Commerce and Industries Deptt leh Tourism Deptt-in UNNATI an sawifiah!

Aizawl | Feb 19, 2026: Mizoram sorkar hnuaia Commerce and Industries deptt leh Tourism deptt chuan vawiin khan thuchhuah siamin, Uttar Poorva Transformative Industrialization Scheme (UNNATI- 2024 ) UNNATI chungchang an sawifiah a, C&I chuan, "UNNATI hi North East States tan bika duan a ni a. He schemes huaiah hian Manufacturing leh Service Sector Units ten an sensote an hmu (claim) let thei a ni," an ti a.

Tourism chuan, "Unnati Scheme hi North East State te Industry Sector-a hma an sawn theihna tura Back ended subsidy 50% thlenga claim theihna tura duan a ni a. He Scheme hian Tourism Sector- Hotel, Homestay, Picnic Spot leh Resort etc. te pawh a huam a ni.

Unnati Scheme hnuaia incentive hmuh theihnate chu – Capital Investment Incentive (CII), Capital Interest Subvention (CIS) leh Manufacturing & Service Link Industry (MSLI) te an ni," an ti bawk.

An sawifiahna kimchang:

COMMERCE & INDUSTRIES DEPARTMENT

Press Note

UNNATI SCHEME CHUNGCHANGA MIPUITE HRIATTUR

Aizawl the 19th February, 2026

Department of Commerce, Industries, Geology & Mining, Government of Mizoram chuan mipuiten Uttar Poorva Transformative Industrialization Scheme (UNNATI) 2024, chungchang an lo hriat chian zawk theih nan a sawifiahna a hnuaia mi ang hian a siam a ni.

UNNATI hi North East States tan bika duan a ni a. He schemes huaiah hian Manufacturing leh Service Sector Units ten an sensote an hmu (claim) let thei a ni.

Financial Outlay Rs. 10,037 Crore a awm a, Mizoram tan bik Rs. 453 Crore dah a ni. Registration hi 9 th March, 2024 atanga 31st March, 2026 chhung hawn phawt a ni.

He schemes hnuaiah hian Manufacturing leh Service Sector Units ten Portal kaltlangin District Industries Centre (DIC) ah an in-register ang a. DIC Office lamin an lo endik hnuah Director of Commerce & Industries ah an recommend a. Commissioner & Secretary, Commerce & Industries Department kaihhruaina hnuaiah Secretary Level Committee (SLC) in an endik leh a. Secretary Level Committee (SLC) in a pawmte chu Department for Promotion of Industries and Internal Trade (DPIIT), Ministry of Commerce & Industries-ah a recommend thin. Ministry level-ah hian DPIIT Level Committee an thu leh ang a, chu committee in a pawm (approved) te chu Registration Certificate pek thin an ni.

Manufacturing / Service Sector Unit ten an sumdawnna an tan a, an operate hnu (DCCO- Date of Commencement of Commercial Operation) ah an senso te chu Registration an tih fel ni atanga kum 4 chhungin an claim thei a ni.

He schemes hnuaiah hian component pathum a awm a:

i) Capital Investment Incentive – Hemi hnuaiah hian capital expenditure zawng zawng atangin 50% claim let theih a ni.

ii) Capital Interest Subvention – Hemi hnuaiah hian project develop nana Bank Loan Interest chawi zawng zawng atanga 5%, kum tin kum 7 chhung claim let theih a ni.

iii) Manufacturing and Service Linked Incentive – Hemi hnuaiah hian Business tan hnu a Net GST pek kha kum 10 chhung 100% a hmuh let theih a ni.

He schemes hnuaia in-register turte chuan a hnuai a ami ang hian minimum investment an ti tur a ni:

i) Manufacturing sector: Rs. 1.00 Crore (Medium and Small Unit),

Rs. 50.00 lakhs (Micro Unit)

ii) Service Sector: Rs. 50.00 lakhs

Maximum investment ah hian limit a awm lo thung.

Registration tihna atana documents ngai te:

1. Detailed Project Report (DPR)

2. Registered Land Documents

3. Bank/Financial Institution aṭangin Appraisal Report

4. Chartered Accountant atangin Business neitu nihna Certificate

5. PAN Card copy

6. GSTIN certificate copy

7. Udyam Registration

8. Concerned Department atanga lehkha ngai te (Eg;Fire & Emergency Services atanga NOC, Mizoram Pollution Control Board atanga Consent to Establish leh Consent to Operate, Hospitality & Tourism tan bik Tourism Department consent letter)

UNNATI in Industrial Unit a huam te:

Manufacturing sector chuan a hnuaia mite tih loh chu a huam vek a ni.

1) Tobacco,

2) Pan Masala

3) Cement

4) Arms & Ammunition

5) Plastic carry bags 20 microns aia tlem

6) Plantation, Refineries leh Power Generating Units (fossil-fuel based hmang te).

7) Senso tlem tham chi - cleaning, packing, repacking leh re-labelling,

sorting te.

Service sector-a a huam te:

1) Hotels and Hospitality (Hotel, Resort, Guest House)

2) Tourism (Homestay, Adventure & Film Tourism, Meetings Incentives Conferences & Exhibitions (MICE))

3) Ropeways, Entertainment Parks leh Rides

4) Healthcare (Secondary & Tertiary Healthcare Services)

5) EV charging Stations

6) IT/ ITES Services (Only Data Centres)

A hnuaia UNNATI Scheme Portal-ah hian en chian theih reng a ni.

https://unnati.dpiit.gov.in/

Issued by Department of Commerce, Industries, Geology & Mining;

Government of Mizoram

TOURISM DEPARTMENT

GOVERNMENT OF MIZORAM AIZAWL: MIZORAM

TOURISM DEPARTMENT HNUAIA UNNATI SCHEME KALPUI DAN

PRESS NOTE

Aizawl the 19th February 2026

TRANSFORMATIVE INDUSTRIALIZATION SCHEME (UNNATI-2024) chungchangah mipuiten thudik leh he scheme-in a tumte an hriat theih nan Tourism Department chuan hetiang hian a sawifiahna a siam a.

Unnati Scheme hi North East State te Industry Sector-a hma an sawn theihna tura Back ended subsidy 50% thlenga claim theihna tura duan a ni a. He Scheme hian Tourism Sector- Hotel, Homestay, Picnic Spot leh Resort etc. te pawh a huam a ni.

Unnati Scheme hnuaia incentive hmuh theihnate chu – Capital Investment Incentive (CII), Capital Interest Subvention (CIS) leh Manufacturing & Service Link Industry (MSLI) te an ni.

Tun din hmuna mipuiin an hriat fiah tul ni a lang chu, Capital Investment Incentive (CII) hi a ni a. He incentive hi GST pek ngai chiah leh GST pek ngai lovah then hran a ni a, GST pek ngaiah hian incentive sang thei ber chu Rs.7.5 Crore a ni a, Rs 7.5 Crore incentive hmu tur chuan Project Cost hi Rs. 15 Crore aia tlem lo a nih a ngai a. Chutih laiin, GST pek ngai lo Industry-ah chuan Rs.10 Crore hi incentive hmuh san theih ber a ni a, Project Cost chu Rs.20.00 Crore aia tlem lo a nih a ngai thung. Mi thenkhatin incentive hmuh san theih ber Rs. 250 Lakh nia an sawi hi an hriatsual palh a nih a rinawm.

Tourism Department chuan Unnati Scheme hi a tam thei ang berin hmang tangkai se a duh a, District leh khaw hrang hrang tlawha official-te an zinchhuahnaah an sawi darh zel thin. Tourism Sector-a Unnati dil tur hian a hmasa berin Department atanga ‘Consent to Establish’ lehkha neih a ngai a. Director, Tourism Departmentah Consent Letter hi dil tur a ni. An hmun hmate endik a nih hnuah Consent Letter hi issue thin a ni.

Unnati Scheme hnuaia incentive hmuh tuma project nei te hian Bank Loan an la tlangpui a, Bank Loan laa bul tan an nih chuan documents pawimawhte an neih kim hnuah an project hi an loan lakna Bank ten Appraisal an tihsak tur a ni a. Mahni sum hmanga bul tante erawh chu NEDFI in Appraisal an tih sak tur a ni.

Documents tul te an neih vek hnuah Commerce & Industries Department ten Portal ah an upload sak tur a ni.

Unnati Scheme hi DPIIT enkawl a nih angin DPIIT hian documents leh a tul dangtea a diltute puitu turin Grant Thornton Company atangin Consultant pakhat chu Mizoramah an dah nghe nghe a ni.

Tourism Sector bik atan chuan incentive hi an infrastructure siam te an zawh hnu, an Hotel / Homestay leh a dangte an operate hnu, Tourism Department registration an neih fel vek hunah chauh claim hi an hmu thei ang.

He Scheme hi extend a nih loh chuan ni 31 March, 2026 hma ngeiin Portal-ah documents kimchang nen dilna upload hman tur a ni a. Vawiin ni 19 February, 2026 thleng hian Tourism Department chuan Consent to Establish hi mi 44 tan a pe chhuak tawh (List attached a ni e). Heng mi 44 te hian Unnati Scheme hnuaiah incentives hmuh an inbeisei vek avangin Loan an la a nih pawhin, Unnati Scheme behchhana Bank Loan la anga ngaih vek an ni.

Issued by Department of Tourism, Government of Mizoram

"Nu mittuiin a fa nunna a chhan thei lo, i thisenin a chhan thei a sin,"

Thisen pe la, nun chhanhim rawh.

| EXPLORE MIZORAM |

• Mizoram's Most Trusted Website | Mizoram's Online Encyclopedia •

[📌 Join WhatsApp channel for updates- https://whatsapp.com/channel/0029Vb66gtL8KMqnoM2JIz12 ]