Aizawl | Feb 19, 2026: Music Domain Mizoram (MDM)-in AI hmanga hla tihdanglam thin an duh lo - Social Media-ah tidarh tawh lo tur leh paihbo vek turin mipui an ngen a. Zai tura sawm tura inbiak tawh, MDM member Zaithiamte thiam loh ni lova thulh leh a nih chuan, an zai hlawh tur zat atanga 30% pek an phut bawk.
.jpg)
MDM chuan, "MDM Member zai tura sawmte, a sawmtu lam nen an inbiakfel vek hnua a sawmtu lam zawkin eng vang pawha (MDM Member thiamloh ni lo a) a cancel leh si a nih chuan MDM member zai hlawh pek tura inbiakfelna zat atanga 30% hi a sawmtu lam hian MDM Member hnenah a pe ngei tur a ni. Hemi chungchangah hian MDM chuan theihtawpin a member te thlavang a hauh dawn bawk a ni," tiin vawiin khan thuchhuah siamin an sawi.
MDM chuan vawiin khan thuchhuah siamin, "mi thenkhatte’n AI hmangin hlaphuahtu leh zaithiam te kutchhuak original chu tibawrhbang leh tidanglamin English leh Hindi version te a siamin Music / Voice / Video pawh AI hmangin an siam thin a. Hei hi copyright inbawhchhiat sakna (copyright infringement) a ni a, Indian Copyright Act, 1957 in a phal loh leh Dan hnuaiah pawh inhrem theihna a ni," an ti a.
"hetianga Music Domain Mizoram (MDM) member te kutchhuak original hlu tak AI hmanga engtizawng pawha lo tih danglam thin hi ti tawhlo hram turin leh hetiang lo siam tawh zawng zawng te pawhin Social Media platform ah tidarh tawhlo turin leh paih (delete) vek turin Music Domain Mizoram chuan kan ngen takzet che u a ni," an ti bawk.
MUSIC DOMAIN MIZORAM
Lalthuama & Sons Building, Chanmari
IDBI Bank Hnuai, Aizawl Mizoram. 796001
Regd: MSR 376 OF 25.05.2011
www.musicdomainmizoram.com Dated Aizawl the 19th February 2026
PRESS RELEASE
Khawvel changkang zelin a ken tel Artificial Intelligence (AI) tangkai taka hman a nih mek laiin mi thenkhatte’n AI hmangin hlaphuahtu leh zaithiam te kutchhuak original chu tibawrhbang leh tidanglamin English leh Hindi version te a siamin Music / Voice / Video pawh AI hmangin an siam thin a. Hei hi copyright inbawhchhiat sakna (copyright infringement) a ni a, Indian Copyright Act, 1957 in a phal loh leh Dan hnuaiah pawh inhrem theihna a ni.
Chuvangin, hetianga Music Domain Mizoram (MDM) member te kutchhuak original hlu tak AI hmanga engtizawng pawha lo tih danglam thin hi ti tawhlo hram turin leh hetiang lo siam tawh zawng zawng te pawhin Social Media platform ah tidarh tawhlo turin leh paih (delete) vek turin Music Domain Mizoram chuan kan ngen takzet che u a ni e.
Tin, MDM Member zai tura sawmte, a sawmtu lam nen an inbiakfel vek hnua a sawmtu lam zawkin eng vang pawha (MDM Member thiamloh nilo a) a cancel leh si a nih chuan MDM member zai hlawh pek tura inbiakfelna zat atanga 30% hi a sawmtu lam hian MDM Member hnenah a pe ngei tur a ni. Hemi chungchangah hian MDM chuan theihtawpin a member te thlavang a hauh dawn bawk a ni.
(LALSAWMZUALA)
President
(DANNY VANCHHONG)
General Secretary
Music Domain Mizoram General Headquarter, Aizawl
"Nu mittuiin a fa nunna a chhan thei lo, i thisenin a chhan thei a sin,"
Thisen pe la, nun chhanhim rawh.
| EXPLORE MIZORAM |
• Mizoram's Most Trusted Website | Mizoram's Online Encyclopedia •
[ For Ads - Contact +919402125273 ]
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: