PA to CM, IPS, MP te lo ni tawh a ni a, MLA-ah pawh vawi 5 thlan tlin tawh a ni. Heng aṭanga a sum lakluh hian in leh lo din ve thei tur chu a ni hrim hrim," - ZPM
Aizawl | February 13, 2026: Zoram Peoples Movement (ZPM) Part chuan vawiin khan thuchhuah siamin, Mizoram Pradesh Congress Committee in Dt. 6th February, 2026-a Political Session Congress Bhavan-a an neihah Zodintluanga chuan thu a sawi a, Pu Lalduhoma’n Chawlhhmuna a inhmunah in a sak mek thu sawiin; Pu Duha chu Mizoramin Chief Minister a neih tawh zinga corrupt berah a puh ta mai a. Hetiang thu innghahna nei lo hmanga kan Chief Minister duh tak mipui hmaa sawi bawrhban tumna hi ZPM chuan a ngai thu tak hle a, kan Politician senior-in ram rawng a bawlpui dawt ngialngan taka a puh hi pawi kan ti hle a ni, an ti.
.jpg)
"Lalduhoma hi PA to Chief Minister te, Indian Police Service (IPS) te, Lok Sabha ah Member of Parliement (MP) te lo ni tawh a ni a, MLA-ah pawh vawi 5 thlan tlin tawh a ni. Heng aṭanga a sum lakluh hian in leh lo din ve thei tur chu a ni hrim hrim a ni. Hei bakah hian a in sak nan hian Loan vawi 4 a la tawh bawk a, chu chu vawiin thleng hian thla tin hian a la rul ve reng bawk," an ti a.
Lalduhoma hi Politics-a a zuan luh aṭanga vawin thleng hian dawta puh a ni fo ṭhin a, kan ram Politician-te zingah hian amah tluka beihrawn tawk hi an la awm ngai lo. Rambuai laiin kawktu-ah a tang tih te, a Pa-in a tuithlar a, anchhia a lawh tih te, a nu ruang a kil ve pawh an phalsak lo tih te, sawn a thlak tih te, zu ngawl a vei tih te, UPC Biakin a chhuhsak tih te, a nula tawmpui lai JAC ten an man tih te leh tualthattu ni hiala puh te a lo tawng tawh ṭhin a.
Heng an puhchhiatna zawng zawngah hian Pu Duha chuan, “Pathianin phuba lak a phal lo, phuba chu keima lak tur a ni Pathianin a ti,” a ti mai ṭhin.
Duha hi MZP ten Mizoram Politician te zinga eirukna laka fihlim berah puangin, chawimawina an lo hlan tawh a, vawiin thleng hian hun rei lo te chhunga India rama state eiruk tlemna berah min thlenpuitu a la ni ta zel a. Ram a kaihhruaina kawnga a tha tichak tur leh a ṭul anga a thlavang hauh turin kan thlawp tlat zel dawn a. Tin, amah leh a kaihhruai sawrkar hi eirukna lakah an fihlim a ni tih Zoram mipui hriatah kan puang duh bawk a ni.
PRESS RELEASE
(ZPM General Headquarters, Aizawl)
SENIOR POLITICIAN-IN RAM RAWNG A BAWLPUI DAWT NGIALNGAN TAKA A PUH HI PAWI KAN TI
Dated Aizawl, 13th February, 2026; Mizoram Pradesh Congress Committee in Dt. 6th February, 2026-a Political Session Congress Bhavan-a an neihah Pu Zodintluanga chuan thu a sawi a, Pu Lalduhoma’n Chawlhhmuna a inhmunah in a sak mek thu sawiin; Pu Duha chu Mizoramin Chief Minister a neih tawh zinga corrupt berah a puh ta mai a. Hetiang thu innghahna nei lo hmanga kan Chief Minister duh tak mipui hmaa sawi bawrhban tumna hi ZPM chuan a ngai thu tak hle a, kan Politician senior-in ram rawng a bawlpui dawt ngialngan taka a puh hi pawi kan ti hle a ni.
Pu Lalduhoma hi PA to Chief Minister te, Indian Police Service (IPS) te, Lok Sabha ah Member of Parliement (MP) te lo ni tawh a ni a, MLA-ah pawh vawi 5 thlan tlin tawh a ni. Heng aṭanga a sum lakluh hian in leh lo din ve thei tur chu a ni hrim hrim a ni. Hei bakah hian a in sak nan hian Loan vawi 4 a la tawh bawk a, chu chu vawiin thleng hian thla tin hian a la rul ve reng bawk.
Pu Lalduhoma hi Politics-a a zuan luh aṭanga vawin thleng hian dawta puh a ni fo ṭhin a, kan ram Politician-te zingah hian amah tluka beihrawn tawk hi an la awm ngai lo. Rambuai laiin kawktu-ah a tang tih te, a Pa-in a tuithlar a, anchhia a lawh tih te, a nu ruang a kil ve pawh an phalsak lo tih te, sawn a thlak tih te, zu ngawl a vei tih te, UPC Biakin a chhuhsak tih te, a nula tawmpui lai JAC ten an man tih te leh tualthattu ni hiala puh te a lo tawng tawh ṭhin a.
Heng an puhchhiatna zawng zawngah hian Pu Duha chuan, “Pathianin phuba lak a phal lo, phuba chu keima lak tur a ni Pathianin a ti,” a ti mai ṭhin.
Pu Duha hi MZP ten Mizoram Politician te zinga eirukna laka fihlim berah puangin, chawimawina an lo hlan tawh a, vawiin thleng hian hun rei lo te chhunga India rama state eiruk tlemna berah min thlenpuitu a la ni ta zel a. Ram a kaihhruaina kawnga a tha tichak tur leh a ṭul anga a thlavang hauh turin kan thlawp tlat zel dawn a. Tin, amah leh a kaihhruai sawrkar hi eirukna lakah an fihlim a ni tih Zoram mipui hriatah kan puang duh bawk a ni.
Sd/-
(K.J. LALBIAKNGHETA)
General Secretary
Media & Publicity Department
ZPM General Headquarters, Aizawl
PR No. ZPM-02/02A/2026/14
Dated 13th February, 2026
"Nu mittuiin a fa nunna a chhan thei lo, i thisenin a chhan thei a sin,"
Thisen pe la, nun chhanhim rawh.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: