". . . CM tura hriak thihtu khan a lal laiin CM tur dang hriak thihin a kalsan mek . . ." ~ C Ngunlianchunga

Aizawl | Feb 14, 2026: Congress Bhawan, Champhaiah nimin khan kum 2026 atana inhlan tharna leh Mithar lawmluhna inkhawm an nei a, he hun hi MPCC Vice President C. Ngunlianchunga'n hmanpuiin Congress Party zawm thar mi 39 a lawmlut a, Vapar khaw chunga Tuikhuah khuah tur Chief Minister Pu Lalduhoma'n a sawi pawh a hmunah tlawh nghal a ni bawk.

He hunah hian C Ngunlianchunga, MLA, Vice President MPCC chuan, Mizoram hmun hrang hrangah Congress party zawmtu nasa takin an pung a, Congress party a sorkar lehna turin chhim lam atangin thli a tleh thin. Tunah chuan MDC pakhat atangin mi 8 kan nei leh tawh a, Lawngtlai District ah phei chuan MLA bial hnih lak ngei beisei a ni tawh. Chhim lamah chauh ni lo, Mizoramah Congress thli a tleh a, Champhaiah mi 39 in Congress party an zawm a, Aizawlah pawh enchhin chak thalai rualin Congress an zawm thar nasa hle a ni, a ti.

Pu C. Ngunlianchunga chuan, ZPM hna ber chu insawifiah a ni. Lengpui ram hralh chungchangah danpal zut vangin danglam bik tura in zuar an lo danglam loh vangin ZPM leh MNF an in kawk mek, tih sawiin, Pu Lalduhoma hi Mizoram Chief Minister tura hriak thih nimahse Mizoram hruaitu lu ber Chief Minister tur dang hriak thih an awm tawh a, Pu Lalduhoma hriak thihtu hian Lal Saula Israel lal a nih laia midang hriak a thiha a kalsan zui angin a kalsan mek a ni, a ti bawk.

Pu Zodintluanga Adviser MPCC chuan, Lawngtlaiah MDC inthlan apiangin state-a sorkar lai nasa takin an solid ziah thin. Mahse tun ZPM sorkarah chuan Solid chu sawi loh Party lian pathum zinga MDC nei tlem ber,  tih sawiin Tuna ZPM MLA zingah tling nawn tur an vang. Sawhthing vanga Vote tlingtute pawhin ZPM sorkar aiin Vai hnenah rinna an nghat tawh zawk, a ti. 

Pu Zodintluanga chuan, Kum 2021-a Serchhip bye electionah khan tuna kan Chief Minister hian, kei hi pawisa engmah ka nei lo. Bye-election hi ka tan a huphurhawm lutuk, General Election-a ka leiba pawh ka la rul zo lo. tiin a sawi a. Khatiang khawpa pawisa nei loa in sawi khan Chief Minister atana lakluh a nih hma hauhin a chenna tur Babel in sang sakna turin tlang a rawt nghal thei a ni, a ti.

ZPM party in Pu Lalduhoma hi midangin an bei nasa niin an in ngai fo, Pu Lalduhoma tluka midang bei nasa, mi zawng zawng beitu hi an awm lo. Pu Zoramthanga phei chu Not Normal a ti duh a, Pu Lal Thanhawla pawh Central Jail-ah chaw a chhum kep mek, ti duhtu a ni. Khatianga midang ti thintu khan amah mipuiin an vuak letna tuar thiam lovin a in hrosa mai mai. 

Pu Zodintluanga chuan, Lengpui ram hralh chungchangah file pangngaia a kal chuan MNF sorkar hotute kha manṭang eitu tur an ni. Chief Minister in, E khai, hei hi a ṭha hauh lo mai, tiin, Kept in Obeyance tiin MNF sorkar laia file kal, manṭang eitute pawh an tih fel vek kha tihtawp a ni a. ZPM sorkar tharah inbiakna kalpui ṭhat leh niin an duh ang tawka an indawr hnuah, manṭang eitu thar LIST ti felin a chak thei ang berin file an kal tir leh tihna a ni. 

Indian airforce te hian Airport bul ram hi an lei loh an hlau lutuk a, chuvangin Lengpui Airport pawh Indian Air Force te an lo zawrh a, chuta ṭanga sum an hmuh tam theih tur zia uar takin an sawi ṭhin, a ti bawk.

Dr. Lallianchhunga, Spokesperson MPCC chuan, BJP sorkar hian ni 100 inhlawhna hi tuna aia ṭha zawka an siam duh a nih chuan India Hnam Pa, Mahatma Gandhi hming tibo kher lo leh Hindu pathian hming zep tel kher loin an siam ṭha thei. Tuna an chet dan hi chu tharum thawhna dodala, inngeih leh inrem taka India mite nunho duhtu Mahatma Gandhi thah nawn lehna a ni, a ti.

Dr. Lallianchhunga chuan, Mithiamte’n Mizoram chhunga Ni 100 inhlawhna an zir chianna atangin MGNREGA hian thingtlang mipuite ei leh bar dinhmun a chawikang a, Kohhran thawhlawm a pun phah a, an fate sikul fee a tum a, electric bill a tum a, thingtlang khuaa hmasawnna ruhrel 47.2% lai hi MGNREGA aṭanga siam a ni; chhungkaw tam takin  MGNREGA hi innghah nan an hmang a, a scheme hi tawp ta thut se, Mizorama chhung thingtlang khuaa cheng chhungkaw 62.31% laiin harsatna an tawk tura ngaih a ni, an ti.

G RAM G an tiha Ni 125 Inhlawh theihna tur an sawi hi Mizoram sorkarin 10% State Matching Share a tum ve theih loh chuan tihpuitlin theih a ni dawn lo, tih sawiin Dr. Lallianchhunga chuan, Ni 100 inhlawhna hi ZPM sorkar hnu kum 2024-25 & 2025-26 ah te Ministry of Rural Development in Ni 100 tling inhlawhna a rawn pe tawh lo va. 10% State Matching Share pek an huphurh avangin ZPM sorkar hnuah CSS engemaw zat a tawp tawh nghe nghe a, CSS hnuaia thawk Mizo ṭhalai engemaw zatin hna an chân tawh a ni. 

Kristian te tana runthlak ber chu G RAM G hnuaia inhlawhnaah an tel ve duh chuan emaw, mipui hriat tur Tlang Au-naah Hindu pathian hming an lam tel zel a ngai tawh dawn a ni.

He hunah hian Dr. Lallianchhunga chuan, Champhai khawchhung leh a chhehvel kawng chhe lutuk chu enkawltu sorkar leh MLA nei lo ang mai a ni. Champhai College-a zirtirtu (Lecturer) thenkhat an hna atanga ban tura hmalak pawh Champhai leh khawchhak mipui ten Champhaia Mizoram State University (MSU) Eastern Campus dah tura sorkar an ngen palzutna dik takah ngaih theih a ni, a ti bawk.

He hun hi Pu Rosangzuala, Champhai South Block President in a kaihruai a ni.

MPCC/Media/PR-2026/13

Dated: Aizawl, February 14, 2026

PRESS RELEASE

"....Chief Minister tura hriak thihtu khan a lal laiin Chief Minister tur dang hriak thihin a kalsan mek..." 

-Pu C. Ngunlianchunga. Vice President, MPCC. 

Ni 13.2.2026 (Zirtawpni) khan kum 2026 atana inhlan tharna leh Mithar lawmluhna inkhawm, Congress Bhawan, Champhaiah neih a ni a, he hun hi MPCC Vice President Pu C. Ngunlianchunga'n hmanpuiin Congress Party zawm thar mi 39 a lawmlut a, Vapar khaw chunga Tuikhuah khuah tur Chief Minister Pu Lalduhoma'n a sawi pawh a hmunah tlawh nghal a ni bawk. 

He hunah hian Pu C. Ngunlianchunga, MLA, Vice President MPCC chuan, Mizoram hmun hrang hrangah Congress party zawmtu nasa takin an pung a, Congress party a sorkar lehna turin chhim lam atangin thli a tleh thin. Tunah chuan MDC pakhat atangin mi 8 kan nei leh tawh a, Lawngtlai District ah phei chuan MLA bial hnih lak ngei beisei a ni tawh. Chhim lamah chauh ni lo, Mizoramah Congress thli a tleh a, Champhaiah mi 39 in Congress party an zawm a, Aizawlah pawh enchhin chak thalai rualin Congress an zawm thar nasa hle a ni, a ti.

Pu C. Ngunlianchunga chuan, ZPM hna ber chu insawifiah a ni. Lengpui ram hralh chungchangah danpal zut vangin danglam bik tura in zuar an lo danglam loh vangin ZPM leh MNF an in kawk mek, tih sawiin, Pu Lalduhoma hi Mizoram Chief Minister tura hriak thih nimahse Mizoram hruaitu lu ber Chief Minister tur dang hriak thih an awm tawh a, Pu Lalduhoma hriak thihtu hian Lal Saula Israel lal a nih laia midang hriak a thiha a kalsan zui angin a kalsan mek a ni, a ti bawk.

Pu Zodintluanga Adviser MPCC chuan, Lawngtlaiah MDC inthlan apiangin state-a sorkar lai nasa takin an solid ziah thin. Mahse tun ZPM sorkarah chuan Solid chu sawi loh Party lian pathum zinga MDC nei tlem ber,  tih sawiin Tuna ZPM MLA zingah tling nawn tur an vang. Sawhthing vanga Vote tlingtute pawhin ZPM sorkar aiin Vai hnenah rinna an nghat tawh zawk, a ti. 

Pu Zodintluanga chuan, Kum 2021-a Serchhip bye electionah khan tuna kan Chief Minister hian, kei hi pawisa engmah ka nei lo. Bye-election hi ka tan a huphurhawm lutuk, General Election-a ka leiba pawh ka la rul zo lo. tiin a sawi a. Khatiang khawpa pawisa nei loa in sawi khan Chief Minister atana lakluh a nih hma hauhin a chenna tur Babel in sang sakna turin tlang a rawt nghal thei a ni, a ti.

ZPM party in Pu Lalduhoma hi midangin an bei nasa niin an in ngai fo, Pu Lalduhoma tluka midang bei nasa, mi zawng zawng beitu hi an awm lo. Pu Zoramthanga phei chu Not Normal a ti duh a, Pu Lal Thanhawla pawh Central Jail-ah chaw a chhum kep mek, ti duhtu a ni. Khatianga midang ti thintu khan amah mipuiin an vuak letna tuar thiam lovin a in hrosa mai mai. 

Pu Zodintluanga chuan, Lengpui ram hralh chungchangah file pangngaia a kal chuan MNF sorkar hotute kha manṭang eitu tur an ni. Chief Minister in, E khai, hei hi a ṭha hauh lo mai, tiin, Kept in Obeyance tiin MNF sorkar laia file kal, manṭang eitute pawh an tih fel vek kha tihtawp a ni a. ZPM sorkar tharah inbiakna kalpui ṭhat leh niin an duh ang tawka an indawr hnuah, manṭang eitu thar LIST ti felin a chak thei ang berin file an kal tir leh tihna a ni. 

Indian airforce te hian Airport bul ram hi an lei loh an hlau lutuk a, chuvangin Lengpui Airport pawh Indian Air Force te an lo zawrh a, chuta ṭanga sum an hmuh tam theih tur zia uar takin an sawi ṭhin, a ti bawk.

Dr. Lallianchhunga, Spokesperson MPCC chuan, BJP sorkar hian ni 100 inhlawhna hi tuna aia ṭha zawka an siam duh a nih chuan India Hnam Pa, Mahatma Gandhi hming tibo kher lo leh Hindu pathian hming zep tel kher loin an siam ṭha thei. Tuna an chet dan hi chu tharum thawhna dodala, inngeih leh inrem taka India mite nunho duhtu Mahatma Gandhi thah nawn lehna a ni, a ti.

Dr. Lallianchhunga chuan, Mithiamte’n Mizoram chhunga Ni 100 inhlawhna an zir chianna atangin MGNREGA hian thingtlang mipuite ei leh bar dinhmun a chawikang a, Kohhran thawhlawm a pun phah a, an fate sikul fee a tum a, electric bill a tum a, thingtlang khuaa hmasawnna ruhrel 47.2% lai hi MGNREGA aṭanga siam a ni; chhungkaw tam takin  MGNREGA hi innghah nan an hmang a, a scheme hi tawp ta thut se, Mizorama chhung thingtlang khuaa cheng chhungkaw 62.31% laiin harsatna an tawk tura ngaih a ni, an ti.

G RAM G an tiha Ni 125 Inhlawh theihna tur an sawi hi Mizoram sorkarin 10% State Matching Share a tum ve theih loh chuan tihpuitlin theih a ni dawn lo, tih sawiin Dr. Lallianchhunga chuan, Ni 100 inhlawhna hi ZPM sorkar hnu kum 2024-25 & 2025-26 ah te Ministry of Rural Development in Ni 100 tling inhlawhna a rawn pe tawh lo va. 10% State Matching Share pek an huphurh avangin ZPM sorkar hnuah CSS engemaw zat a tawp tawh nghe nghe a, CSS hnuaia thawk Mizo ṭhalai engemaw zatin hna an chân tawh a ni. 

Kristian te tana runthlak ber chu G RAM G hnuaia inhlawhnaah an tel ve duh chuan emaw, mipui hriat tur Tlang Au-naah Hindu pathian hming an lam tel zel a ngai tawh dawn a ni.

He hunah hian Dr. Lallianchhunga chuan, Champhai khawchhung leh a chhehvel kawng chhe lutuk chu enkawltu sorkar leh MLA nei lo ang mai a ni. Champhai College-a zirtirtu (Lecturer) thenkhat an hna atanga ban tura hmalak pawh Champhai leh khawchhak mipui ten Champhaia Mizoram State University (MSU) Eastern Campus dah tura sorkar an ngen palzutna dik takah ngaih theih a ni, a ti bawk.

He hun hi Pu Rosangzuala, Champhai South Block President in a kaihruai a ni.

Sd/-

(PETER VANLALROPUIA)

Media Department.