Aizawl | Feb 5, 2026: Mizoram State University Demand Committee Lunglei (MSUDCL) chuan, Assembly Session lo awm turah State University Bill thar pawm turin Sorkar an ngen nawn a. A hlawhtlinna hmel, a taka hmuh a nih hma chuan State University chungchang hi a tawp thleng in a vil chhunzawm zel an tum a ni.
Lungleia pawl hrang hrang panga - MZP, MSU, Lunglei Thalai Pawl, MJA leh Chhiambial Chhantu te intelkhawmna, Mizoram State University Demand Committee Lunglei (MSUDCL) chu vawiin khan Lunglei MJA Committee Room-ah an thukhawm a, Lungleia State University dah a nih ngei theih nan a hmalak chhunzawm zel dan tur an rel.
Thutkhawm hi Demand Committee Chairman Johan Lalhmangaihzuala Ralte-in a kaihruai a, State University Lungleia a awm theih nan Kohhran hrang hrangte tawngtaipui tura sawm bakah Press Conference ko a, an hmalak tawhna leh hmalak zel an tum dante puan chhuah an rel a. A rang thei ang berin chhim lam MLA te hnenah State University chungchang a chak zawk a hmalak pui tura ngenna siam ni se an ti bawk.
Mizoram State University Demand Committee Lunglei chuan, nikum November ni 20-a Lunglei High Powered Committee Conference Hall-a Chief Minister Lalduhoma’n Mizoram State University Lungleiah din a nih tur thu leh Aizawl lama dah tura dan an lo siam tawh tih danglam a nih tur thu a lo puan tawh angin, Mizoram Sorkar chu Assembly Session hmasa berah State University Bill thar pu lut a, pawm turin an ngen nawn leh tih an sawi a. A taka a hlawhtlinna hmel an hmuh hma chuan State University chungchang hi a tawp thlenga an vil chhunzawm zel tur thu an sawi bawk.
STATE UNIVERSITY DEMAND COMMITTEE LUNGLEI
PRESS RELEASE
PR No. 3 of 2026 Lunglei the 05th February, 2026Mizoram State University Demand Committee Lunglei chuanVawin Ni 05th February 2026 khan MJA Committee Room ahthut khawm na neiin Mizoram State University Lunglei a dah anih ngei theih nan a hmalak chhunzawm zel dan tur an rel.
He hun hi Pu Johan Lalhmangaihzuala Ralte chuan kaihruaiin Demand committee chuan Kohhran hrang hrangtetawngtaipui tura sawm bakah State University chungchang a Press Conference neih ngei nise tha ti tlangin a rang thei ang ber a chhim lam MLA te pawh State University chungchang a chak zawk a hmalak pui tura ngenna siam tum a ni.
Dt 20th November, 2025-a HPC Conference Hall-a Chief Minister Pu Lalduhoma’n Mizoram State University Lungleiah din a nih tur thu leh Aizawl lama dah tura dan an lo siam tawh tih danglam a nih tur thu a sawi chu Demand Committee chuan Assembly Session hmasa berah State University Bill thar pu lut a, pawm turin Mizoram Sorkar kan ngen nawn leh a. A hlawhtlinna hmel, a taka hmuh a nih hma chuan State University chungchang hi a tawp thleng in a vil chhunzawmzel dawn a ni.
Issued by- State University Demand Committee Lunglei (MZP, MSU, LTP, MJA, Chhiambial Chhantu)
"Nu mittuiin a fa nunna a chhan thei lo, i thisenin a chhan thei a sin,"
Thisen pe la, nun chhanhim rawh.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: