Kum 25 hnua neih leh hmasak ber turin ECI-in State Election Commissioners National Conference buatsaih dawn

Aizawl | Feb 5, 2026: Election Commission of India (ECI) chuan February 24, 2026 khian National Conference of the State Election Commissioners (SECs) a buatsaih dawn. States leh Union Territories tin State Election Commissioners te chu Bharat Mandapam, New Delhi a neih tur he Conference-ah hian tel vek tura beisei an ni.

He National SEC Conference hi kum 25 hnua neih leh hmasak ber tur a ni a. Hetiang conference neih hnuhnung ber chu kum 1999-ah khan a ni.

Chief Election Commissioner (CEC) Pu Gyanesh Kumar chuan Conference hi a kaihruai anga, Election Commissioner pahnih Dr. Sukbhir Singh Sandhu leh Dr Vivek Joshi te pawn State Election Commissioners-te lawman thu an sawi bawk ang.

State Election Commissioners te hi an legal expert leh technical experts ten tawiawmin an ngaihdan te an sawi ang. States leh Union Territories tina Chief Electoral Officers te pawh he National Conference-ah hian an tel ang.

He Conference tum ber chu inthlanna buatsaih leh a kaihhnawih kawnga ECI leh SEC ten thawhhona tha an neih theih nan a ni.

He huna telte hian States / UTs tina inthlan kaihhnawih dan (laws) te, tunlai thiamna a bikin ECI in an siam thar ECINET hman tangkai dan tur leh EVMs chungchang te an sawiho ang.

ECI hian India Danpui (Constitution) anga Electoral Rolls leh inthlan buatsaih kawnga a lo tawnhriat tawhte a tarlang bawk ang.

State Election Commissions te hi 73rd leh 74th Constitutional Amendment in thuneihna a pek anga State tin ten dan hmanga an siam a ni. SEC-te hi Panchayat leh Municipal Bodies inthlanna zawng zawng atana electoral roll buatsaih leh inthlanna kalpui te hi an hna ber a ni.