Aizawl | Feb 5, 2026: Election Commission of India chuan Feb 5, 2026 hian state hrang hrang Assam, Kerela, Puchucherry, Tamil Nadu leh West Bengal a Legislative Assembly inthlanpui neih tura Central Observer atana ruat General, Police leh Expenditure Observer-te briefing meeting a neihpui.
Mizoram atang pawhin Central Observer hi ruat niin Shankar Choudhary, IPS chuan batch khatnaah February 5, 2026 hian briefing-ah a tel tawh a, February 6, 2026 hian batch thumnaah briefing neih leh niin, DP&AR leh H&TE Commissioner & Secretary K Lalthawmmawia IAS, Art & Culture leh PHE Secretary Zodingpuii IAS,
Agriculture & Farmers’ Welfare Secretary Ramdinliani IAS leh Home leh LR&S Secretary Vanlalmawia IAS te an tel ang.
He briefing meeting-ah hian officer 1444, General Observer 714, Police Observer 233 leh Expenditure Observer 497 te chu tel tura hriattir an ni.
Chief Election Commissioner Gyanesh Kumar bakah Election Commissioner pahnih Dr. Sukhbir Singh Sandhu leh Dr Vivek Joshi te chuan Central Observer te chu inthlanna dik, felfai leh langtlang a awm theih nan tan la turin an fuih a. Election Commission of India thupek hrang hrang te chu tha taka ken kawh a nih theih nan mawhphurhna an nei a ni tih an hriattir bawk. Hemi bakah hian voter ten vote thlak niah harsatna an tawh loh nan Voter Information Slip(VIS) chu hma taka pe chhuak turin a hriattir bawk.
Observer-te chu Election Commission of India-in IT application a siam hrang hrangte hman dan zirtir an ni a, media chungchanga an hriat awm te pawh hrilh hriat an ni bawk. Tin, political party te nen inpawh taka awm tur leh an harsatna te a hun taka chinfel a nih theih nan tan la turin hriattir an ni bawk.
Central Observer te hi batch thumah then niin February 5, 2026 hian Batch hnih tan briefing neih a ni a, February 6, 2026 hian Batch thumna te tan briefing hi neih leh a ni ang.
"Nu mittuiin a fa nunna a chhan thei lo, i thisenin a chhan thei a sin,"
Thisen pe la, nun chhanhim rawh.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: